കോഴിക്കോട്: കുതിരവട്ടം മാനസിക ആരോഗ്യ കേന്ദ്രത്തില്‍ നിന്ന് കടന്നുകളയാൻ ശ്രമിച്ച രണ്ട് പെണ്‍കുട്ടികളെ മൂന്ന് മണിക്കൂറിനകം കണ്ടെത്തി പൊലീസ്. രണ്ടു പെണ്‍കുട്ടികളാണ് കേന്ദ്രത്തില്‍ നിന്ന് കടന്നുകളയാൻ ശ്രമിച്ചത്. 17, 20 വയസുള്ള പെണ്‍കുട്ടികളാണ് ചൊവ്വാഴ്ച രാത്രി ഏഴരയോടെ സാഹസത്തിന് ഒരുങ്ങിയത്.
പെണ്‍കുട്ടികളില്‍ ഒരാളുടെ സുഹൃത്തിനൊപ്പം കൊച്ചിയിലേക്ക് കടക്കാൻ ശ്രമിക്കവെ കോഴിക്കോട് റെയില്‍വെ സ്റ്റേഷനില്‍ വച്ച് രാത്രി പത്തരയോടെ ഇവരെ പിടികൂടി. കുട്ടികളെ ജുവനൈല്‍ ഹോമിലേക്ക് മാറ്റി. ബുധനാഴ്ച ഇവരെ കോടതിയില്‍ ഹാജരാക്കുമെന്ന് പൊലീസ് അറിയിച്ചു.
