हैदराबाद Rise Of Cricket In The Land Of NBA : तीन शतकांच्या प्रखर दुर्लक्षानंतर, न्यूयॉर्कच्या नासाऊ काउंटी स्टेडियममध्ये T20 विश्वचषक सुरू होत आहे. येत्या 2 जून 2024 रोजी सुरू होणाऱ्या क्रिकेटच्या उत्सवाची चाहूल लागली आहे.
क्रिकेटची ही छोटी आणि वेगवान आवृत्ती अमेरिकेत हळूहळू लक्ष वेधून घेत आहे. यूएस आणि वेस्ट इंडिज यांच्या संयुक्त विद्यमाने टी-20 विश्वचषक स्पर्धेचं आयोजन करण्यात आल्यानं, अमेरिकेत असा पहिला सामना खेळला जाईल. विशेष म्हणजे, भारतीय प्रीमियर लीग (IPL) ला अमेरिकेचे उत्तर मेजर लीग क्रिकेट (MLC) असेल. त्यानंतर वर्ल्ड कप होईल.
युनायटेड स्टेट्ससाठी ICC ची सदस्य संस्था म्हणून, USA क्रिकेटने व्यावसायिक Twenty20 क्रिकेट लीगच्या विकासासाठी MLC ची विशेष भागीदार म्हणून निवड केली आहे. MLC अमेरिकेच्या पुरुष आणि महिला या दोन्ही संघांना आंतरराष्ट्रीय स्पर्धेच्या सर्वोच्च स्तरावर पोहोचवण्याच्या उद्देशाने समर्थन देखील देते.
MLC ने क्रिकेटला जगाच्या या भागात आणण्यासाठी महत्त्वाची भूमिका बजावली आहे. 2019 मध्ये लॉन्च केलेले, MLC हे यूएस मधील देशांतर्गत T20 क्रिकेटची सर्वोच्च स्पर्धा आहे. यामुळे अमेरिकन क्रिकेटपटूंना, मुख्यतः स्थलांतरितांसाठी व्यावसायिक व्यासपीठ आणि चाहत्यांना आकर्षित करण्यासाठी उच्च दर्जाची स्पर्धा उपलब्ध झाली आहे.
2023 मध्ये, MLC ने अमेरिकन क्रिकेटच्या लँडस्केपच वाढवला. प्रथमच, युनायटेड स्टेट्सनं जागतिक दर्जाचं देशांतर्गत T20 क्रिकेट पाहिलं. प्रेक्षकांनीही त्याला डोक्यावर घेतलं.
प्रत्येक संघात किमान 16 खेळाडू आणि जास्तीत जास्त 19 खेळाडू होते. प्रत्येक रोस्टरमध्ये आणखी नऊ देशांतर्गत खेळाडूंसह अमेरिकन स्टार खेळाडूंची पुढील पिढी विकसित करण्यात मदत करण्यासाठी 23 वर्षाखालील एक देशांतर्गत "रूकी" खेळाडू समाविष्ट करणे आवश्यक होते.
2023 मध्ये, स्पर्धेसाठी प्रत्येक संघाची एकूण मानधनाची मर्यादा 1.15 मिलीयन डॉलर होती. ज्यामुळे प्रति सामना खेळाडूंच्या मानधनामुळे MLC ला एलिट T20 जागतिक लीगमध्ये समाविष्ट केलं गेलं.
याशिवाय, मायनर लीग क्रिकेट ही एकमेव देशव्यापी स्पर्धा आहे, ज्यामध्ये सर्वात मजबूत पुरुष खेळाडू सर्वोत्तम उपलब्ध सुविधांवर एकमेकांविरुद्ध खेळतात. 2023 MLC डोमेस्टिक प्लेअर ड्राफ्टमध्ये निवडलेल्या जवळपास सर्व खेळाडूंनी मागील दोन हंगामात स्पर्धेत भाग घेतला होता.
टेक्सास आणि नॉर्थ कॅरोलिना येथे आयोजित केलेल्या बहुसंख्य खेळांसह, एमएलसी साठी खचाखच भरलेले स्टेडियम दिसले. उत्साही चाहत्यांच्या घोषणांनी स्टेडियम दुमदुमत होते. पदार्पणाच्या हंगामात 19 थरारक सामने झाले. ज्यात आंतरराष्ट्रीय क्रिकेट स्टार्सच्या बरोबर स्वदेशी क्रिकेटर्सही चमकले. या स्पर्धेत एमआय न्यूयॉर्क विजयी झाला आणि प्रतिष्ठित विजेतेपद पटकावले.
जुलै 2023 मधील उद्घाटन हंगामात प्रभाव पाडल्यानंतर, MLC ला 2024 आवृत्तीसाठी त्यांचे प्रायोजक म्हणून टेक जायंट कॉग्निझंट मिळाला आहे. या स्पर्धेतही उद्घाटनावेळी खचाखच भरलेले स्टँड दिसून आले. यातच यशाची पुनरावृत्ती पाहायला मिळली.
MLC च्या ऐतिहासिक उद्घाटन हंगामात भाग घेतलेले सर्व सहा संघ या वर्षी, विश्वचषकानंतर लगेचच पुन्हा स्पर्धेत सहभागी होतील. पुनरागमन करणाऱ्या सुपरस्टार खेळाडूंमध्ये अफगाणिस्तानचा राशिद खान (MI न्यूयॉर्क), दक्षिण आफ्रिकेचा फाफ डू प्लेसिस (टेक्सास सुपर किंग्स), मार्को जॅन्सन (वॉशिंग्टन फ्रीडम) आणि क्विंटन डी कॉक (सिएटल ऑर्कास), पाकिस्तानचा हारिस रौफ (सॅन फ्रान्सिस्को युनिकॉर्न्स) यांचा समावेश आहे. वेस्ट इंडिजचा सुनील नरेन (एलए नाइट रायडर्स).
हे सामने डॅलस, TX जवळील ग्रँड प्रेरी स्टेडियमवर होतील. या नव्याने नूतनीकरण केलेल्या क्रिकेटसाठीच्या स्टेडियममध्ये 7,200 जणांसाठी बैठक व्यवस्था एक गवती पिच आहे. यामुळे आंतरराष्ट्रीय मान्यताच्या क्रिकेटचे सर्वोच्च निकष पूर्ण होतात.
एमएलसीचे सह-संस्थापक विजय श्रीनिवासन यांनी युनायटेड स्टेट्समधील क्रिकेटच्या चाहत्यांसाठी 'क्रिकेटची पर्वणी' देण्याचे वचन दिले आहे. MLC च्या पायाभूत सुविधांच्या गोष्टींमध्ये आंतरराष्ट्रीय दर्जाचे स्टेडियम तयार करणे, उच्च दर्जाच्या युवा अकादमींची स्थापना करणे, उच्च दर्जाच्या प्रशिक्षण सुविधा प्रदान करणे आणि अमेरिकेतील मायनर आणि मेजर लीग क्रिकेट खेळण्यासाठी निष्णात खेळाडूंना तयार करणे, त्यासाठी काम करणे समाविष्ट आहे.
गेल्या वर्षी, MLC, त्याच्या सहा संघांसह आणि भारतीय आणि यूएस कॉर्पोरेट क्षेत्रातील प्रमुख व्यक्तींचं समर्थन होतं. त्यामुळे तज्ञांनीही असं मानलं होतं की यशस्वी लीगसाठी सर्व घटक तयार आहेत. MLC ने ABC, NBC, CBS आणि The New York Times सारख्या मोठ्या अमेरिकन वृत्तवाहिन्यांचं लक्ष वेधून घेतलं आहे. ते याबद्दल खूप बोलत आहेत. लीगचा डेटा 40 दशलक्ष क्लिप्स आणि 3 दशलक्ष लाईक्स आणि टिप्पण्यांसह सोशल मीडियावर आधीपासूनच लोकप्रिय असल्याचं दाखवत आहे.
सॅन फ्रान्सिस्को युनिकॉर्न्स, सिएटल ऑर्कास, टेक्सास सुपर किंग्स, वॉशिंग्टन फ्रीडम, एमआय न्यूयॉर्क आणि लॉस एंजेलिस नाइट रायडर्स हे MLC चे सहा संघ आहेत. विशेष म्हणजे, तीन एमएलसी संघ प्रसिद्ध भारतीयांच्या मालकीचे आहेत. ज्यांच्याकडे आयपीएलमधील संघ देखील आहेत. मुंबई इंडियन्सचे मालक रिलायन्स इंडस्ट्रीजचे प्रमुख मुकेश अंबानी हे देखील MI न्यूयॉर्कचे फ्रँचायझी आहेत. कोलकाता नाईट रायडर्सचा मालक बॉलीवूड सुपरस्टार शाहरुख खान याने लॉस एंजेलिस नाइट रायडर्सवर पैसे लावले आहेत. चेन्नई सुपर किंग्स (CSK) इंडिया सिमेंट्स टेक्सास सुपर किंग्जचे मालक आहेत.
आयपीएल टीम दिल्ली कॅपिटल्सच्या निम्म्या मालकीचा जीएमआर ग्रुप त्याच्या उपकंपनीद्वारे सिएटल ऑर्कासमध्ये मायक्रोसॉफ्टचे सीईओ सत्या नडेला यांच्यासोबत मोठा वाटा आहे. सॅन फ्रान्सिस्को युनिकॉर्न्स हे तंत्रज्ञान उद्योजक आनंद राजारामन आणि वेंकी हरिनारायण यांच्या मालकीचे आहेत. भारतीय-अमेरिकन उद्योजक संजय गोविल आता वॉशिंग्टन फ्रीडमचे मालक आहेत.
या लीगला अमेरिकन क्रिकेट एंटरप्रायझेस (ACE) या 20 हून अधिक प्रतिष्ठित गुंतवणूकदारांच्या गटाचा पाठिंबा आहे. या प्रभावी लाइनअपमध्ये नडेला, तसंच Adobe चे अध्यक्ष आणि CEO शंतनू नारायण, द पेरोट ग्रुपचे रॉस पेरोट ज्युनियर आणि WhatsApp चे माजी मुख्य बिझनेस ऑफिसर नीरज अरोरा, या इतर उल्लेखनीय व्यक्तींचा समावेश आहे.
हेही वाचा...
