Anurag Thakur on the Kerala Story: मी कोणत्याही राज्याला म्हणत नाही की 'द केरळ स्टोरी सिनेमा' करमुक्त करा, पण किमान...

धर्मशाला : केंद्रीय माहिती प्रसारण आणि क्रीडा मंत्री अनुराग ठाकूर त्यांच्या तीन दिवसीय दौऱ्यावर आज धर्मशाला येथे पोहोचले. कांगडा विमानतळावर पोहोचल्यावर भाजप कार्यकर्त्यांनी त्यांचे जंगी स्वागत केले. त्याचवेळी पोलिसांकडून गार्ड ऑफ ऑनरही देण्यात आला. यादरम्यान केंद्रीय मंत्री अनुराग ठाकूर यांनी कर्नाटक विधानसभा निवडणुकीतील एक्झिट पोलमध्ये काँग्रेसच्या आघाडीबद्दल सांगितले की, निवडणुकीच्या निकालाची प्रतीक्षा करावी. त्याचवेळी त्यांनी 'द केरळ स्टोरी'वरही भाष्य केले. ते म्हणाले की, यापूर्वी काही लोकांनी काश्मीर फाइल्सला विरोध केला होता, तेच लोक आता केरळ स्टोरी चित्रपटाला विरोध करत आहेत. त्याचवेळी, पश्चिम बंगालमध्ये 'द केरळ स्टोरी' या चित्रपटावर लादण्यात आलेल्या बंदी आणि काही राज्यांमध्ये चित्रपट करमुक्त करण्याबाबत अनुराग ठाकूर म्हणाले की, मी कोणत्याही राज्याला चित्रपट करमुक्त करण्यास सांगत नाही, पण किमान बंदी घालू नका. प्रत्येकाला चित्रपट पाहण्याचा आणि सत्य जाणून घेण्याचा अधिकार आहे असही ते म्हणाले आहेत.