ETV Bharat / state

शरद पवार गट काँग्रेसमध्ये होणार विलीन? आमदार रोहित पवार म्हणाले 'पतंग' उडवणाऱ्यांपासून सावध राहा

author img

By ETV Bharat Marathi Team

Published : Feb 14, 2024, 6:35 PM IST

Updated : Feb 14, 2024, 7:16 PM IST

MLA Rohit Pawar
MLA Rohit Pawar

Sharad Pawar : आज सकाळपासूनच राष्ट्रवादी काँग्रेस शरद पवारांच्या गट काँग्रेसमध्ये विलीन होणार असल्याच्या वृत्तानं राज्यासह देशात चर्चा सुरू झाल्या आहेत. या वृत्ताबाबत शरद पवार गटाचे आमदार अनिल देशमुख, शशिकांत शिंदे, आमदार रोहित पवार, पुणे शहराध्यक्ष प्रशांत जगताप यांनी पवार गटाची भूमिका स्पष्ट केली आहे.

आमदार रोहित पवार यांची प्रतिक्रिया

पुणे Sharad Pawar : शरद पवार गट काँग्रेसमध्ये विलीन होणार असल्याची चर्चा आज सकाळपासून सुरू होती. या चर्चेवर शरद पवार गटाच्या नेत्यांनी प्रतिक्रिया दिली आहे. काँग्रेसमध्ये शरद पवार यांचा गट विलीन होणार नाही. शरद पवारांना घाबरणारे लोक अफवा पसरवत असल्याचा आरोप रोहित पवार यांनी केलाय. उलट अशा पंतंग उडवणाऱ्यांपासून सावध राहा असा सल्ला त्यांनी पत्रकारांना दिला. शरद पवार यांच्या पुण्यातील निवासस्थानी मोदी बागेत राष्ट्रवादीच्या ज्येष्ठ नेत्यांची आज बैठक झाली. या बैठकीला पक्षाचे अनेक ज्येष्ठ नेते उपस्थित होते.

काँग्रेसमध्ये विलीन होणार नाही : यावेळी माजी मंत्री आमदार अनिल देशमुख म्हणाले की, काँग्रेसमध्ये शरदचंद्र पवार गट विलीनीकरण होणार नाही. ही विरोधकांची पसरवलेली अफवा आहे. या बैठकीत महागाई तसंच पक्षाचं चिन्ह, मेळावे यावर चर्चा करण्यात आली. काँग्रेसमध्ये विलीन होणार असल्याच्या बातम्या येत असल्या तरी आमचा पक्ष काँग्रेसमध्ये विलीन होणार नाही असं देखमुख म्हणाले.

आजच्या बैठकीत लोकसभा, राज्यसभा निवडणुकीबाबत चर्चा झाली. काँग्रेसमध्ये विलिनीकरणाबाबत कोणतीही चर्चा झाली नाही. माध्यमांतून अशा बातम्या आल्यानं काहीही होणार नाही. - रोहित पवार, आमदार

महाविकास आघाडीचा मेळावा : येत्या 24 तारखेला महाविकास आघाडीचा मेळावा होणार आहे. कॉंग्रेस पक्षात विलीनीकरण होणार असल्याच्या बातम्या चुकीच्या आहेत. शरद पवारांच्या नावाची भीती असल्यानं विरोधक अशा बातम्या पसरवत आहेत. लोकसभा आणि राज्यसभा निवडणुकीच्या पार्श्वभूमीवर ही बैठक झाली होती, असं पुणे शहराध्यक्ष जगताप यांनी म्हटलंय.

खासदार, आमदारांची उपस्थिती : राष्ट्रवादी काँग्रेस पक्ष, चिन्ह गेल्यानंतर शरद पवार यांची ही पहिलीच बैठक होती. आजच्या बैठकीला खासदार श्रीनिवास पाटील, खासदार सुप्रिया सुळे, खासदार अमोल कोल्हे, खासदार वंदना चव्हाण, माजी मंत्री राजेश टोपे, अशोक पवार, आमदार शशिकांत शिंदे,अनिल देशमुख यांची उपस्थिती होती.

हे वाचलंत का :

  1. राज्यसभा सदस्यांची निवड प्रक्रिया, राज्यसभा निवडणूक आणि राजकारण
  2. आदिवासी तरुणाला नग्न करुन बेदम मारहाण; व्हिडिओ व्हायरल, तीन महिन्यानंतर प्रकरण उघडकीस
  3. राज्यसभा निवडणुकीच्या अनुषंगाने महाराष्ट्र विधानसभेचे निवडणूक आयोगाला पत्र
Last Updated :Feb 14, 2024, 7:16 PM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.