पुणे Droupadi Murmu Met Pratibha Patil : देशाच्या दोन महिला आजी-माजी राष्ट्रपती यांची पुण्यात अनोखी भेट झाली. माजी राष्ट्रपती प्रतिभाताई पाटील (Pratibha Patil) यांच्या निवासस्थानी जाऊन द्रौपदी मुर्मू (Draupadi Murmu) यांनी भेट घेतली आहे. याप्रसंगी अँड. प्रताप परदेशी आणि डॉ. अविनाश भोंडवे यांनी लिहिलेल्या 'बाल रक्षण कायद्याचं (Pocso) अंतरंग' या पुस्तकाची पहिली प्रत राष्ट्रपती यांना प्रदान करण्यात आली. सदर भेटी दरम्यान महाराष्ट्राचे राज्यपाल रमेश बैस (Ramesh Bais), ग्रामविकास मंत्री दादा भुसे, ज्योतीताई राठोर, जयेश राठोर, अँड प्रताप परदेशी आणि विनित परदेशी आदी उपस्थित होते.
रुग्णालयाच्या अमृत महोत्सवाचे उद्घाटन होणार : केवळ महाराष्ट्रच नव्हे तर मध्य भारताच्या अनेक राज्यांचे विश्वासार्ह, खात्रीलायक, किफायतशीर उपचाराचे केंद्र असलेले शासकीय वैद्यकीय महाविद्यालय आणि रुग्णालय (जीएमसी) अमृत महोत्सवासाठी सज्ज झाले आहे. राष्ट्रपती द्रौपदी मुर्मू यांच्या हस्ते येत्या १ डिसेंबर रोजी शासकीय वैद्यकीय रुग्णालयाच्या अमृत महोत्सवाचे उद्घाटन होणार आहे. यावेळी राज्यपाल रमेश बैस, मुख्यमंत्री एकनाथ शिंदे, केंद्रीय रस्ते वाहतूक व महामार्ग मंत्री नितीन गडकरी, उपमुख्यमंत्री देवेंद्र फडणवीस (Devendra Fadnavis), उपमुख्यमंत्री अजित पवार (Ajit Pawar) आणि वैद्यकीय शिक्षण मंत्री हसन मुश्रीफ यांच्या उपस्थितीत हा समारंभ पार पडणार आहे.
राष्ट्रपती द्रौपदी मुर्मू तिसऱ्या राष्ट्रपती : राष्ट्रपती द्रौपदी मुर्मू जीएमसीला भेट देणाऱ्या तिसऱ्या राष्ट्रपती ठरणार आहेत. यापूर्वी देशाचे पहिले राष्ट्रपती डॉ. राजेंद्र प्रसाद यांच्या हस्ते १९५३ मध्ये जीएमसीचा उद्घाटन समारंभ पार पडला होता. तर १९९५ मध्ये तत्कालीन राष्ट्रपती डॉ.शंकर दयाल शर्मा यांच्या हस्ते जीएमसीच्या सुपर स्पेशालिटी हॉस्पिटलचे उद्घाटन पार पडले होते.
नागपूर विद्यापीठाचा १११वा दीक्षांत समारंभ : राष्ट्रसंत तुकडोजी महाराज नागपूर विद्यापीठाचा १११ वा दीक्षांत समारंभ शनिवार संपन्न होत आहे. या समारंभाला राष्ट्रपती द्रौपदी मुर्मू या मुख्य अतिथी म्हणून उपस्थित राहणार आहेत. तसेच दीक्षांत समारंभाला प्रमुख अतिथी म्हणून मुख्यमंत्री एकनाथ शिंदे, केंद्रीय परिवहन व महामार्ग मंत्री नितीन गडकरी, उपमुख्यमंत्री देवेंद्रजी फडणवीस, उच्च शिक्षणमंत्री चंद्रकांत पाटील देखील उपस्थिती राहणार आहे.
हेही वाचा -
