ചില്ലറയെ ചൊല്ലിയുണ്ടായ തര്‍ക്കം; തൃശൂരില്‍ കണ്ടക്‌ടറുടെ മര്‍ദനത്തിന് ഇരയായ യാത്രക്കാരൻ മരിച്ചു - Bus Conductor Attacked Man Died

തൃശൂര്‍: സ്വകാര്യ ബസ് കണ്ടക്‌ടറുടെ മര്‍ദനമേറ്റ് ചികിത്സയിലിരുന്ന യാത്രക്കാരൻ മരിച്ചു. കരുവന്നൂർ സ്വദേശി പവിത്രനാണ് (68) മരിച്ചത്. ചില്ലറയെ ചൊല്ലിയുണ്ടായ തർക്കത്തിനിടെയാണ് പവിത്രന് കണ്ടക്‌ടറുടെ മര്‍ദനമേറ്റത്.

ഏപ്രില്‍ രണ്ടിനായിരുന്നു സംഭവം. തൃശൂർ - കൊടുങ്ങല്ലൂർ റൂട്ടില്‍ ഓടുന്ന ശാസ്‌ത ബസിൻ്റെ കണ്ടക്‌ടർ ഊരകം സ്വദേശി കടുകപറമ്പിൽ രതീഷായിരുന്നു പവിത്രനെ മര്‍ദിച്ചത്. മര്‍ദനത്തില്‍ ഗുരുതരമായി പരിക്കേറ്റ പവിത്രൻ ചികിത്സയില്‍ കഴിയവെ കൊച്ചി അമൃത ആശുപത്രിയിൽ വച്ചായിരുന്നു മരണം.