Ganeshotsav २०२३ : 'बाप्पा'चा थाट; चांदीच्या मूर्ती, अलंकारांना ग्राहकांची मोठी मागणी

नाशिक : Ganeshotsav २०२३ : गणपती बापाचं आगमन 19 सप्टेंबर रोजी (Ganesh Festival) होत आहे. नाशिकमध्ये सार्वजनिक गणेश मंडळांसोबतच घरोघरी गणेश सजावटीची तयार सुरू झाली. यंदा बाजारात अनेक 'इको फ्रेंडली' (Eco Friendly Ganpati) आरास विक्रीची दुकानं थाटली आहेत. अशात सोने-चांदीच्या गणेश मूर्ती, (Silver Ganpati In Nashik) बाप्पाच्या अलंकारांना देखील मागणी वाढली आहे. सराफ बाजारामध्ये पंधराशे रुपयांपासून ते 2 लाखांपर्यंत गणेशमूर्ती उपलब्ध आहेत.

चांदीच्या मूर्तींना ग्राहकांची पसंती : दरवर्षी घरोघरी शाडू मातीच्या मूर्तीसह चांदीच्या गणेश मूर्तीची स्थापना केली जाते. चांदीच्या या भरीव मूर्ती 20 ग्रॅमपासून ते दोन किलोपर्यंत उपलब्ध आहेत. बाप्पासाठी चांदीचा दुर्वा, मोदक, मूषक, जास्वंदीचं फूल, रत्नजडिक मुकुट, सुंदर हार यांसह सोन्या-चांदीचे दागिने खरेदी (Ganesh Silver Ornaments) करण्यासाठी सराफा बाजारात ग्राहकांची गर्दी वाढली आहे. चांदीचे दागिने कायमस्वरूपी होत असल्यानं याला ग्राहकांची पसंती मिळत आहे.

चांदीचे परवडणारे दर : जास्वंद फुलांची माळ, दुर्वाची जुडी, मोदक, गणेशाची मूर्ती अगदी अत्यल्प किंमतीत उपलब्ध आहेत. हे दर सजावटीच्या कृत्रिम साहित्यापेक्षा स्वस्त असल्यानं सर्वसामान्य ग्राहकांनाही ते परवडते. यामुळं चांदीच्या या वस्तूंची मागणी दरवर्षी वाढत असल्याचं दुकानदारांनी सांगितलं. चांदीमध्ये पूजा साहित्य, मूषक, मोदक यांचं वेगवेगळ्या वजनातील प्रकार उपलब्ध आहेत. तसेच भरीव आणि आकर्षक चांदीच्या गणेश मूर्ती देखील सराफा बाजारात विक्रीसाठी आल्या आहेत. गेल्या वर्षीपेक्षा यंदा 20 टक्क्यांपर्यंत मागणी वाढली असल्याचं सराफ व्यावसायिकांनी सांगितलं.

अलंकार सेट उपलब्ध : खास गणेशोत्सवासाठी अलंकार सेट तयार करण्यात आले आहेत. चांदीमध्ये केवडा हार, जास्वंद, ड्रायफ्रूटमध्ये काजू, बदाम, तोरण, त्रिशूळ, समयी, दिवे, ताम्हण, पळी, पंचपात्रं, चौरंग, केळीचे पान, पाठ, विड्याचं पान उपलब्ध आहेत. काही सराफ व्यावसायिकांनी त्याचे सेट तयार केले आहेत. सोन्याच्या अलंकारांनाही काही प्रमाणात मागणी असल्याचं सराफी सांगतात.

हेही वाचा -