ನ್ಯೂಯಾರ್ಕ್: ಅತ್ಯಂತ ಅಪಾಯಕಾರಿಯಾಗಿರುವ ವಾಂಪೈರ್ ಬಾವಲಿಗಳು ಶೀಘ್ರದಲ್ಲೇ ಅಮೆರಿಕದಲ್ಲಿ ವಾಸಿಸಲಿದ್ದು, ಇದು ರೇಬೀಸ್ ವೈರಸ್ನಂತಹ ಹಲವು ರೋಗಕಾರಕಗಳನ್ನು ತರುತ್ತವೆ ಎಂದು ಹೊಸ ಅಧ್ಯಯನ ವರದಿ ತಿಳಿಸಿದೆ.
ವಾಂಪೈರ್ ಬಾವಲಿಗಳು ರೇಬೀಸ್ ರೋಗವನ್ನು ಹೊತ್ತು ತರುತ್ತವೆ. ಈ ರೋಗದಿಂದ ಸಾವಿನ ದರ ಹೆಚ್ಚಲಿದೆ. ಇದು 3,000 ವರ್ಷಗಳಷ್ಟು ಹಳೆಯ ರೋಗಕಾರಕವಾಗಿದೆ. ಇಂಥ ಅಪಾಯಕಾರಿ ಬಾವಲಿಗಳು ಸದ್ಯ ಮೆಕ್ಸಿಕೋ, ದಕ್ಷಿಣ ಮತ್ತು ಕೇಂದ್ರ ಅಮೆರಿಕದಲ್ಲಿ ಪತ್ತೆಯಾಗುತ್ತಿವೆ. ಇದೀಗ ಅವು 27 ವರ್ಷಗಳ ತರುವಾಯ ಅಮೆರಿಕಕ್ಕೆ ಮರಳುತ್ತಿವೆ.
ಹವಾಮಾನ ಬದಲಾವಣೆ ಕಾರಣ: ಹವಾಮಾನ ಬದಲಾವಣೆಗಳಿಂದಾಗಿ ವಾಂಪೈರ್ ಬಾವಲಿಗಳು ಉತ್ತರ ದಿಕ್ಕಿನೆಡೆ ಸಂಚರಿಸುತ್ತಿರುವುದು ಕಂಡುಬಂದಿದೆ. ಇದು ಅನೇಕ ಲ್ಯಾಟಿನ್ ಅಮೆರಿಕನ್ ದೇಶಗಳಲ್ಲಿ ರೇಬೀಸ್ ಪ್ರಕರಣಗಳು ಹೆಚ್ಚಾಗುವುದಕ್ಕೆ ಕಾರಣವಾಗಲಿದೆ ಎಂದು ವರ್ಜೀನಿಯಾ ಟೆಕ್ಸ್ ಟ್ರಾನ್ಸ್‌ಲಷನ್ ಬಯೋಲಜಿ, ಮೆಡಿಸಿನ್ ಮತ್ತು ಹೆಲ್ತ್ ಗ್ರಾಜುಯೇಟ್ ಪ್ರೋಗ್ರಾಂನ ಡಾಕ್ಟರಲ್ ವಿದ್ಯಾರ್ಥಿ ಪೈಗೆ ವ್ಯಾನ್ ಡಿ ವೂರ್ಸ್ಟ್ ಆತಂಕ ವ್ಯಕ್ತಪಡಿಸಿದ್ದಾರೆ.
ಈ ಅಧ್ಯಯನ ವರದಿಯನ್ನು ಜರ್ನಲ್ ಎಕೊಗ್ರಾಫಿಯಲ್ಲಿ ಪ್ರಕಟಿಸಲಾಗಿದೆ. ಭಾರಿ ಚಳಿ ಮತ್ತು ಹೆಚ್ಚು ಬೇಸಿಗೆ ಋತುಮಾನದಂತಹ ನಿರಂತರ ತಾಪಮಾನ ಬದಲಾವಣೆಗಳಿಂದ ಪಾರಾಗಲು ವಾಂಪೈರ್ ಬಾವಲಿಗಳು ತಮ್ಮ ಸ್ಥಳವನ್ನು ಹೆಚ್ಚು ಸ್ಥಿರವಾಗಿರುವ ತಾಪಮಾನದ ಪ್ರದೇಶಗಳತ್ತ ವರ್ಗಾಯಿಸುತ್ತಿವೆ. ಈ ರೀತಿ ಸ್ಥಳ ಬದಲಾವಣೆ ಮಾಡುವುದರಿಂದ ಇವು ರೇಬೀಸ್ ರೋಗ ಹಬ್ಬಿಸಲು ಕಾರಣವಾಗಬಹುದು. ಬಾವಲಿಗಳ ಗುರುತು ಪತ್ತೆಗಾಗಿ ತಜ್ಞರ ತಂಡ ಕೊಲಂಬಿಯಾದೆಲ್ಲೆಡೆ ಸಂಚರಿಸಿ, 70ಕ್ಕೂ ಹೆಚ್ಚು ಬಾವಲಿಗಳ ತಳಿ ಮಾದರಿ ಸಂಗ್ರಹಿಸಿದೆ.
ಅಧ್ಯಯನದ ಫಲಿತಾಂಶ: ಕಳೆದೊಂದು ಶತಮಾನದಿಂದ ವಾಂಪೈರ್ ಬಾವಲಿಗಳು ಡೆಸ್ಮೋಡಸ್ ರೋಟಂಡಸ್ನ ಮೇಲೆ ಹವಾಮಾನ ಬದಲಾವಣೆಯ ಪರಿಣಾಮಗಳ ಮೇಲೆ ಕೇಂದ್ರೀಕರಿಸಿವೆ. ವಿಶ್ಲೇಷಣೆಯಲ್ಲಿ ಹವಾಮಾನ ಬದಲಾವಣೆ ಮತ್ತು ಉತ್ತರ ಅಮೆರಿಕದಲ್ಲಿ ಡಿ ರೋಟಂಡನ್ ವಿಸ್ತರಣೆಯಲ್ಲಿ ಸಂಬಂಧಗಳ ಸಕಾರಾತ್ಮಕತೆ ತಿಳಿದುಬಂದಿದೆ.
ಇದಕ್ಕಿಂತ ಹೆಚ್ಚಾಗಿ ಸಂಶೋಧಕರು 120 ವರ್ಷಗಳ ಅಧ್ಯಯನದ ಅವಧಿಯ ಕಳೆದ 50 ವರ್ಷಗಳಲ್ಲಿ ಡಿ ರೋಟಂಡಸ್‌ನಿಂದ ಜಾನುವಾರುಗಳಿಗೆ ರೇಬೀಸ್ ವೈರಸ್ ಪ್ರಸರಣದಲ್ಲಿ ಭೂಖಂಡದ ಮಟ್ಟದ ಏರಿಕೆ ನಡುವಿನ ಸಂಬಂಧವನ್ನು ಈ ಫಲಿತಾಂಶಗಳು ಸ್ಪಷ್ಟಪಡಿಸಿವೆ ಎಂದು ವಿಜ್ಞಾನಿಗಳು ಹೇಳುತ್ತಿದ್ದಾರೆ. (ಐಎಎನ್ಎಸ್)
ಇದನ್ನೂ ಓದಿ: ಚೀನಾದಲ್ಲಿ ಮತ್ತೊಂದು ನಿಗೂಢ ವೈರಸ್: ನ್ಯುಮೋನಿಯಾ ರೋಗಲಕ್ಷಣಗಳಿಂದ ಬಳಲುತ್ತಿರುವ ಶಾಲಾ ಮಕ್ಕಳು
