ആലപ്പുഴ: താമസിക്കുന്ന ഷെഡിന് മുന്നില്‍ ദേശീയ പതാകയുര്‍ത്തി സ്വാതന്ത്ര്യദിനം ആഘോഷിച്ച് അതിഥി തെഴിലാളികള്‍. ആലപ്പുഴ കുട്ടനാട് മങ്കൊമ്പിലെ സ്വകാര്യ ഹോട്ടലിലെ ഒരു കൂട്ടം തൊഴിലാളികളാണ് വ്യത്യസ്‌തമായ രീതിയില്‍ സ്വാതന്ത്ര്യ ദിനം ആഘോഷിച്ചത്. അസം ബോഡോ ലാന്‍റിലെ സ്വദേശികളാണിവര്‍. കഴിഞ്ഞ മൂന്ന് വര്‍ഷമായി ഇവര്‍ കേരളത്തില്‍ സ്വാതന്ത്യ ദിനം ആഘോഷിക്കുകയാണ്.
സ്വാതന്ത്ര്യദിനാഘോഷങ്ങളിൽ പങ്കാളികളായി കുട്ടനാട്ടിലെ അതിഥി തൊഴിലാളികൾ
പ്രളയത്തിനിടയിലും കുട്ടനാട്ടിൽ പ്രവർത്തിക്കുന്ന സർക്കാർ ഓഫീസുകളിലും പുളിങ്കുന്ന്, രാമങ്കരി പൊലീസ് സ്റ്റേഷനുകളിലും ദേശീയ പതാക ഉയർത്തി. ലോവർ കുട്ടനാട്ടിലെ സ്‌കൂളുകളിൽ പലതും ഇത്തവണയും വെള്ളത്തിനടിയിലായതിനാൽ ആഘോഷങ്ങൾ ഉണ്ടായിരുന്നില്ല.
