ETV Bharat / sports

Rohit Sharma : 'തന്ത്രപരമായി ശക്തര്‍, പരാജയപ്പെടുത്താന്‍ പ്രയാസം'; കിവികള്‍ക്കെതിരായ മത്സരത്തെ കുറിച്ച് രോഹിത്

author img

By ETV Bharat Kerala Team

Published : Oct 22, 2023, 12:35 PM IST

Rohit Sharma  India vs New Zealand  Cricket World Cup 2023  ഏകദിന ലോകകപ്പ് 2023  ഇന്ത്യ vs ന്യൂസിലന്‍ഡ്  രോഹിത് ശര്‍മ  Tom latham  ടോം ലാഥം
Rohit Sharma India vs New Zealand Cricket World Cup 2023

Cricket World Cup 2023: തന്ത്രപരമായി വളരെ ശക്തമായ ടീമാണ് ന്യൂസിലന്‍ഡെന്ന് ഇന്ത്യന്‍ ക്യാപ്റ്റന്‍ രോഹിത് ശര്‍മ (Rohit Sharma).

ധര്‍മ്മശാല : ഏകദിന ലോകകപ്പിലെ (Cricket World Cup 2023) തങ്ങളുടെ അഞ്ചാം മത്സരത്തിൽ ആതിഥേയരായ ഇന്ത്യ ടോപ്പേഴ്‌സായ ന്യൂസിലൻഡിനെ നേരിടാനിറങ്ങുകയാണ്. ടൂർണമെന്‍റിൽ ഇതുവരെ രോഹിത് ശർമയുടെയും ടോം ലാഥത്തിന്‍റെയും (Tom latham) ടീം തോല്‍വി വഴങ്ങിയിട്ടില്ല. കളിച്ച നാല് വീതം മത്സരങ്ങളില്‍ എട്ട് പോയിന്‍റുകളാണ് ഇരു സംഘത്തിനുമുള്ളത്.

നെറ്റ്‌ റണ്‍ റേറ്റിന്‍റെ അടിസ്ഥാനത്തിലാണ് കിവീസ് ഇന്ത്യയെ രണ്ടാം സ്ഥാനത്താക്കിയത്. ഇതോടെ ഇന്ന് വിജയിക്കുന്ന ടീമിന് നെറ്റ്‌ റണ്‍ റേറ്റിനെ ആശ്രയിക്കാതെ തന്നെ ഒന്നാം സ്ഥാനം സ്വന്തമാക്കാം. ഇപ്പോഴിതാ മത്സരത്തെക്കുറിച്ച് സംസാരിച്ചിരിക്കുകയാണ് ഇന്ത്യന്‍ ക്യാപ്റ്റന്‍ രോഹിത് ശര്‍മ (Rohit Sharma on India vs New Zealand Cricket World Cup 2023 match).

തന്ത്രപരമായി വളരെ മികച്ച ന്യൂസിലൻഡ് പോലുള്ള ഒരു ടീമിനെ പരാജയപ്പെടുത്താൻ വളരെയധികം പരിശ്രമം ആവശ്യമാണെന്നാണ് ഇന്ത്യന്‍ രോഹിത് ശര്‍മ പറയുന്നത്. 'ന്യൂസിലന്‍ഡിനെക്കുറിച്ച് പറയുമ്പോള്‍ അവരുടെ പദ്ധതികളാണ് എന്‍റെ മനസിലേക്ക് വരുന്നത്.

ALSO READ: Rohit Sharma : ധര്‍മ്മശാലയില്‍ ഹിറ്റ്‌മാന്‍ വമ്പന്‍ ഫ്ലോപ്പ്; കിവീസിനെതിരെ ആരാധകര്‍ക്ക് ആശങ്ക

അവർ തന്ത്രപരമായി വളരെ ശക്തരാണെന്നാണ് എനിക്ക് തോന്നിയിട്ടുള്ളത്. വ്യക്തമായ പദ്ധതികളോടെയാണ് അവര്‍ ബാറ്റു ചെയ്യാന്‍ എത്താറുള്ളത്. എതിരെ കളിക്കുമ്പോള്‍ ഓരോ വ്യക്തിക്കെതിരെയും ഏതെങ്കിലും തരത്തിലുള്ള ആസൂത്രണം അവര്‍ നടത്തിയിട്ടുണ്ടാവും. അവരെ പരാജയപ്പെടുത്താൻ വളരെയധികം പരിശ്രമം ആവശ്യമാണ്' -രോഹിത് ശര്‍മ (Rohit Sharma) പറഞ്ഞു.

ധര്‍മ്മശാലയിലെ ഹിമാചല്‍പ്രദേശ് ക്രിക്കറ്റ് അസോസിയേഷന്‍ സ്റ്റേഡിയത്തിലാണ് ഇന്ത്യ-ന്യൂസിലന്‍ഡ് മത്സരം നടക്കുന്നത്. സ്റ്റാര്‍ സ്പോര്‍ട്‌സ് നെറ്റ്‌വര്‍ക്ക് ചാനലുകളിലൂടെ തത്സമയം കാണാം. ഈ മത്സരം ഡിസ്‌നി+ഹോട്ട്‌സ്റ്റാര്‍ ആപ്പിലും വെബ്‌സൈറ്റിലും പ്രസ്‌തുത മത്സരം ലഭ്യമാണ്.

ALSO READ: Records Virat Kohli And Rohit Sharma Can Break: റെക്കോഡുകള്‍ തകര്‍ക്കാന്‍ കോലിയും രോഹിതും, ഇരുവരെയും കാത്തിരിക്കുന്ന നേട്ടങ്ങള്‍

ഏകദിന ലോകകപ്പ് 2023 ഇന്ത്യ സ്ക്വാഡ് (Cricket World Cup 2023 India Squad): രോഹിത് ശർമ (ക്യാപ്‌റ്റന്‍), ഇഷാന്‍ കിഷന്‍, ശ്രേയസ് അയ്യര്‍, കെഎല്‍ രാഹുല്‍ (വിക്കറ്റ് കീപ്പര്‍), ശുഭ്‌മാൻ ഗിൽ, വിരാട് കോലി, ഹാര്‍ദിക് പാണ്ഡ്യ, സൂര്യകുമാര്‍ യാദവ്, രവീന്ദ്ര ജഡേജ, രവിചന്ദ്രന്‍ അശ്വിന്‍, ശാര്‍ദുല്‍ താക്കൂര്‍, കുല്‍ദീപ് യാദവ്, ജസ്പ്രീത് ബുംറ, മുഹമ്മദ് സിറാജ്, മുഹമ്മദ് ഷമി.

ALSO READ: New Zealand Dominance Against India: ന്യൂസിലന്‍ഡ് എന്ന 'ബാലി കേറാമല'; ഇന്ത്യയ്‌ക്ക് തീര്‍ക്കാനുള്ളത് 20 വര്‍ഷത്തെ കണക്ക്

ഏകദിന ലോകകപ്പ് 2023 ന്യൂസിലന്‍ഡ് സ്‌ക്വാഡ് (Cricket World Cup 2023 New Zealand Squad): ടോം ലാഥം, ഡാരില്‍ മിച്ചല്‍, മാര്‍ക്ക് ചാപ്‌മാന്‍, ജിമ്മി നീഷാം, ഡെവോണ്‍ കോണ്‍വെ, വില്‍ യങ്, രചിന്‍ രവീന്ദ്ര, കെയ്‌ന്‍ വില്യംസണ്‍, ഗ്ലെന്‍ ഫിലിപ്‌സ്, മിച്ചല്‍ സാന്‍റ്‌നര്‍, ട്രെന്‍റ് ബോള്‍ട്ട്, മാറ്റ് ഹെൻറി, ടിം സൗത്തി, ലോക്കി ഫെര്‍ഗൂസണ്‍, ഇഷ് സോധി.

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.