Ration Card Shopers Agitation : जालन्यात स्वस्त धान्य दुकानदारांचे आंदोलन; ई-पॉस मशीन केले परत

जालना - जालना जिल्ह्यातील स्वस्त धान्य दुकानदारांना रेशन वाटप करण्यासाठी देण्यात आलेले ई-पॉस मशीन सर्व्हर डाऊन असल्याने धान्य वाटपात अडथळा निर्माण होतोय. त्यामुळे संतापलेल्या स्वस्त धान्य दुकानदारांनी आज जिल्ह्यातील सर्वच तहसील कार्यालयात एकत्र जाऊन ई-पॉस मशीन तहसीलदारांकडे जमा करुन निषेध ( Ration Card Shopers Agitation ) केला. गेल्या तीन वर्षांपासूनची ही अडचण पुरवठा विभाग पाठपुरावा करूनही सोडवत नसल्याचा संताप रेशन दुकानदारांनी व्यक्त केला आहे.