ଚଣ୍ଡିଗଡ: ଚଳିତ ବିଧାନସଭା ନିର୍ବାଚନରେ ବିପୁଳ ବିଜୟ ପରେ ପଞ୍ଜାବରେ ପ୍ରଥମ ଥର ସରକାର ଗଢିବାକୁ ଯାଉଛି AAP । ଏହା ପୂର୍ବରୁ ପଞ୍ଜାବ ମୁଖ୍ୟମନ୍ତ୍ରୀ ହେବାକୁ ଥିବା ଭଗୱନ୍ତ ସିଂ ମାନ ଆଜି ରାଜ୍ୟପାଳଙ୍କ ବାସ ଭବନରେ ପହଞ୍ଚି ରାଜ୍ୟପାଳ ବନଓ୍ବାରିଲାଲ ପୁରହିତଙ୍କୁ ଭେଟିଛନ୍ତି । ଏନେଇ ଗଣମାଧ୍ୟମକୁ ସୂଚନା ଦେଇ ଭଗଓ୍ବନ୍ତ କହିଛନ୍ତି ଯେ, ସରକାର ଗଢିବା ପୂର୍ବରୁ ମୁଁ ରାଜ୍ୟପାଳଙ୍କୁ ଭେଟିବାକୁ ଆସିଥିଲି । ରାଜ୍ୟରେ ସରକାର ଗଠନ ନେଇ ଜଣାଇବା ସହ ଆପ ବିଧାୟକ ଦଳର ଏକ ସମର୍ଥନ ପତ୍ର ଦାଖଲ କରିଥିବା କହିଛନ୍ତି ଭଗୱନ୍ତ ।
ଏହାମଧ୍ୟ ପଢନ୍ତୁ:-ଆଜି ଉତ୍ତର ପ୍ରଦେଶରେ ବିଜୟ ରାଲି କରିବ AAP
ଆସନ୍ତା ମାର୍ଚ୍ଚ ୧୬ ତାରିଖରେ ଦିନ ୧୨ଟା ୩୦ ମିନିଟରେ ଶପଥ ଗ୍ରହଣ କାର୍ଯ୍ୟକ୍ରମ ରହିଛି । ଏ ବିଷୟରେ ରାଜ୍ୟପାଳଙ୍କୁ ମୁଁ ଜଣାଇଛି ବୋଲି କହିଛନ୍ତି ଭଗୱନ୍ତ ସିଂ ମାନ । ଏହି ଶପଥ ଗ୍ରହଣ ଉତ୍ସବରେ ଦିଲ୍ଲୀ ମୁଖ୍ୟମନ୍ତ୍ରୀ ତଥା ଦଳ ସୁପ୍ରିମୋ ଅରବିନ୍ଦ କେଜ୍ରିୱାଲ ଯୋଗ ଦେବାର କାର୍ଯ୍ୟକ୍ରମ ମଧ୍ୟ ରହିଛି । ସ୍ବାଧିନତା ସଂଗ୍ରାମୀ ଭଗତ ସିଂହଙ୍କ ଜନ୍ମମାଟିରେ ଶପଥ ଗ୍ରହଣ କାର୍ଯ୍ୟକ୍ରମ ଅନୁଷ୍ଠିତ ହେବ ।
@ANI
