ಹ್ಯಾಂಗ್‌ಝೌ (ಚೀನಾ): 19ನೇ ಏಷ್ಯನ್ ಗೇಮ್ಸ್ನಲ್ಲಿ ಭಾರತ ಉತ್ತಮ ಪ್ರದರ್ಶನ ನೀಡುತ್ತಾ ಬರುತ್ತಿದೆ. ಶೂಟಿಂಗ್ನಲ್ಲಿ ಭಾರತ 12 ಪದಕಗಳನ್ನು ಬಾಚಿಕೊಂಡಿದೆ. ಟ್ರ್ಯಾಕ್ ಸೈಕ್ಲಿಂಗ್ ಭಾರತದ ಡೇವಿಡ್ ಬೆಕ್‌ಹ್ಯಾಮ್ ಪುರುಷರ ಸ್ಪ್ರಿಂಟ್ನಲ್ಲಿ ಕ್ವಾರ್ಟರ್-ಫೈನಲ್ ತಲುಪಿದ್ದಾರೆ. ಭಾರತೀಯ ಸೈಕ್ಲಿಸ್ಟ್ ಡೇವಿಡ್ ಬೆಕ್‌ಹ್ಯಾಮ್ ಎಲ್ಕಟೋಚೊಂಗೊ ಅವರು ಪುರುಷರ ಸ್ಪ್ರಿಂಟ್ 1/8 ಫೈನಲ್ ರಿಪಿಚೇಜ್ ಹೀಟ್ 1 ರಲ್ಲಿ ಟೈಮ್‌ಶೀಟ್‌ನಲ್ಲಿ ಅಗ್ರಸ್ಥಾನ ಪಡೆದು ಏಷ್ಯನ್ ಗೇಮ್ಸ್ 2023 ರಲ್ಲಿ ಕ್ವಾರ್ಟರ್-ಫೈನಲ್ ತಲುಪಿದರು. ಡೇವಿಡ್ ಬೆಕ್‌ಹ್ಯಾಮ್ ನಾಳೆ ಬೆಳಗ್ಗೆ ಭಾರತೀಯ ಕಾಲಮಾನ 7:48ಕ್ಕೆ ಪ್ರಾರಂಭವಾಗುವ ಕ್ವಾರ್ಟರ್-ಫೈನಲ್‌ನಲ್ಲಿ ಸ್ಪರ್ಧಿಸಲಿದ್ದಾರೆ. ಇದಕ್ಕೂ ಮೊದಲು, ರೊನಾಲ್ಡೊ ಸಿಂಗ್ ಲೈಟೊಂಜಮ್ 1/16 ರೆಪೆಚೇಜ್ ಸುತ್ತಿನಲ್ಲಿ ಸೋತರು.
ಟೆನಿಸ್ ಸಿಂಗಲ್ಸ್ ಕ್ವಾರ್ಟರ್‌ನಲ್ಲಿ ಸುಮಿತ್ ನಗಾಲ್ಗೆ ಸೋಲು: ಐದನೇ ಶ್ರೇಯಾಂಕದ ಭಾರತೀಯ ಟೆನ್ನಿಸ್ ಪಟು ಸುಮಿತ್ ನಗಾಲ್ 2023 ರ ಏಷ್ಯನ್ ಗೇಮ್ಸ್‌ನ ಪುರುಷರ ಸಿಂಗಲ್ಸ್ ಕ್ವಾರ್ಟರ್-ಫೈನಲ್‌ನಲ್ಲಿ ಅಗ್ರ ಶ್ರೇಯಾಂಕದ ಚೀನಾದ ಜಾಂಗ್ ಝಿಜೆನ್ ವಿರುದ್ಧ 6-7, 6-1, 6-2 ಸೆಟ್‌ಗಳಿಂದ ಸೋತರು. ಮೊದಲ ಪಂದ್ಯದಲ್ಲಿ ಟೈ ಬ್ರೇಕರ್ ಗೆದ್ದ ನಂತರ ಸೆಟ್, ನಗಲ್ ಪಂದ್ಯದ ಉಳಿದ ಭಾಗದಲ್ಲಿ ಜಾಂಗ್ ಅವರು ಪ್ರಾಬಲ್ಯ ಸಾಧಿಸುವಲ್ಲಿ ವಿಫಲರಾದರು.
ಚೆಸ್: ಮಹಿಳೆಯರ ವೈಯಕ್ತಿಕ ಚೆಸ್‌ನ 8ನೇ ಸುತ್ತಿನಲ್ಲಿ ಇಬ್ಬರು ಭಾರತೀಯ ಗ್ರ್ಯಾಂಡ್‌ಮಾಸ್ಟರ್‌ಗಳಾದ ಕೋನೇರು ಹಂಪಿ ಮತ್ತು ಹರಿಕಾ ದ್ರೋಣ 8ನೇ ಸುತ್ತಿನಲ್ಲಿ ಡ್ರಾ ಮಾಡಿಕೊಂಡರು. ಇವರಿಬ್ಬರು ಅಂಕಪಟ್ಟಿಯಲ್ಲಿ 5.0 ಅಂಕಗಳೊಂದಿಗೆ ಸಮಬಲದಲ್ಲಿದ್ದು, ಕೊನೆರು ಹಂಪಿ ಪ್ರಸ್ತುತ ಐದನೇ ಸ್ಥಾನದಲ್ಲಿದ್ದಾರೆ. ವನಿತೆಯರ ವಿಭಾಗದಲ್ಲಿ ಚಿನ್ನ ಮತ್ತು ಬೆಳ್ಳಿ ಪದಕ ಸಾಧನೆ ಸಾಧ್ಯವಿಲ್ಲ. ಕಾರಣ ಮುಂಬರುವ ಅಂತಿಮ ಸುತ್ತಿನಲ್ಲಿ ಕೇವಲ 1.0 ಪಾಯಿಂಟ್ ಇದೆ. ಇಬ್ಬರು ಭಾರತೀಯ ಆಟಗಾರ್ತಿಯರು ಎರಡನೇ ಸ್ಥಾನದಿಂದ 1.5 ಪಾಯಿಂಟ್ ದೂರ ಇದ್ದಾರೆ. ಹೀಗಾಗಿ ಮೊದಲೆರಡು ಪದಕ ದೂರ ಸರಿದಿವೆ.
ಪುರುಷರ ವೈಯಕ್ತಿಕ ವಿಭಾಗದಲ್ಲಿ ವಿದಿತ್ ಸಂತೋಷ್ ಗುಜರಾತಿ ಕೂಡ ಮಂಗೋಲಿಯಾದ ಬಿಲ್ಗುನ್ ಸುಮಿಯಾ ವಿರುದ್ಧ ಡ್ರಾ ಮಾಡಿಕೊಂಡರು. ಅರ್ಜುನ್ ಕುಮಾರ್ ಏರಿಗೈಸಿ ಅವರು ತಮ್ಮ 8ನೇ ಸುತ್ತಿನ ಪಂದ್ಯದಲ್ಲಿ ಸೋಲು ಕಂಡಿದ್ದಾರೆ.
ಬಾಕ್ಸಿಂಗ್: ಭಾರತೀಯ ಬಾಕ್ಸರ್ ಶಿವ ಥಾಪಾ ಪುರುಷರ 63.5 ಕೆಜಿ ಸುತ್ತಿನಲ್ಲಿ ಕಿರ್ಗಿಸ್ತಾನ್‌ನ ಅಸ್ಕತ್ ಕುಲ್ತೇವ್ ವಿರುದ್ಧ 5-0 ಪಾಯಿಂಟ್‌ಗಳಿಂದ ಸೋಲನುಭವಿಸಿ ಕ್ವಾರ್ಟರ್ ಫೈನಲ್ ಪ್ರವೇಶದ ಅವಕಾಶ ಕಳೆದುಕೊಂಡರು. 29 ವರ್ಷದ ಶಿವ ಥಾಪಾ ಪಗುಲಿಸ್ಟ್ ಹಿಂದಿನ ಸುತ್ತಿನಲ್ಲಿ ಬೈ ಪಡೆದಿದ್ದರು. ಪುರುಷರ 92 ಕೆಜಿ ವಿಭಾಗದಲ್ಲಿ ಸಂಜೀತ್ 16ರ ಸುತ್ತಿನಲ್ಲಿ ಉಜ್ಬೇಕಿಸ್ತಾನ್‌ನ ಲಾಜಿಜ್‌ಬೆಕ್ ಮುಲ್ಲೊಜೊನೊವ್ ವಿರುದ್ಧ ಸೋಲು ಕಂಡಿದ್ದಾರೆ. ನಿಖತ್ ಜರೀನ್ ಅವರು ಇಂದು ಸಂಜೆ 5:15ಕ್ಕೆ ಚೊರೊಂಗ್ ಬಾಕ್ ವಿರುದ್ಧ ತಮ್ಮ ಮಹಿಳೆಯರ 50ಕೆಜಿ ವಿಭಾಗದ 16ನೇ ಸುತ್ತಿನ ಪಂದ್ಯ ಆಡಲಿದ್ದಾರೆ.
ಲೀಗ್ ಆಫ್ ಲೆಜೆಂಡ್ಸ್ ಈವೆಂಟ್‌: ಎಸ್‌ಪೋರ್ಟ್ಸ್ ಸ್ಪರ್ಧೆಗಳ ಲೀಗ್ ಆಫ್ ಲೆಜೆಂಡ್ಸ್ ಈವೆಂಟ್‌ನಲ್ಲಿ ವಿಯೆಟ್ನಾಂ ವಿರುದ್ಧ ಭಾರತ ಸೋಲು ಕಂಡಿದ್ದು, ಕ್ವಾರ್ಟರ್ ಫೈನಲ್‌ನಲ್ಲಿ ತನ್ನ ಅಭಿಯಾನ ಅಂತ್ಯಗೊಳಿಸಿದೆ. ಭಾರತ ನಾಯಕ ಅಕ್ಷಜ್ ಶೆಣೈ ನೇತೃತ್ವದ ಸಮರ್ಥ ಅರವಿಂದ್ ತ್ರಿವೇದಿ, ಮಿಹಿರ್ ರಂಜನ್, ಆದಿತ್ಯ ಸೆಲ್ವರಾಜ್, ಆಕಾಶ್ ಶಾಂಡಿಲ್ಯ ಮತ್ತು ಸಾನಿಂಧ್ಯಾ ಮಲಿಕ್ ಅವರನ್ನು ಒಳಗೊಂಡಿದೆ. ಲೀಗ್ ಆಫ್ ಲೆಜೆಂಡ್ಸ್ ತಂಡವು ಇತ್ತೀಚೆಗೆ ನಡೆದ ಮಧ್ಯ ಮತ್ತು ದಕ್ಷಿಣ ಏಷ್ಯಾ ಸೀಡಿಂಗ್ ಈವೆಂಟ್‌ನಲ್ಲಿ ಪ್ರಾಬಲ್ಯ ಸಾಧಿಸಿ ಅಗ್ರ ಶ್ರೇಯಾಂಕವನ್ನು ಪಡೆದು ನೇರವಾಗಿ ಕ್ವಾರ್ಟರ್‌ಫೈನಲ್‌ಗೆ ಸ್ಥಾನ ಪಡೆದಿತ್ತು. ಆದರೆ ಕ್ವಾರ್ಟರ್ ಫೈನಲ್ ನಿರಾಸೆಎದುರಾಗಿದೆ.
ಇದನ್ನೂ ಓದಿ: Asian Games: ಬೆಳ್ಳಿ ಗೆದ್ದ ಶೂಟರ್ ಅನಂತ್ ಜೀತ್ ಸಿಂಗ್.. ಶೂಟಿಂಗ್ನಲ್ಲಿ ಭಾರತಕ್ಕೆ 12ನೇ ಪದಕ
