मुंबई -shilpa shetty : अभिनेत्री शिल्पा शेट्टी आपल्या कुटुंबासह केदारनाथ धाम आणि माँ वैष्णो देवीच्या दर्शनासाठी गेली आहे. तिनं उत्तराखंडमध्ये शुक्रवारी चार धाम यात्रेला सुरुवात केली आहे. दरम्यान, तिच्याबरोबर तिची बहिण अभिनेत्री शमिता शेट्टीही बाबा भोलेनाथच्या दर्शनासाठी गेली आहे. शिल्पानं सोशल मीडियावर काही व्हिडिओ शेअर केले आहेत. या व्हिडिओत तिची आई सुनंदा शेट्टी, बहीण शमिता शेट्टी आणि मुलगी समिषा दिसत आहेत. दोन दिवसांपूर्वी शिल्पा कामाख्या मंदिरात दर्शनासाठी गेली होती. शिल्पाबरोबर तिची आई देखील दर्शनासाठी गेली होती. दरम्यान शिल्पानं केदारनाथ धाम आणि माँ वैष्णो देवीच्या काही खास झलक शेअर करत बर्फाच्छादित पर्वतांचे सौंदर्य दाखवले आहेत.
शिल्पा शेट्टीनं शेअर केला व्हिडिओ : या व्हिडिओंमध्ये शिल्पानं 'केदारनाथ' चित्रपटातील 'नमो नमो' हे लोकप्रिय गाणं बॅकग्राउंटला लावले आहे. सोशल मीडियावर व्हायरल होत असलेल्या शिल्पाच्या व्हिडिओमध्ये तिची मुलगी आई आणि बहिणी दिसत असून या तिघीही या प्रवासाचा आनंद घेताना दिसत आहे. ईडीच्या कारवाईनंतर शिल्पा शेट्टीनं पती राज कुंद्राच्या सुरक्षेसाठी पूजाही केली आहे. याशिवाय शमितानं प्रायव्हेट जेटचा एक व्हिडिओ शेअर केला आहे. या व्हिडिओमध्ये शिल्पाची बहीण तिची आई आणि मुलगी यांच्यासह सर्वजण माता राणीचा जयजयकार करताना दिसत आहेत. आता शिल्पाचा हा व्हिडिओ सोशल मीडियावर खूप व्हायरल होत आहे.
मनी लाँड्रिंग प्रकरण : काही दिवसांपूर्वी ईडीनं शिल्पा शेट्टी आणि तिचा पती राज कुंद्रा यांची 97.79 कोटी रुपयांची मालमत्ता जप्त केली होती. यामध्ये शिल्पा शेट्टीचा जुहू फ्लॅट आणि बंगला आणि राज कुंद्राच्या नावावर नोंदणीकृत इक्विटी शेअर्सचा समावेश होता. हे प्रकरण 2002 च्या बिटकॉइन पॉन्झी स्कीम घोटाळ्यातील मनी लाँड्रिंगशी संबंधित आहे. आधी देखील राज कुंद्राला न्यूड चित्रपटाच्या प्रकरणी जेल शिक्षा भोगावी लागली होती. दरम्यान शिल्पाच्या वर्कफ्रंटबद्दल बोलायचं झालं तर ती शेवटी 'इंडियन पोलीस फोर्स'मध्ये सिद्धार्थ मल्होत्राबरोबर दिसली होती. आता पुढं ती कन्नड चित्रपट 'केडी - द डेविल'मध्ये दिसणार आहे.
हेही वाचा :
