WPLನಿಂದ ಹೊರನಡೆದ ಇಂಗ್ಲೆಂಡ್​ ಆಟಗಾರ್ತಿ ಹೀದರ್ ನೈಟ್; ಆರ್​ಸಿಬಿಗೆ ಹಿನ್ನಡೆ

ನವದೆಹಲಿ: 2024ರ ಮಹಿಳಾ ಪ್ರೀಮಿಯರ್​ ಲೀಗ್‌ನಿಂದ​(ಡಬ್ಲ್ಯೂಪಿಎಲ್) ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು (ಆರ್​ಸಿಬಿ) ತಂಡದ ಸ್ಟಾರ್​ ಆಲ್‌ರೌಂಡರ್​ ಹೀದರ್​ ನೈಟ್​ ಹೊರನಡೆದಿದ್ದಾರೆ. ಈ ಬಗ್ಗೆ ಹೀದರ್​ ನೈಟ್​ ಯಾವುದೇ ಸೂಕ್ತ ಕಾರಣ ನೀಡಿಲ್ಲ. ಬದಲಿ ಆಟಗಾರ್ತಿಯಾಗಿ ದಕ್ಷಿಣ ಆಫ್ರಿಕಾದ ಆಲ್‌ರೌಂಡರ್ ನಾಡಿನ್ ಡಿ ಕ್ಲರ್ಕ್ ಅವರನ್ನು ಕರೆತಂದಿರುವ ಬಗ್ಗೆ ಆರ್​ಸಿಬಿ ತಿಳಿಸಿದೆ.

ಭಾರತದಲ್ಲಿ ಫೆಬ್ರವರಿ 23ರಿಂದ ಮಾರ್ಚ್ 17ವರೆಗೆ ಡಬ್ಲ್ಯೂಪಿಎಲ್​ನ ಎರಡನೇ ಆವೃತ್ತಿ ನಡೆಯಲಿದೆ. ಈ ಆವೃತ್ತಿಯಲ್ಲಿ ನೈಟ್, ಆರ್​ಸಿಬಿ ತಂಡ ಪ್ರತಿನಿಧಿಸಬೇಕಿತ್ತು. ಆದರೆ ನ್ಯೂಜಿಲೆಂಡ್​ ಪ್ರವಾಸಕ್ಕೆ ತೆರಳುವ ಉದ್ದೇಶದಿಂದ ಇಂಗ್ಲೆಂಡ್​ ತಂಡದ ನಾಯಕಿ ನೈಟ್​ ಈ ನಿರ್ಧಾರ ತೆಗೆದುಕೊಂಡಿದ್ದಾರೆ. ಮಾರ್ಚ್ 19ರಿಂದ ಏಪ್ರಿಲ್ 7ರವರೆಗೆ ನ್ಯೂಜಿಲೆಂಡ್‌ ಪ್ರವಾಸ ಕೈಗೊಂಡಿರುವ ಇಂಗ್ಲೆಂಡ್‌ 5 ಟಿ20 ಮತ್ತು 3 ಏಕದಿನ ಪಂದ್ಯಗಳನ್ನು ಆಡಲಿದೆ.

• Sad to announce I’m withdrawing from the @wplt20 this year, but it’s the right thing for me to be available for the whole England tour of NZ. All the best @RCBTweets and @mandhana_smriti for the coming season 👊🏼 pic.twitter.com/5wW7GEhydp

  — Heather Knight (@Heatherknight55) January 27, 2024 " class="align-text-top noRightClick twitterSection" data="

  Sad to announce I’m withdrawing from the @wplt20 this year, but it’s the right thing for me to be available for the whole England tour of NZ. All the best @RCBTweets and @mandhana_smriti for the coming season 👊🏼 pic.twitter.com/5wW7GEhydp

  — Heather Knight (@Heatherknight55) January 27, 2024

  ">

  Sad to announce I’m withdrawing from the @wplt20 this year, but it’s the right thing for me to be available for the whole England tour of NZ. All the best @RCBTweets and @mandhana_smriti for the coming season 👊🏼 pic.twitter.com/5wW7GEhydp

  — Heather Knight (@Heatherknight55) January 27, 2024

ಈ ಬಗ್ಗೆ ಸಾಮಾಜಿಕ ಜಾಲತಾಣ ಎಕ್ಸ್​ ಆ್ಯಪ್​ನಲ್ಲಿ ಬರೆದುಕೊಂಡಿರುವ ನೈಟ್​, 'ನಾನು ಈ ವರ್ಷ ಡಬ್ಲ್ಯೂಪಿಎಲ್​ನಿಂದ ಹೊರಗುಳಿಯುತ್ತಿರುವ ವಿಷಯವನ್ನು ತಿಳಿಸಲು ದುಃಖವಾಗಿದೆ. ನ್ಯೂಜಿಲೆಂಡ್​ ಪ್ರವಾಸಕ್ಕೆ ಹೋಗುವುದು ನನಗೆ ಸರಿಯಾದ ವಿಷಯ ಎನ್ನಿಸುತ್ತದೆ. ಒಳ್ಳೆಯದಾಗಲಿ ಆರ್​ಸಿಬಿ ಮತ್ತು ನಾಯಕಿ ಸ್ಮೃತಿ ಮಂಧಾನ' ಎಂದಿದ್ದಾರೆ.

ಆರ್​ಸಿಬಿ ಆಯ್ಕೆ ಮಾಡಿರುವ ಬದಲಿ ಆಟಗಾರ್ತಿ ನಾಡಿನ್ ಡಿ ಕ್ಲರ್ಕ್ ಅವರು ಡಬ್ಲ್ಯೂಪಿಎಲ್​ನ ಎರಡನೇ ಆವೃತ್ತಿಯಲ್ಲಿ ಆರ್​ಸಿಬಿ ಪರ ಕಣಕ್ಕಿಳಿಯಲಿದ್ದಾರೆ. ಮಧ್ಯಮ ವೇಗದ ಬೌಲಿಂಗ್ ಮತ್ತು ಬಲಗೈ ಬ್ಯಾಟರ್​ ಡಿ ಕ್ಲರ್ಕ್ 30 ಏಕದಿನ ಮತ್ತು 46 ಟಿ20 ಪಂದ್ಯಗಳಲ್ಲಿ ದಕ್ಷಿಣ ಆಫ್ರಿಕಾವನ್ನು ಪ್ರತಿನಿಧಿಸಿದ್ದಾರೆ.

ಮೂಲಗಳ ಪ್ರಕಾರ, ಡಬ್ಲ್ಯೂಪಿಎಲ್‌ನಲ್ಲಿ ಆಡುವ ಇಂಗ್ಲೆಂಡ್​ ಆಟಗಾರ್ತಿಯರು ಲೀಗ್ ಮುಗಿಯುವವರೆಗೂ ಭಾರತದಲ್ಲಿದ್ದರೆ​, ನ್ಯೂಜಿಲೆಂಡ್‌ ವಿರುದ್ಧ ನಡೆಯುವ ಮೊದಲ ಮೂರು ಟಿ20 ಪಂದ್ಯಗಳಿಗೆ ಅವರನ್ನು ಪರಿಗಣಿಸಲಾಗುವುದಿಲ್ಲ ಎಂದು ಇಂಗ್ಲೆಂಡ್ ಮತ್ತು ವೇಲ್ಸ್ ಕ್ರಿಕೆಟ್ ಮಂಡಳಿ (ಇಸಿಬಿ) ತಿಳಿಸಿದೆ. ಮುಂದಿನ ವಾರ ಮಹಿಳಾ ಇಂಗ್ಲೆಂಡ್​ ತಂಡವನ್ನು ಇಸಿಬಿ ಪ್ರಕಟಿಸುವ ಸಾಧ್ಯತೆಯಿದೆ.

ಇದನ್ನೂ ಓದಿ: Ind vs Eng 1st Test: 420ಕ್ಕೆ ಇಂಗ್ಲೆಂಡ್​ ಆಲೌಟ್​; ಭಾರತದ ಗೆಲುವಿಗೆ ಬೇಕು 231 ರನ್