ହାଇଦ୍ରାବାଦ: ଖୁବଶୀଘ୍ର ପିତାମାତା ହେବାକୁ ଯାଉଛନ୍ତି ବଲିଉଡର ଲୋକପ୍ରିୟ ଦମ୍ପତି ଦୀପିକା ପାଦୁକୋନ ଏବଂ ରଣଭୀର ସିଂ । ହେଲେ ଏହାରି ମଧ୍ୟରେ ବର୍ତ୍ତମାନ ରଣଭୀର ସିଂ ନିଜ ସୋସିଆଲ ମିଡିଆ ଇନଷ୍ଟାଗ୍ରାମ ହ୍ୟାଣ୍ଡେଲରୁ ବିବାହର ସମସ୍ତ ଫଟୋ ଏବଂ ଭିଡିଓ ସୋସିଆଲ ମିଡିଆରୁ ଡିଲିଟ କରିଛନ୍ତି । କାରଣ ଏହି ଦମ୍ପତି ଖୁବଶୀଘ୍ର ଖୁସି ଖବର ଦେବାକୁ ଯାଉଥିବା ବେଳେ ଅଭିନେତା କାହିଁକି ଏପରି କରିଛନ୍ତି ସେନେଇ ଅନେକ ଦ୍ୱନ୍ଦ୍ୱରେ ରହିଛନ୍ତି ଫ୍ୟାନ୍ସ । ଅନେକ ଉଭୟଙ୍କ ମଧ୍ୟରେ ଫାଟ ସୃଷ୍ଟି ହୋଇଥିବା ଆଲୋଚନା କରୁଛନ୍ତି ।
ବିବାହ ଫଟୋ ମଧ୍ୟ ଡିଲିଟ୍ କଲେ ରଣଭୀର
ରଣଭୀର ସିଂ ୨୦୧୪ରେ ଇନଷ୍ଟାଗ୍ରାମ ଆକାଉଣ୍ଟ ଖୋଲିଥିଲେ । ଏହି ପ୍ଲାଟଫର୍ମରେ ୪୭.୪ ମିଲିୟନ ଲୋକ ତାଙ୍କୁ ଫୋଲର୍ସ କରନ୍ତି । ରଣଭୀର ସିଂ ଦୀର୍ଘ ବର୍ଷ ଧରି ଇନଷ୍ଟାଗ୍ରାମରେ ସକ୍ରିୟ ଥିବା ବେଳେ ବର୍ତ୍ତମାନ ତାଙ୍କ ହ୍ୟାଣ୍ଡେଲରେ ମାତ୍ର ୧୩୩ଟି ପୋଷ୍ଟ ଦେଖିବାକୁ ମିଳିଛି । ସେ ୨୦୨୩ ପୂର୍ବରୁ ସେୟାର କରିଥିବା ସମସ୍ତ ଫଟୋ ମଧ୍ୟ ହଟାଇ ଦେଇଛନ୍ତି । ସେଥିରେ ସେ ତାଙ୍କ ବିବାହର ଫଟୋ ମଧ୍ୟ ହଟାଇ ଦେଇଛନ୍ତି । ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଫ୍ୟାନ୍ସ ଉଭୟଙ୍କ ସମ୍ପର୍କକୁ ନେଇ ଚର୍ଚ୍ଚା କରୁଥିବା ବେଳେ ସେପଟେ ଉଭୟଙ୍କ ମଧ୍ୟରେ ସବୁଠିକ ଥିବା କହିଛନ୍ତି ଅଭିନେତାଙ୍କ ଟିମ ।
ବିବାହ ଫଟୋ ଡିଲିଟ ନେଇ ରଣଭୀରଙ୍କ ଟିମର ସ୍ପଷ୍ଟୀକରଣ
ବର୍ତ୍ତମାନ ରଣଭୀର ଏବଂ ଦୀପିକାଙ୍କ ବିବାହ ବିଚ୍ଛେଦ ଖବର ଉପରେ ଅଭିନେତାଙ୍କ ଟିମ ଜବାବ ଦେଇଛନ୍ତି । ଟିମ କହିଛି, ଏହା ସ୍ପଷ୍ଟ କରିବା ଜରୁରୀ ଯେ ରଣଭୀର- ଦୀପିକାଙ୍କ ମଧ୍ୟରେ ସବୁକିଛି ଠିକ ଅଛି । ରଣଭୀର ୨୦୨୩ ପୂର୍ବର ବିବାହ ସମେତ ସମସ୍ତ ପୁରୁଣା ପୋଷ୍ଟକୁ ହାଇଡ(Hide) କରିଦେଇଛନ୍ତି । କିନ୍ତୁ ଏହି ସମୟରେ ଦୀପିକା ପାଦୁକୋନ ତାଙ୍କ ଇନଷ୍ଟାଗ୍ରାମରେ ସେମାନଙ୍କ ବିବାହ ଫଟୋ ବଜାୟ ରଖିଛନ୍ତି । ଅନ୍ୟପଟେ ଦୀପିକା ଏବଂ ରଣଭୀର ବେବି ମୁନ ଉପଭୋଗ କରୁଛନ୍ତି । ନିକଟରେ ଉଭୟଙ୍କୁ ଏୟାରପୋର୍ଟରେ ଦେଖିବାକୁ ମିଳିଥିଲା । ରଣଭୀରଙ୍କ ଏପରି ହଠାତ ପଦକ୍ଷେପ ସମସ୍ତଙ୍କୁ ଚକିତ କରିଥିବା ବେଳେ ଟିମର ପ୍ରତିକ୍ରିୟା ପରେ କଳ୍ପନାଜଳ୍ପନାର ଅନ୍ତ ହୋଇଛି ।
ସୂଚନା ଥାଉ କି, ରଣଭୀର ସିଂ ଏବଂ ଦୀପିକା ପାଦୁକୋନଙ୍କ ମଧ୍ୟରେ ପ୍ରେମସମ୍ପର୍କ ୨୦୧୨ରେ ଆରମ୍ଭ ହୋଇଥିଲା । ଦୀର୍ଘ ବର୍ଷର ଡେଟିଂ ପରେ ଏହି ଦମ୍ପତି ୨୦୧୮ରେ ବିବାହ କରିଥିଲେ । ତେବେ ବିବାହର ୬ ବର୍ଷ ପରେ ପିତାମାତା ହେବାକୁ ଯାଉଛନ୍ତି ଅଭିନେତ୍ରୀ ଦୀପିକା ପାଦୁକୋନ ଏବଂ ଅଭିନେତା ରଣଭୀର ସିଂ । ନିକଟରେ ଏହି ଖୁସି ଖବର ଦେବା ସହ ଚଳିତ ସେପ୍ଟେମ୍ୱରରେ ତାଙ୍କ ଘରକୁ ନୂଆ ଅତିଥି ଆସିବେ ବୋଲି କହିଥିଲେ ।
ଏହା ମଧ୍ୟ ପଢନ୍ତୁ: ଦୀପଭୀରଙ୍କ ଘରକୁ ଆସିବେ ନୂଆ ଅତିଥି, ଫ୍ୟାନ୍ସଙ୍କୁ ଦେଲେ ଖୁସି ଖବର
ଏହି ଫିଲ୍ମରେ ଦୀପଭୀର ଏକାଠି ନଜର ଆସିବେ ନଜର
'ସିଙ୍ଘମ ଏଗେନ'ରେ ଦୀପିକା ପାଦୁକୋନଙ୍କ ସ୍ୱାମୀ ତଥା ଅଭିନେତା ରଣଭୀର ସିଂଙ୍କ ସହ ଏକାଠି ନଜର ଆସିବେ । ଏହା ଏକ ଆକ୍ସନ୍ ଏବଂ ଥ୍ରୀଲର ଚଳଚ୍ଚିତ୍ର ଅଟେ । ଏଥିରେ ଦୀପିକା, ରଣଭୀର ବ୍ୟତୀତ ମଲ୍ଟି ଷ୍ଟାର ଅକ୍ଷୟ କୁମାର, ଅଜୟ ଦେବଗନ, କରୀନା କପୁର ଖାନ, ଟାଇଗର ଶ୍ରଫ ଏବଂ ଅର୍ଜୁନ କପୁରଙ୍କୁ ଦେଖିବାକୁ ମିଳିବ । 'ସିଙ୍ଘମ ଏଗେନ' ୧୫ ଅଗଷ୍ଟ ୨୦୨୪ରେ ପ୍ରେକ୍ଷାଳୟରେ ମୁକ୍ତିଲାଭ କରିବ ।
