पॅरिस - भारताचा दिग्गज टेनिसपटू रोहन बोपण्णा आणि त्याचा ऑस्ट्रेयाचा जोडीदार ओलिवर मराच यांनी पॅरिस मास्टर ओपन स्पर्धेच्या दुसऱ्या फेरीत फॅब्रिस मार्टिन आणि जीन जूलियन रॉजर यांचा पराभव केला. मार्टिन-रॉजर ही जोडी जागतिक क्रमवारीत नवव्या स्थानावर असून त्यांना बोपण्णा-मराच जोडीने पराभवाचा धक्का देत उपांत्यपूर्व फेरीतमध्ये धडक मारली.
पहिल्या सेटमध्ये बोपण्णा-मराच जोडी पिछाडीवर होती. त्यांनी पहिला सेट ३-६ असा गमावला. यानंतर त्यांनी दुसऱ्या सेटमध्ये शानदार वापसी करत हा सेट ६-४ असा जिंकत सामन्यातीत आव्हान जिंवत ठेवले. निर्णायक सेटमध्ये १०-८ अशी बाजी मारत सामना आपल्या नावे केला.
बोपण्णाने आपला अनुभव पणास लावत ट्रायब्रेकर सेट जिंकून उपांत्यपूर्व फेरीतमध्ये प्रवेश केला. आता त्याचा सामना एडुआर्ड रॉजर-वेसलिन आणि जर्गन मेल्जर या आठव्या मानांकित जोडीशी होणार आहे. दरम्यान, बोपण्णा-मराच जोडीने दुसान लाजोविच आणि निकोला सासिच या सर्बियन जोडीचा पराभव करत दुसरी फेरी गाठली होती.
हेही वाचा - व्हिएन्ना ओपन २०२० : जोकोविचला पराभवाचा धक्का, इटलीच्या सॉन्गोने दिली मात
हेही वाचा - विम्बल्डनमध्ये खेळलेल्या खेळाडूची टेनिसमधून निवृत्ती
