पुणे - केंद्रीय लोकसेवा आयोगामार्फत ( UPSC Exam Final Result 2021 ) घेण्यात आलेल्या नागरी सेवा परीक्षा-2021 चा अंतिम निकाल सोमवारी जाहीर झाला. त्यात पुन्हा एकदा मुलींनी बाजी मारली आहे. श्रुती शर्मा ही देशातून पहिली आली आहे. राज्यातील 80 हुन अधिक विद्यार्थी हे या यूपीएससीत उत्तीर्ण झाले असून सुरुवातीला पुण्यात तयारी आणि लॉकडाऊनपासून गावातच तयारी करणाऱ्या ओंकार पवार या शेतकऱ्याच्या मुलाने यूपीएससीच्या परीक्षेत यश मिळवलं आहे.
साताऱ्यातील जावळी तालुक्यातील सनपाने गावातील ओंकार पवार याचे प्राथमिक शिक्षण हे सनपानेच्या जिल्हापरिषदेच्या शाळेत झाले. माध्यमिक शिक्षण रयत शिक्षण संस्थेच्या शाळेत झाले असून पुढील शिक्षण पुण्यात झाले. ओंकार पवार याने मागील वर्षी यूपीएससीच्या या परिक्षेत 455 नंबरने उत्तीर्ण होऊन आयपीएस पदावर तो सध्या रुजू आहेत. गेल्या 2 वर्षात ओंकार याने गावातच राहून यूपीएससीची सर्व तयारी केली आहे.
अतिशय सामान्य कुटुंबातील असलेल्या ओंकार यांचे आई-वडील शेती करतात. घरातील पहिला अधिकारी झाल्यामुळे संपूर्ण घरात आणि गावात सध्या उत्साहाचे वातावरण आहे. या स्पर्धा परीक्षेत पास होण्याचे प्रमाण कमी आणि आजच्या तरुण पास झाला नाही, तर नैराश्येत जाऊ लागला आहे. त्यामुळे एमपीएससी किंवा युपएससी हे आयुष्य नाही हा एक करीअर ऑप्शन आहे. त्यामुळे परीक्षेत पास झालो तरी आपण आयुष्यात फेल होत नाही, हे आजच्या तरुण पिढीने लक्षात ठेवावे, असा सल्ला ओंकार पवार यांनी दिला आहे.
हेही वाचा - Piyush Goyal Filed Rajya Sabha Nomination : शिवसेनेने केलेला विश्वासघाताचा वचपा काढणार - पियूष गोयल
