शाहजहांपूर ( उत्तरप्रदेश ) : तिल्हारच्या पिप्रौली गावात राहणारे ६० वर्षीय कुबेर गंगवार यांचा सोमवारी संध्याकाळी मृत्यू झाला. मंगळवारी दुपारी त्यांच्या पार्थिवावर अंत्यसंस्कार करण्यात आले. कुटुंबीय स्मशानभूमीवरून परतल्यानंतर गावातील तरुणाने कुबेर यांचे शीर चितेतून बाहेर काढत कापले. तंत्र मंत्रासाठी हा प्रकार केल्याचे समोर आले ( tantra mantra in shahjahanpur ) आहे. पोलिसांनी आरोपीला ताब्यात घेतले ( MAN TOOK HEAD OF ELDERLY MAN AFTER CREMATION )आहे.
शीर कापून गेला घरी घेऊन : एसपी ग्रामीण संजीव कुमार यांनी सांगितले की, कुबेर गंगवार यांच्या निधनानंतर मंगळवारी दुपारी 12 वाजता शेतात त्यांचे अंत्यसंस्कार करण्यात आले. चिता थंड झाल्यावर हे कुटुंब शेतातून परतले. दरम्यान, गावातील उपेंद्र उर्फ गोपी दारूच्या नशेत आला. त्याच्यासोबत आणखी दोन मित्रही असल्याचे सांगण्यात येत आहे. या तिघांनी चितेची लाकडे काढून कुबेर गंगवार यांचे शीर बाहेर काढले. उपेंद्र कापलेले शीर घेऊन घरी गेला.
घरातून केले शीर जप्त : काही प्रत्यक्षदर्शींनी गावात माहिती दिली होती. संध्याकाळी कुबेरच्या कुटुंबासह गावातील सर्व लोक जमा झाले आणि उपेंद्रच्या घरी पोहोचले. पोलिसही आले. मुलगा घरात नसल्याची माहिती उपेंद्रच्या आईने दिली. जमावाने घरात घुसण्याचा इशारा दिल्यानंतर पोलिसांनी आरोपी उपेंद्रला पकडले. दरम्यान, पोलिसांनी कुबेर गंगवारचे शीरही जप्त केले.
पोलिसांत गुन्हा, आरोपी ताब्यात : पोलिसांनी दिलेल्या माहितीनुसार, उपेंद्रचा मित्र तंत्रविद्या करतो. त्यासाठी चितेतून डोके काढावे लागेल. मृताचा मुलगा विशाल याने पोलीस ठाण्यात फिर्याद दिली आहे. एसपी ग्रामीण संजीव कुमार म्हणाले की, तक्रारीवरून अहवाल दाखल केला जाईल. एका आरोपीला ताब्यात घेण्यात आले. पोलीस त्याच्या दोन साथीदारांचा शोध घेत आहेत.
हेही वाचा : Man Killed his Step Daughter in Pune : डोकं आपटून केली मुलीची हत्या, सावत्र पित्यास अटक
