ନୂଆଦିଲ୍ଲୀ: ମହାମାରୀ କୋରୋନା ପାଇଁ ସବୁ କିଛି ଡିଜିଟାଲ ହୋଇଯାଇଛି । ସଂକ୍ରମଣକୁ ଏଡାଇ ପାଇଁ ଯୋଗଯୋଗର ମାଧ୍ୟମ ପାଲଟିଛି ଟେକ୍ନୋଲୋଜି । ସାଧାରଣ ସଭା ଠାରୁ ଆରମ୍ଭ କରି ନିର୍ବାଚନ କ୍ଷେତ୍ର ମଧ୍ୟ ଭର୍ଚୁଆଲରେ କରାଯାଉଛି । ଏପରି ସ୍ଥିତିରେ ଏକ ଜାତୀୟ ଗଣମାଧ୍ୟମର ପ୍ୟାନେଲିଷ୍ଟମାନେ ଅନଲାଇନ ମାଧ୍ୟମରେ ବିତର୍କ କରୁଛନ୍ତି । ଏହି ସମୟରେ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି । ଯେଉଁଥିରେ ଜଣେ ମହିଳା ଲାଇଭ ଆଲୋଚନା ସମୟରେ ଖାଇବାରେ ବ୍ୟସ୍ତ ଥିଲେ।
ଏହି ଭିଡିଓକୁ ଟ୍ବିଟରରେ Scotchy(Chronological) ନାମକ ବ୍ୟକ୍ତି ସେୟାର କରିଥିଲେ । ଧୀରେ ଧୀରେ ଏହା ଭାଇରାଲ ହେବାକୁ ଲାଗିଥିଲା । ଏହି ବ୍ୟକ୍ତି ଜଣକ ଭିଡିଓ ସେୟାର କରିବା ସହ ଲେଖିଥିଲେ ମୋତେ ଏମିତିକା ଆତ୍ମନିର୍ଭରଶୀଳ ମହିଳା ଦରକାର । ଯାହା ପରେ ଏହି ଭିଡିଓକୁ 1.9k ରିଟ୍ବିଟ କରାଯାଇଥିଲା । 9k ପର୍ଯ୍ୟନ୍ତ ଲାଇକ କରାଯାଇଛି । ଜାତୀୟ ଗଣମାଧ୍ୟମର ଏକ ଜଣାଶୁଣା ଟିଭି ଚ୍ୟାନେଲରେ ଜଣେ ପ୍ୟାନେଲିଷ୍ଟଙ୍କ ଏପରି ଆଚରଣ ଦେଖି ଲୋକେ ତାଙ୍କୁ ଟ୍ରୋଲ କରିଥିଲେ । ତେବେ ଏହା ପ୍ରଥମ ଥର ଏହା ପୂର୍ବରୁ ଆଉ ଏକ ଜଣାଶୁଣା ଚ୍ୟାନେଲରେ ଜଣେ ବ୍ୟକ୍ତି ସିଗାରେଟ ପିଉଥିବାର ମଧ୍ୟ ଦେଖିବାକୁ ମିଳିଥିଲା । ତେବେ ଲକଡାଉନ ସମୟରେ ଲୋକେ ନିଜର ହିତଜ୍ଞାନ ଭୁଲି ଯାଉଛନ୍ତି ବୋଲି ଲୋକେ କମେଣ୍ଟ କରିଥିଲେ ।
ଏହି ଭିଡିଓ ଭାଇରାଲ ହେବା ପରେ ସମ୍ପୃକ୍ତ ମହିଳା ଜଣକ କମେଣ୍ଟ ଦେଇଥିଲେ । ଏହା ତାଙ୍କ ଅଜଣାତରେ ହୋଇଛି । ଚ୍ୟାନେଲର ଆଙ୍କର ଜଣ ତାଙ୍କୁ କଥା କହିବାକୁ ସୁଯୋଗ ଦେଇନଥିଲେ । ଦୀର୍ଘ ସେ 30 ମିନିଟ କାଳ ସେମିତି ଚୁପ ରହିଥିଲେ । ପରେ ତାଙ୍କୁ ଭୋକ ଲାଗିବାରୁ ସେ ତାଙ୍କର ଖାଦ୍ୟ ଖାଇଥିଲେ । ହେଲେ ଏହି ସମୟରେ ସେ ସ୍କାଏପିକୁ ବନ୍ଦ କରିବାକୁ ଭୁଲି ଯାଇଥିଲେ ।
