ନୂଆଦିଲ୍ଲୀ: ଅନେକ ଦିନ ପରେ ଆଣ୍ଡାମାନ ଓ ଲାକ୍ଷାଦ୍ୱୀପବାସୀଙ୍କ ସ୍ୱପ୍ନ ପୂରଣ ହେବାକୁ ଯାଉଛି । ଦ୍ୱୀପପୁଞ୍ଜରେ ଯୋଗାଯୋଗ ସୁବିଧାରେ ଉନ୍ନତି ଆଣିବାକୁ ପଦକ୍ଷେପ ନେଇଛି ଇସ୍ରୋ । ମହାକାଶରେ ଆଉ ଏକ ପାଦ ଆଗେଇ PSLV-C50 ଦ୍ବାରା ଲଞ୍ଚ ହେବ ଯୋଗାଯୋଗ ସାଟେଲାଇଟ CMS-01 । 17 ଡିସେମ୍ବର ଆନ୍ଧ୍ରପ୍ରଦେଶର ଶ୍ରୀହରୀକୋଟା ସ୍ଥିତ ସତିଶ ଧୱନ ସ୍ପେସ ସେଣ୍ଟରରୁ ଦିନ 3ଟା 41ରେ PSLV-C50 ଜରିଆରେ ଯୋଗାଯୋଗ ସାଟେଲାଇଟ CMS-01 ଉତକ୍ଷେପଣ କରିବ ଭାରତୀୟ ମହାକାଶ ଗବେଷଣା ସଂସ୍ଥା ଇସ୍ରୋ ।
ଫ୍ରିକ୍ୟୁଏନ୍ସ ସ୍ପେକ୍ଟ୍ରମର ବିସ୍ତାରିତ-ସି ବ୍ୟାଣ୍ଡରେ ସେବା ଯୋଗାଇବା ପାଇଁ CMS-01 ହେଉଛି ଏକ ଯୋଗାଯୋଗ ଉପଗ୍ରହ | ବିସ୍ତାରିତ-ସି ବ୍ୟାଣ୍ଡ କଭରେଜରେ ଇଣ୍ଡିଆନ ମେଲଲ୍ୟାଣ୍ଡ, ଆଣ୍ଡାମାନ ନିକୋବର ଏବଂ ଲାକ୍ଷାଦ୍ୱୀପ ଅନ୍ତର୍ଭୁକ୍ତ ହେବ | CMS-01 ହେଉଛି ଭାରତର 42 ତମ ଯୋଗାଯୋଗ ଉପଗ୍ରହ ।
PSLV-C50 ହେଉଛି 'XL' ସଂରଚନାରେ PSLVର 22 ତମ ଫ୍ଲାଇଟ | ଏହା ଶ୍ରୀହାରିକୋଟା ସ୍ପେସ ସେମ୍ଟରରୁ 77 ତମ ଲଞ୍ଚ ମିସନରେ ସାମିଲ ହେବ ।
ପୂର୍ବରୁ ଆଣ୍ଡାମାନରେ ସବମରିନ ଅପ୍ଟିକାଲ ଫାଇବର କେବୁଲ ବିଛାଇବା ପ୍ରକଳ୍ପର ଶୁଭାରମ୍ଭ ହୋଇସାରିଛି । ଏହି ପ୍ରକଳ୍ପ ଦ୍ୱାରା ଆଗକୁ ଆଣ୍ଡାମାନ ନିକୋବରରେ ଇଂଟରନେଟର ସ୍ପିଡ ବଢିବ । ପ୍ରକଳ୍ପର ଉଦଘାଟନ ଅବସରରେ ପ୍ରଧାନମନ୍ତ୍ରୀ କହିଥିଲେ ଯେ ଆଣ୍ଡାମାନକୁ ଯୋଡିବା ଓ କନେକଟିଭିଟି ଯୋଗାଇବା ଦେଶର ଦାୟିତ୍ୱ ।
