ଲକ୍ଷ୍ନୌ: ଘୃଣା ସୃଷ୍ଟିକାରୀ ମନ୍ତବ୍ୟ ବା ଭାଷଣ (Hate Speech) ଦେବା ମାମଲାରେ ଦୋଷୀ ସାବ୍ୟସ୍ତ ହୋଇଛନ୍ତି ସମାଜବାଦୀ ପାର୍ଟିର ବରିଷ୍ଠ ନେତା ତଥା ବିଧାୟକ ଆଜମ ଖାନ (Azam Khan Found Guilty in Hate Speech Case) । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ବିରୋଧରେ ସେ ଏପରି ବୟାନ ଦେବା ନେଇ ମାମଲା ହୋଇଥିଲା । ତେବେ ଆଜି ସେ ଏହି ମାମଲାରେ ଦୋଷୀ ସାବ୍ୟସ୍ତ ହେବା ସହ ୩ ବର୍ଷ ଜେଲ ଦଣ୍ଡରେ ଦଣ୍ଡିତ ହୋଇଛନ୍ତି ।
ତାଙ୍କର ବିଧାୟକ ପଦ ମଧ୍ୟ ରଦ୍ଦ ହେବା ନେଇ ଅନୁମାନ କରାଯାଉଛି । ଏହି ମାମଲାରେ ଗତ ୨୧ ରେ ଶୁଣାଣି ଶେଷ କରି ରାୟ ସଂରକ୍ଷିତ ରଖାଯାଇଥିଲା । ଯାହା ଆଜି ପ୍ରକାଶ ପାଇଛି । ଆଜମଙ୍କୁ ୩ ବର୍ଷର ଜେଲ ଦଣ୍ଡାଦେଶ ସହ 2 ହଜାର ଟଙ୍କାର ଜୋରିମାନା ମଧ୍ୟ ଶୁଣାଇଛନ୍ତି କୋର୍ଟ ।
ବ୍ୟୁରୋ ରିପୋର୍ଟ, ଇଟିଭି ଭାରତ
