Salman Khan : पोलीस आयुक्त कार्यालयातील कर्मचाऱ्यांची सलमानसोबत सेल्फी घेण्यासाठी झुंबड

सलमान खान ( actor Salman Khan ) मुंबई पोलीस आयुक्त कार्यालयात ( Mumbai Police Commissioner's Office ) काही कामानिमित्त आले होते. त्यावेळी सेल्फीसाठी पोलीस कर्मचाऱ्यांनी सलमान खान भोवती वेढा घातला.

मुंबई - बॉलीवूड अभिनेता सलमान खानचे ( Bollywood actor Salman Khan ) चाहते संपूर्ण जगभरामध्ये आहे. अशातच शुक्रवारी सलमान खान मुंबई पोलीस आयुक्त कार्यालयात ( Mumbai Police Commissioner's Office ) काही कामानिमित्त आले होते. त्यावेळी सेल्फीसाठी पोलीस कर्मचाऱ्यांनी सलमान खान भोवती वेढा घातला. सलमान खानी ने शुक्रवारी मुंबई पोलीस आयुक्त विवेक फणसळकर ( Vivek Phansalkar ) यांची भेट घेण्याकरिता आयुक्त कार्यालयात आले होते. त्यावेळी भेट घेऊन जात असताना आयुक्त कार्यालयातील कर्मचाऱ्यांना सलमान खान भोवती सेल्फी काढण्याकरिता मोठ्या प्रमाणात गर्दी केली. ज्याप्रमाणे सर्वसामान्य लोकांना सेल्फीचा मोह असतो त्याचप्रमाणे खाकीतील पोलीस कर्मचाऱ्यांचा मोह देखील या निमित्ताने दिसून आला आहे.

आयुक्ताची घेतली भेट - अभिनेता सलमान खान यांना पंजाबी गायक सिद्धू मुसेवाला यांच्या हत्येनंतर ( Sidhu Musevela murder case ) काही दिवसांपूर्वी बॉलिवूड अभिनेता सलमान खानला देखील धमकी मिळाली होती. या धमकीनंतर त्याने स्वत:च्या संरक्षणासाठी बंदुकीची शस्त्र परवान्यासाठी अर्ज केला आहे. या संदर्भात शुक्रवारी सलमान खानने मुंबईचे पोलीस आयुक्त विवेक फणसळकर यांची भेट घेतली. आयुक्तांनी त्याच्याकडून जाणून घेण्याचा प्रयत्न केला की त्याला कोणत्या प्रकारच्या धमक्या आल्या आहेत. त्यानंतर सलमान खानला त्याच्या सुरक्षेबद्दल माहिती देण्यात आली. गँगस्टर लॉरेन्स बिष्णोई ( Gangster Lawrence Bishnoi ) याच्याकडून नुकतीच सलमान खानला धमकी मिळाली होती. या वेळी सलमान त्याचे वडिल सलिम खान यांची चौकशी झाली होती. दरम्यान पोलिस आयुक्तांसोबतची ही भेट त्या संदर्भात आहे का? की सदिच्छ भेट आहे हे अद्याप कळू शकलेलं नाही.

हेही वाचा - Aaditya Thackeray : औरंगाबादेत आदित्य ठाकरेंची तोफ बंडखोरांवर धडालली; 'सगळे नीट चालले असताना गद्दारी का'

प्रकरणाचा गांभीर्याने तपास - सलमान खान यांचे वडील सलीम खान ( Salim Khan ) मॉर्निंग वॉकला गेल्यानंतर खानच्या गार्डला हे पत्र सापडले होते. सलमान खान लवकरच तू सिद्धू मूसवालासारखा होशील असे धमकीच्या पत्रात लिहिले होते. या प्रकरणी मुंबईच्या वांद्रे पोलिसांनी एफआयआर नोंदवला होता. पोलिसांनी भादंवि कलम 506 अन्वये गुन्हा दाखल केला होता. सिद्धू मुसेवालाच्या हत्येनंतर सलमानला धमकीचे पत्र मिळाल्यानंतर संपूर्ण बॉलिवूडमध्ये खळबळ उडाली आहे. याबाबत सातत्याने अपडेट्स येत आहेत याप्रकरणी पोलीसही आता अलर्ट मोडमध्ये असून या संपूर्ण प्रकरणाचा गांभीर्याने तपास करत आहेत.

हेही वाचा - Lingya Ghat : लिंग्या घाटातील सुळक्यावर चढून पर्यटकांचा जीवघेणा फोटोशूट