मुंबई - चित्रपट निर्माती-नृत्यदिग्दर्शिका फराह खान कुंदर हिची कोरोनाची टेस्ट पॉझिटीव्ह आली आहे. यातून ती लवकर बरी होईल अशी अपेक्षा आहे. मैं हूं ना, ओम शांती ओम आणि हॅपी न्यू इयर सारख्या चित्रपटांची दिग्दर्शिका असलेल्या फराहने कोविडचे दोन्ही लसीचे डोस घेतले होते.
"दुहेरी लसीकरण केलेले असताना आणि दुहेरी लस घेतलेल्या बहुतेक लोकांसोबतच काम करीत असताना माझी कोविड टेस्ट पॉझिटीव्ह आली आहे. मी संपर्कात असलेल्या सर्वांना कोरोनाची टेस्ट घेण्यास सांगितले आहे," असे 56 वर्षीय दिग्दर्शिका फराह खानने इन्स्टाग्रामवर लिहिले आहे.
''असे असले तरी, जर कोणाला कळवणे राहून गेले असेल तर ( म्हणातारपणामुळे स्मृती कमजोर होते त्यामुळे) कृपया आपली टेस्ट करुन घ्या. लवकरच बरे होण्याची आशा आहे," असे तिने पुढे लिहिले आहे.
फराह सध्या झी कॉमेडी शोमध्ये जज म्हणून काम करत आहे आणि अलीकडेच तिने शिल्पा शेट्टी कुंद्रासोबत डान्स रिअॅलिटी शोचे शूटिंगही केले होते.
हेही वाचा - बदनामीचा खटला रद्द करण्यासाठी कंगणाची हायकोर्टात धाव!
