ଝାରସୁଗୁଡା: ପାଖେଇ ଆସୁଛି ସାଧାରଣ ନିର୍ବାଚନ । ଏହା ପୂର୍ବରୁ ଓଡି଼ିଶା ଗସ୍ତରେ ଆସୁଛନ୍ତି ବଡ଼ ବଡ଼ ନେତା । ଆଜି ପ୍ରଧାନମନ୍ତ୍ରୀ ଓଡ଼ିଶା ଗସ୍ତରେ ଆସୁଥିବା ବେଳେ ଆସନ୍ତା 6 ତାରିଖରେ ରାହୁଲ ଗାନ୍ଧି ଓଡ଼ିଶା ଗସ୍ତ କରିବେ । ଭାରତ ଯୋଡ଼ ନ୍ୟାୟ ଯାତ୍ରା କାର୍ଯ୍ୟକ୍ରମରେ ରାହୁଲ ଓଡ଼ିଶା ଆସୁଛନ୍ତି । ଫେବୃଆରୀ 8 ତାରିଖରେ ଝାରସୁଗୁଡ଼ାରେ ଭାରତ ଯୋଡ଼ ନ୍ୟାୟ ଯାତ୍ରା କରିବେ ରାହୁଲ ଗାନ୍ଧି । ଝାରସୁଗୁଡ଼ା ସହରରୁ ଲଖନପୁର ଦେଇ ଛତିଶଗଡ଼ ଯିବ ରାହୁଲ ଗାନ୍ଧିଙ୍କ ଭାରତ ଯୋଡ ନ୍ୟାୟ ଯାତ୍ରା ।
ଏହା ମଧ୍ୟ ପଢନ୍ତୁ-ଭାରତ ଯୋଡୋ ନ୍ୟାୟ ଯାତ୍ରା ପାଇଁ ଦାନ ମାଗିଲା କଂଗ୍ରେସ, 670 ଟଙ୍କା ଦେଲେ ଟି-ସାର୍ଟ ଦେବେ ରାହୁଲ
ଭାରତ ଯୋଡ଼ ନ୍ୟାୟ ଯାତ୍ରାରେ ଆସନ୍ତା 6 ତାରିଖରେ ଓଡିଶାରେ ପହଞ୍ଚିବେ ରାହୁଲ ଗାନ୍ଧି । ସୁନ୍ଦରଗଡ଼ର ବୀରମିତ୍ରପୁରରେ ରାହୁଲ ଗାନ୍ଧି ପହଞ୍ଚିବେ । ସେଠାରେ ତାଙ୍କୁ କଂଗ୍ରେସ ପକ୍ଷରୁ ସ୍ବାଗତ କରାଯିବ । ଏଠାରେ ଯାତ୍ରା ସରିବା ପରେ 7 ତାରିଖ ସନ୍ଧ୍ୟାରେ ଝାରସୁଗୁଡ଼ାରେ ପହଞ୍ଚିବେ ରାହୁଲ । 8 ତାରିଖ ସକାଳୁ ଝାରସୁଗୁଡ଼ା ସହରରୁ ଲଖନପୁର ଦେଇ ଛତିଶଗଡ଼ ବାହାରିବ ଭାରତ ଯୋଡ ନ୍ୟାୟ ଯାତ୍ରା । ସ୍ଥାନେ ସ୍ଥାନେ ଲୋକଙ୍କୁ ଭେଟି ପୂନଃ କଂଗ୍ରେସ ଦଳରେ ଯୋଗ ଦେଇ ଦେଶରେ ଶାନ୍ତି ମୈତ୍ରୀ ସ୍ଥାପନ କରିବା ପାଇଁ ପ୍ରବର୍ତ୍ତାଇବେ ।
ଏହା ମଧ୍ୟ ପଢନ୍ତୁ-ଆସୁଛନ୍ତି ରାହୁଲ, ଫେବୃଆରୀ ୬ରୁ ଓଡ଼ିଶାରେ ନ୍ୟାୟ ଯାତ୍ରା
ରାହୁଲ ଗାନ୍ଧିଙ୍କ ଭାରତ ଯୋଡ଼ୋ ନ୍ୟାୟ ଯାତ୍ରାକୁ ସଫଳ କରିବା ପାଇଁ ପିସିସି ପକ୍ଷରୁ ଏକ କମିଟି ଗଠନ କରାଯାଇଛି । ସବୁ କାର୍ଯ୍ୟକୁ ତଦାରଖ କରିବା ପାଇଁ ରାହୁଲଙ୍କ ଅଫିସରୁ ଏଥିପାଇଁ 2ଟି ଟିମ୍ ଆସି ଓଡ଼ିଶାରେ ପହଞ୍ଚିଛନ୍ତି । ଶୁକ୍ରବାର ଝାରସୁଗୁଡ଼ା ସହରର ହୋଟେଲ ଆରୟନଠାରେ କଂଗ୍ରେସର ଏକ ବୈଠକ ଅନୁଷ୍ଠିତ ହୋଇଯାଇଥିଲା । ଏହି ବୈଠକରେ ପ୍ରଦେଶ କଂଗ୍ରେସ କମିଟିର ଅଧ୍ୟକ୍ଷ ଶରତ ପଟ୍ଟନାୟକ, AICCର ସମ୍ପାଦକ ଶହନୱାଜ ଚୌଧୁରୀ ଓ କଣ୍ଟାବାଞ୍ଜି ବିଧାୟକ ସନ୍ତୋଷ ସିଂ ସାଲୁଜାଙ୍କ ସହ ବରିଷ୍ଠ କଂଗ୍ରେସ ନେତା ଉପସ୍ଥିତ ଥିଲେ । ବୈଠକରେ ଭାରତ ଯୋଡ଼ ନ୍ୟାୟ ଯାତ୍ରା ନେଇ ଜିଲ୍ଲା ତଥା ରାଜ୍ୟସ୍ତରୀୟ ନେତାଙ୍କୁ ଅବଗତ କରାଯାଇଥିଲା। କିଭଳି ଭାବେ ରାହୁଲ ଗାନ୍ଧୀଙ୍କ ଏହି ଯାତ୍ରା ସଫଳ ଭାବେ ସମ୍ପର୍ଣ୍ଣ ହେବ ତାହାକୁ ନେଇ ଆଲୋଚନା କରାଯାଇଥିଲା।
ଇଟିଭି ଭାରତ, ଝାରସୁଗୁଡ଼ା
