गया (बिहार) Maharashtra Police Raids Gaya : बिहारमधील गया इथं गया पोलिसांसह महाराष्ट्र पोलिसांनी छापा टाकलाय. यादरम्यान एकाला अटक करण्यात आलीय. अटक करण्यात आलेला तरुण युवकांना परदेशात नोकरीचं आमिष दाखवून बनावट पासपोर्ट व बनावट नियुक्ती पत्र देऊन फसवणूक करत होता. लाखोंच्या फसवणुकीचं हे मोठं प्रकरण महाराष्ट्रात उघडकीस आलंय. मुंबई पोलिसांनी गया गाठलं आणि स्थानिक पोलिसांसह गुरुवा पोलिस स्टेशन परिसरात छापा टाकला. यावेळी राहुल कुमार नावाच्या व्यक्तीला अटक करण्यात आलीय. तो गुरुआ पोलीस स्टेशन अंतर्गत येणाऱ्या सिमारू गावचा रहिवासी असल्याची माहिती समोर आलीय.
महाराष्ट्र पोलिसच्या एका कर्मचाऱ्यानं दाखल केला एफआयआर : याप्रकरणी महाराष्ट्र पोलिसच्या एका कर्मचाऱ्यानं एफआयआर दाखल केलाय. डीसीबी सीआयडी (महाराष्ट्र) पोलीस ठाण्यात गुन्हा क्रमांक 66/23 हा महाराष्ट्र पोलीस कर्मचाऱ्यानं दाखल केला होता. यामध्ये गया जिल्ह्यातील गुरुआ पोलीस ठाण्यांतर्गत सिमारू गावात राहणारा राहुल कुमार आरोपी होता. राहुल कुमार आणि त्याची टोळी परदेशात नोकरीचं आमिष दाखवून बनावट पासपोर्ट, व्हिसा आणि इतर देशांचं बनावट नियुक्तीपत्र बनवून फसवणूक करत असल्याचा आरोप होता. तो इतर देशांचा बनावट व्हिसा आणि नोकरीसाठी बनावट अपॉइंटमेंट लेटर बनवत होता. तसंच तरुणांना आमिष दाखवून परदेशात नोकरीसाठी बनावट नियुक्तीपत्रे तयार करून त्यांच्याकडून पैसे उकळत होता. तो आणि त्याची टोळी सातत्याने अशी कामं करत होती.
परदेशात नोकरीसाठी बनावट अपॉइंटमेंट लेटर दिल्याप्रकरणी अटक : याप्रकरणी स्थानिक एसएसपी आशिष भारती यांनी सांगितलं की, डीसीबी सीआयडी (महाराष्ट्र) पोलीस ठाण्यात गुन्हा क्रमांक 66/23 महाराष्ट्रातील कर्मचाऱ्यांनी केला होता. याप्रकरणी गया येथील रहिवासी राहुल कुमार याच्या अटकेची मागणी करण्यात आली. याबाबत महाराष्ट्र पोलिसांचे पथक गया इथं पोहोचलं. यानंतर गया पोलिसांनी स्थापन केलेल्या विशेष पथकासह छापा टाकून आरोपी राहुल कुमारला अटक करण्यात आली आहे. एसएसपीने दिलेल्या माहितीनुसार, आरोपी राहुल कुमारचे वडील शिवम चौधरी हे गुरुआ पोलीस स्टेशन परिसरात राहणारे आहेत. त्यानं आपल्या इतर गुन्हेगार मित्रांच्या मदतीने मुंबईतील शहीद भगतसिंग रोड येथे परदेशात नोकरी देण्याच्या नावाखाली मुंबई इंटरनॅशनल कन्सल्टंट नावाची फ्लॅट एजन्सी उघडली होती. त्यात तो परदेशात नोकरीचे आमिष दाखवून लोकांना गंडा घालत होता, असा आरोप आहे. बनावट व्हिसा आणि बनावट अपॉइंटमेंट लेटर देऊन देशांची फसवणूक केली जात होती. मुंबई पोलिस आणि गया पोलिसांच्या छाप्यांमध्ये आरोपीला अटक करण्यात आली आहे. मुंबई पोलीस आरोपीसह परतले आहेत.
हेही वाचा :
