चंद्रपूर - शेतीचा कामासाठी बांबू आणायला जंगलात गेलेल्या शेतकऱ्यावर वाघाने हल्ला करुन जागीच ठार केल्याची घटना गोंडपिपरी तालुक्यातील तोहोगाव येथे आज उघडकीस आली. दिनकर ठेंगरे, असे मृत व्यक्तीचे नाव आहे. या घटनेने शेतकरी दहशतीत आहेत.
गोंडपिपरी तालुक्यातील तोहोगाव जंगलालगत वसले आहे. येथील बहुतांश शेती जंगलालगत आहे. सदर वनक्षेत्र वन विकास महामंडळाचा अधिकार क्षेत्रातील आहे. शनिवारला दिनकर ठेंगरे हे शेतीचा कामासाठी बांबू आणायला जंगलात गेले होते. रात्र झाली मात्र ते घरी परतले नाही. कुटूंबीय आणि शेजाऱ्यांनी शोधाशोध केली. वन विकास महामंडळाचा कक्ष क्रमांक 26 मध्ये ठेंगरे यांचा मृतदेह आढळून आला. या घटनेची माहिती वनविभागाला देण्यात आली. या घटनेमुळे शेतकऱ्यांमध्ये भीतीचे वातावरण पसरले आहे.
गायीला वाचविण्यासाठी गेलेल्या गुराख्याचा वाघाच्या हल्ल्यात मृत्यू
ताडोबा-अंधारी व्याघ्रप्रकल्पातील मूल वनपरिक्षेत्रातील करवन येथे गुरुवारी (25 जून) दुपारच्या सुमारास गुराखी नेहमी प्रमाणे गुरांना चरायला जंगलात घेऊन गेला. यावेळी वाघाने गुरांवर हल्ला केला. यातील गायीला वाचविण्यासाठी गेलेल्या गुराख्यावर वाघाने हल्ला केला. यात गुराख्याचा मृत्यू झाला आहे. भीमराव वेलादी असे गुराख्याचे नाव आहे.
वाघाच्या हल्ल्यात दोन बैल ठार; ऐन खरीपाच्या हंगामात जनावरं दगावल्याने शेतकरी अडचणीत
वनविकास महामंडळ वनपरीक्षेत्र धाबा अंतर्गत येणाऱ्या वामणपल्ली जंगलात वाघाच्या हल्ल्यात दोन जनावरे ठार झाली आहेत. संबंधित घटना गुरुवारी उघडकीस आली. ऐन खरीप हंगामाच्या तोंडावर जनावरे दगावल्याने शेतकरी संकटात सापडला आहे. त्यामुळे आता नुकसान भरपाईची मागणी शेतकरी करत आहेत. ठार झालेले जनावर महादेव गुंडावार आणि बंडू गुंडावार यांच्या मालकीचे आहेत.
