ಹಾವೇರಿ/ಬ್ಯಾಡಗಿ: ರಾಜ್ಯದಲ್ಲಿ ಅಮೂಲ್ ಮತ್ತು ನಂದಿನಿ ವಿವಾದ ನಡುವೆಯೇ ಹಾವೇರಿ ಜಿಲ್ಲೆ ಬ್ಯಾಡಗಿ ಅಂತಾರಾಷ್ಟ್ರೀಯ ಮಾರುಕಟ್ಟೆಗೆ ಗುಜರಾತ್‌ನ ಮೆಣಸಿನಕಾಯಿ ಪುಷ್ಪಾ ಪ್ರವೇಶ ಮಾಡಿದೆ ಎಂಬ ಮಾತುಗಳು ಕೇಳಿ ಬರುತ್ತಿವೆ. ಬ್ಯಾಡಗಿ ಮೆಣಸಿನಕಾಯಿ ಮಾರುಕಟ್ಟೆ ಪ್ರವೇಶ ಮಾಡಿರುವ ಪುಷ್ಪಾ ಕ್ರಮೇಣ ಮಾರುಕಟ್ಟೆಯನ್ನ ತನ್ನ ಕಬಂಧ ಬಾಹುಗೆ ತಗೆದುಕೊಳ್ಳುತ್ತೆ. ಇದರಿಂದ ಹಾವೇರಿ ಜಿಲ್ಲೆಯ ಬ್ಯಾಡಗಿ ಡಬ್ಬಿ ಮತ್ತು ಕಡ್ಡಿ ತಳಿಗಳ ಕೇಳುವವರು ಇಲ್ಲದಂತಾಗುತ್ತದೆ ಎಂಬ ವದಂತಿಗಳು ಸಹ ಹರಡಿವೆ.
ರಾಜ್ಯದ ಮೆಣಸಿನಕಾಯಿ ಬೆಳೆಯುವ ರೈತರು ಮತ್ತು ವಹಿವಾಟು ನಡೆಸುವ ವರ್ತಕರು ಸಹ ಸಮಸ್ಯೆಗೆ ತುತ್ತಾಗುತ್ತಾರೆ ಎಂಬ ಮಾತುಗಳು ಸಹ ಕೇಳಿ ಬಂದಿವೆ. ಆದರೆ ಬ್ಯಾಡಗಿ ಮೆಣಸಿನಕಾಯಿ ಮಾರುಕಟ್ಟೆಯ ಪ್ರಮುಖ ವರ್ತಕರಲ್ಲಿ ಒಬ್ಬರಾಗಿರುವ ರಾಜು ಮೋಗೇರಿ ಈ ಎಲ್ಲಾ ವದಂತಿಗಳ ಅಲ್ಲಗೆಳೆದಿದ್ದಾರೆ. ಬ್ಯಾಡಗಿ ಮೆಣಸಿನಕಾಯಿ ಡಬ್ಬಿ ಮತ್ತು ಕಡ್ಡಿಗೆ ಸರಿಸಾಟಿ ಯಾವುದೇ ಇಲ್ಲ ಎಂದು ಮೋಗೇರಿ ತಿಳಿಸಿದ್ದಾರೆ. ಮತ್ತೊಂದು ಕಡೆ ಬ್ಯಾಡಗಿ ಮಾರುಕಟ್ಟೆ ಅಂತಾರಾಷ್ಟ್ರೀಯ ಮೆಣಸಿನಕಾಯಿ ಮಾರುಕಟ್ಟೆ. ಇಲ್ಲಿ ದೇಶದ ವಿವಿಧಡೆಯಿಂದ ಮೆಣಸಿನಕಾಯಿ ಬರುತ್ತೆ. ಅದರಲ್ಲಿ ಗುಜರಾತ್‌ನ ಪುಷ್ಪಾ ಮತ್ತು ಆಂಧ್ರಪ್ರದೇಶದ ಗೊಂಡಾಲವಾಗಲಿ ಹಲವು ಬಗೆಯ ತಳಿಗಳ ಮೆಣಸಿನಕಾಯಿ ಮಾರುಕಟ್ಟೆಗೆ ಬರುತ್ತವೆ.
ಮಾರುಕಟ್ಟೆ ಮೇಲೆ ಪರಿಣಾಮ ಬೀರಲ್ಲ: ಮೆಣಸಿನಕಾಯಿ ಜವಾರಿ ಇರಲಿ ಹೈಬ್ರೀಡ್ ಇರಲಿ ಅವುಗಳಲ್ಲಿ ನೋಡುವುದು ಬಣ್ಣ ಮತ್ತು ಖಾರವನ್ನ ಮಾತ್ರ. ಅದರ ಮೇಲೆ ಇಲ್ಲಿಯ ಖಾರದ ಪುಡಿ ತಯಾರಕರು ಮೆಣಸಿನಕಾಯಿಗೆ ದರ ನಿಗದಿ ಮಾಡಿ ಖಾರದ ಪುಡಿ ತಯಾರಿಸುತ್ತಾರೆ. ಹೀಗಾಗಿ ಗೊಂಡಾಲವಾಗಲಿ, ಪುಷ್ಪಾವಾಗಲಿ ಬ್ಯಾಡಗಿ ಮಾರುಕಟ್ಟೆಯ ಮೇಲೆ ಹೇಳಿಕೊಳ್ಳುವಂತಹ ಪರಿಣಾಮ ಬೀರಲ್ಲ ಮತ್ತು ಬೀರುವದೂ ಇಲ್ಲ ಎಂದು ರಾಜು ಸ್ಪಷ್ಟ ಪಡಿಸಿದರು. ಲಕ್ಷಾಂತರ ಕ್ವಿಂಟಲ್ ಮೆಣಸಿನಕಾಯಿ ನಮ್ಮ ಮಾರುಕಟ್ಟೆಗೆ ಬರುತ್ತೆ ಅದರಲ್ಲಿ 05 ಸಾವಿರ ಕ್ವಿಂಟಲ್ ಮೆಣಸಿನಕಾಯಿ ಪುಷ್ಪಾ ಬಂದರೆ ಅದರಿಂದ ನಮ್ಮ ಮಾರುಕಟ್ಟೆ ಮೇಲೆ ಯಾವುದೇ ಪರಿಣಾಮ ಬೀರುವುದಿಲ್ಲ ಎಂದು ರಾಜು ತಿಳಿಸಿದರು. ಗುಜರಾತ್‌ನ ಪುಷ್ಪಾ ನಮಗೆ ತೊಂದರೆ ನೀಡುವ ಬದಲು ಒಳ್ಳೆಯದನ್ನ ಮಾಡುತ್ತಿದೆ ಎನ್ನುತ್ತಾರೆ ರಾಜು.
ಗುಜರಾತ್ ಪುಷ್ಪಾದಿಂದ ನಷ್ಟವಿಲ್ಲ: ಫೆಬ್ರುವರಿ ತಿಂಗಳಿನಲ್ಲಿ ಲೋಕಲ್ ತಳಿ ಮೆಣಸಿನಕಾಯಿ ಸೇರಿದಂತೆ ಕಡಿಮೆ ಮೆಣಸಿನಕಾಯಿ ಮಾರುಕಟ್ಟೆಗೆ ಬಂದಿತ್ತು. ಆ ಸಮಯದಲ್ಲಿ ಖಾರದ ಪುಡಿ ಹೇಗೆ ತಯಾರಿಸಬೇಕು ಎಂದು ಬಹುತೇಕ ವರ್ತಕರು ಚಿಂತಾಕ್ರಾಂತರಾಗಿದ್ದರು. ಆ ಸಂದರ್ಭದಲ್ಲಿ ನಮ್ಮ ನೆರವಿಗೆ ಬಂದಿದ್ದೆ ಪುಷ್ಪಾ ಮೆಣಸಿನಕಾಯಿ. ಅವಾಗ ಸಿಕ್ಕ ಪುಷ್ಪಾ ಮೆಣಸಿನಕಾಯಿ ಪಡೆದು ಅದರಿಂದ ಖಾರದ ಪುಡಿ ತಯಾರಿಸಿ ಎಂದಿನಂತೆ ಪೂರೈಕೆ ಮಾಡಲು ಪುಷ್ಪಾ ಅನುಕೂಲವಾಯಿತು ಎನ್ನುತ್ತಾರೆ ರಾಜು ಮೋಗೇರಿ. ಇನ್ನು ಬ್ಯಾಡಗಿ ಮಾರುಕಟ್ಟೆಗೆ ಸಾಕಷ್ಟು ಸಂಖ್ಯೆಯಲ್ಲಿ ಬ್ಯಾಡಗಿ ಡಬ್ಬಿ ಮತ್ತು ಕಡ್ಡಿ ಸೇರಿದಂತೆ ಹೈಬ್ರೀಡ್ ತಳಿಯ ಮೆಣಸಿನಕಾಯಿ ಮಾರಾಟಕ್ಕೆ ಬರುತ್ತದೆ. ಹೀಗಾಗಿ ಗುಜರಾತ್‌ನ ಪುಷ್ಪಾದಿಂದ ನಮಗೆ ಯಾವುದೇ ನಷ್ಟವಿಲ್ಲ ಎಂದು ಅವರು ತಿಳಿಸಿದ್ದಾರೆ
ಇದನ್ನೂ ಓದಿ: ನಂದಿನಿ ಹಾಲಿನ ಬಗ್ಗೆ ಸುಳ್ಳು ಸುದ್ದಿ ಹರಿದಾಡುತ್ತಿದ್ದು ಗ್ರಾಹಕರು ಆತಂಕ ಪಡುವ ಅಗತ್ಯವಿಲ್ಲ: ಕೆಎಂಎಫ್ ಸ್ಪಷ್ಟನೆ
ಗುಜರಾತ್‌ನಲ್ಲಿ ಈ ಹಿಂದೆ ಅವರ ರಾಜ್ಯಕ್ಕೆ ಸಾಕಾಗುವಷ್ಟು ಮಾತ್ರ ಪುಷ್ಪಾ ಮೆಣಸಿನಕಾಯಿ ಬೆಳೆ ಬೆಳೆಯಲಾಗುತ್ತಿತ್ತು. ಕೆಲ ವರ್ಷಗಳಿಂದ ಬ್ಯಾಡಗಿ ಮಾರುಕಟ್ಟೆಗೆ ಗುಜರಾತ್‌ನ ಪುಷ್ಪಾ ಮೆಣಸಿನಕಾಯಿ ತಳಿ ಬರುತ್ತಿದೆ. ಈ ವರ್ಷ ಅಲ್ಲಿ ಹೆಚ್ಚು ಬೆಳೆ ಬೆಳೆದಿದ್ದರಿಂದ ಅಲ್ಲಿ ಸಾಕಾಗುವಷ್ಟು ಬೆಳೆದು ನಂತರ ಅಧಿಕ ಪ್ರಮಾಣದಲ್ಲಿ ಬೆಳೆ ಬೆಳೆದಿದ್ದರಿಂದ ಈಗ ಬ್ಯಾಡಗಿ ಮಾರುಕಟ್ಟೆಗೆ ಗುಜರಾತ್‌ನ ಪುಷ್ಪಾ ತರಲಾಗುತ್ತಿದೆ ಇದರಿಂದ ಯಾವುದೇ ನಷ್ಟವಿಲ್ಲ ಎಂದು ಮೋಗೇರಿ ತಿಳಿಸಿದರು.
ಇದನ್ನೂ ಓದಿ: ನಂದಿನಿ vs ಅಮುಲ್: ವಿವಾದವೇಕೆ? ವಾಸ್ತವ ಏನು?
