କୋଲକାତା: ପଶ୍ଚିମବଙ୍ଗ ସମେତ 4 ରାଜ୍ୟରେ ଉପନିର୍ବାଚନ ହେବା ନେଇ ଗତକାଲି (ଶନିବାର) ନିର୍ବାଚନ କମିଶନ ତାରିଖ ଘୋଷଣା ପରେ ଆଜି ବଙ୍ଗର ଦୁଇ ଆସନ ପାଇଁ ପ୍ରାର୍ଥୀ ଚୂଡାନ୍ତ କରିଛି ତୃଣମୂଳ କଂଗ୍ରେସ । ଆସନସୋଲ ସଂସଦୀୟ ଆସନରୁ ପୂର୍ବତନ ସାଂସଦ ବାବୁଲ ସୁପ୍ରିୟୋ ପଦରୁ ଇସ୍ତଫା ଦେବା ପରେ ସେଠାରୁ ଅଭିନେତା ଶତ୍ରୁଘ୍ନ ସିହ୍ନାଙ୍କୁ ପ୍ରାର୍ଥୀ କରିଛି ଦଳ । ସେହପିରି ବିଜେପି ଛାଡି ଟିଏମସିରେ ସାମିଲ ହୋଇଥିବା ବାବୁଲ ସୁପ୍ରିୟୋଙ୍କୁ ବାଲିଗଞ୍ଜ ବିଧାନସଭା ନିର୍ବାଚନ କ୍ଷେତ୍ରରୁ ପ୍ରାର୍ଥୀ କରାଯାଇଥିବା ଦଳ ସୁପ୍ରିମୋ ମମତା ବାନାର୍ଜୀ ଟ୍ବିଟ କରି ସୂଚନା ଦେଇଛନ୍ତି।
-
Sri Babul Supriyo, former union minister and noted singer, will be our candidate in Vidhansabha by- election from Ballygunge. Jai Hind, Jai Bangla, Jai Ma- Mati- Manush!(2/2)
— Mamata Banerjee (@MamataOfficial) March 13, 2022 " class="align-text-top noRightClick twitterSection" data="
">Sri Babul Supriyo, former union minister and noted singer, will be our candidate in Vidhansabha by- election from Ballygunge. Jai Hind, Jai Bangla, Jai Ma- Mati- Manush!(2/2)
— Mamata Banerjee (@MamataOfficial) March 13, 2022Sri Babul Supriyo, former union minister and noted singer, will be our candidate in Vidhansabha by- election from Ballygunge. Jai Hind, Jai Bangla, Jai Ma- Mati- Manush!(2/2)
— Mamata Banerjee (@MamataOfficial) March 13, 2022
ବାବୁଲ ପଦରୁ ଇସ୍ତଫା ଦେବା ପରେ ଆସନସୋଲ ସଂସଦୀୟ କ୍ଷେତ୍ର ଖାଲି ପଡିଥିବା ବେଳେ ପଶ୍ଚିମବଙ୍ଗ ସରକାରରେ ମନ୍ତ୍ରୀ ଥିବା ସୁବ୍ରତ ମୁଖାର୍ଜୀଙ୍କ ଦେହାନ୍ତ ପରେ ବାଲିଗଞ୍ଜ ବିଧାନସଭା ନିର୍ବାଚନ ମଣ୍ଡଳୀ ମଧ୍ୟ ଖାଲି ପଡିଥିଲା । ତେବେ ଗତକାଲିି ପଶ୍ଚିମବଙ୍ଗ ସମେତ ମୋଟ 4 ରାଜ୍ୟରେ ଗୋଟିଏ ଲୋକସଭା ଆସନ ଓ 4ଟି ବିଧାନସଭା ଆସନରେ ଉପନିର୍ବାଚନ ପାଇଁ ତାରିଖ ଘୋଷଣା କରିଥିଲେ ନିର୍ବାଚନ କମିଶନ।
ସେହିପରି ଛତିଶଗଡର ଖାଇରାଗଡରେ, ବିହାରର ବୋଚାହାନ ଏବଂ ମହାରାଷ୍ଟ୍ରର କୋହ୍ଲାପୁର ଉତ୍ତର ବିଧାନସଭା ନିର୍ବାଚନ ମଣ୍ଡଳୀରେ ମଧ୍ୟ ଉପ-ନିର୍ବାଚନ ଅନୁଷ୍ଠିତ ହେବା ନେଇ ନିର୍ବାଚନ କମିଶନ ସୂଚନା ଦେଇଛନ୍ତି ।
ଉପନିର୍ବାଚନ ନେଇ ଗୁରୁତ୍ବପୂର୍ଣ୍ଣ ତାରିଖ:-
- ବିଜ୍ଞପ୍ତି ପ୍ରକାଶ ତାରିଖ- 17 ମାର୍ଚ୍ଚ 2022
- ନାମାଙ୍କନ ପତ୍ରର ଶେଷ ତାରିଖ - 24 ମାର୍ଚ୍ଚ
- ନାମାଙ୍କନ ପ୍ରତ୍ୟାହାର ପାଇଁ ଶେଷ ତାରିଖ - 28 ମାର୍ଚ୍ଚ
- ମତଦାନ- 12 ଏପ୍ରିଲ
- ମତ ଗଣନା- 16 ଏପ୍ରିଲ
ବ୍ୟୁରୋ ରିପୋର୍ଟ, ଇଟିଭି ଭାରତ
