अमरावती - अप्पर वर्धा धरणाच्या मुख्य कालव्यात तिवसा गावाजवळ एका अनोळखी व्यक्तीचा मृतदेह आढळला. बुधवारी दुपारी दोनच्या दरम्यान सापडलेल्या संबंधित मृतदेहाची ओळख अद्याप पटली नसून पोलीस पुढील तपास करत आहेत.
अप्पर वर्धा धरणाच्या मुख्य कालव्याजवळ काम करणाऱ्या काही मजुरांचे लक्ष कालव्याकडे गेले. यावेळी त्यांना मृतदेह वाहताना दिसला. त्यांनी तत्परता दाखवत तो दोरीच्या साहाय्याने बांधला; आणि पोलिसांशी संपर्क साधला. तिवसा पोलिसांनी घटनास्थळी दाखल होऊन मृतदेह ताब्यात घेतला. संबंधित व्यक्तीचे वय चाळीस वर्षाच्या जवळपास असण्याचा अंदाज वर्तवण्यात येत आहे.
48 तास शरीर पाण्यात राहिल्याने चेहऱ्यावर बुरशी आली होती. तसेच वाहत्या पाण्यात खरचटल्याने शरीरावर काही जखमा दिसत होत्या. त्यामुळे मृतदेह विच्छेदनासाठी अमरावती येथे पाठवण्यात आला आहे.