ହାଇଦ୍ରାବାଦ: ଜୀବନ ହାରିଲେ ୟୁଟ୍ୟୁବର ପ୍ରେମୀ ଯୁଗଳ । ହରିୟାଣାର ବାହାଦୂରଗଡରୁ ଆସିଛି ଏଭଳି ଦୁଃଖଦ ଘଟଣା । ମୃତ ପ୍ରେମୀ ଯୁଗଳ ହେଲେ ୨୫ ବର୍ଷୀୟ ଗର୍ବିତ ଏବଂ ୨୨ ବର୍ଷୀୟ ନନ୍ଦିନୀ ବୋଲି ଜଣାପଡିଛି । ଏହି ଘଟଣା ନେଇ ଅଞ୍ଚଳରେ ଉତ୍ତେଜନା ସୃଷ୍ଟି ହୋଇଛି । ସେପଟେ ଘଟଣାର ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ପୋଷ୍ଟମର୍ଟମ ପାଇଁ ପଠାଇଛି । ପୋଲିସର ପ୍ରାଥମିକ ଅନୁସନ୍ଧାନରୁ ଉଭୟଙ୍କ ଆତ୍ମହତ୍ୟା ଜନିତ ମୃତ୍ୟୁ ହୋଇଥିବା ଜଣାପଡିଛି । ଘଟଣା ନେଇ ପୋଲିସ ଅଧିକ ତଦନ୍ତ ଜାରି ରଖିଛି ।
ସୂଚନା ଅନୁସାରେ, ଏହି ଘଟଣା ବାହାଦୂରଗଡର ରୁହିଲ ରେସିଡେନ୍ସିରେ ଘଟିଛି । ଉଭୟ ୟୁଟ୍ୟୁବର୍ ଥିଲେ ଏବଂ କ୍ଷୁଦ୍ର ଚଳଚ୍ଚିତ୍ର ମଧ୍ୟ କରୁଥିଲେ । ଏଥିସହ ଦୁହେଁ ଲିଭ-ଇନ୍ ରିଲେସନସିପରେ ରହୁଥିଲେ । ଯାହା ସେମାନଙ୍କ ପରିବାର ମଧ୍ୟ ଜାଣିଥିଲେ । କିଛି ଦିନ ପୂର୍ବରୁ ଉଭୟ ପ୍ରେମୀ ଯୁଗଳ ନିଜ ଟିମ ସହ ଡେରାଡୁନରୁ ବାହାଦୂରଗଡକୁ ଆସିଥିଲେ । ଏଠାରେ ସେ ରୁହିଲ ରେସିଡେନ୍ସିର ସପ୍ତମ ମହଲାରେ ଏକ ଫ୍ଲାଟ ଭଡା ନେଇଥିଲେ । ସେ ତାଙ୍କର ପ୍ରାୟ ୫ ଜଣ ସାଥୀଙ୍କ ସହ ରହୁଥିଲେ । କୁହାଯାଉଛି ଯେ ଶନିବାର ବିଳମ୍ବିତ ରାତିରେ କିଛି ପ୍ରସଙ୍ଗରେ ଉଭୟଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ଏହା ପରେ ଏହି ଦୁର୍ଘଟଣା ଘଟିଛି ।
ଏହା ମଧ୍ୟ ପଢନ୍ତୁ: ଜୀବନ ହାରିଲେ ଅଭିନେତ୍ରୀ ମଲ୍ଲିକା ରାଜପୁତ, ଘରୁ ମିଳିଲା ଝୁଲନ୍ତା ମୃତଦେହ
ପ୍ରାରମ୍ଭିକ ଅନୁସନ୍ଧାନ ବେଳେ ପୋଲିସ ଜାଣିବାକୁ ପାଇଛି ଯେ, ଗତକାଲି ସକାଳେ ଗର୍ବିତ ସୋସାଇଟିକୁ ଆସିଥିଲେ । ଏହା ପରେ ସେ ନନ୍ଦିନୀଙ୍କ ସହ କିଛି ପ୍ରସଙ୍ଗରେ ଝଗଡା କରିଥିଲେ । ଏହା ପରେ ସକାଳ ପ୍ରାୟ ୬ଟା ବେଳେ ସେମାନଙ୍କ ମୃତଦେହ ସମାଜରେ ରାସ୍ତାରେ ପଡ଼ିଥିବାର ଦେଖିବାକୁ ମିଳିଥିଲା । ସୋସାଇଟିର ଲୋକମାନେ ଏହା ଦେଖି ପେଲିସକୁ ଖବର ଦେବା ସହ ଉଭୟଙ୍କୁ ଡାକ୍ତରଖାନା ନେଇଥିଲେ । ଘଟଣା ସମ୍ପର୍କରେ ସୂଚନା ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିଥିଲା । ଉଭୟଙ୍କ ମଧ୍ୟରେ ଝଗଡା ହେବାର କାରଣ ଏବଂ ଦୁହେଁ କାହିଁକି ଏଭଳି ଚରମ ନିଷ୍ପତ୍ତି ନେଇ ତାହା ଜଣାପଡିନାହିଁ । ସେପଟେ ପୋଲିସ ଉଭୟଙ୍କ ପରିବାରକୁ ସୂଚନା ଦେଇଥିବା ବେଳେ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।
