ಟಿ-20 ವಿಶ್ವಕಪ್​: ನ್ಯೂಜಿಲ್ಯಾಂಡ್​ ವಿರುದ್ಧ ಭರ್ಜರಿ ಜಯ ಸಾಧಿಸಿ, ಸೇಡು ತೀರಿಸಿಕೊಂಡ ಪಾಕ್​

ಐಸಿಸಿ ಟಿ-20 ವಿಶ್ವಕಪ್​​ನಲ್ಲಿ ಪಾಕಿಸ್ತಾನ ತಂಡ ಸತತ ಎರಡನೇ ಗೆಲುವು ದಾಖಲು ಮಾಡಿದೆ. ಶಾರ್ಜಾ ಮೈದಾನದಲ್ಲಿ ನಡೆದ ನ್ಯೂಜಿಲ್ಯಾಂಡ್​ ವಿರುದ್ಧದ ಪಂದ್ಯದಲ್ಲೂ 5 ವಿಕೆಟ್​ಗಳ ಜಯ ಸಾಧಿಸಿದೆ.

ಶಾರ್ಜಾ: ಐಸಿಸಿ ಟಿ-20 ವಿಶ್ವಕಪ್​​ನಲ್ಲಿ ನ್ಯೂಜಿಲ್ಯಾಂಡ್​ ವಿರುದ್ಧ ಪಾಕಿಸ್ತಾನ ತಂಡ 5 ವಿಕೆಟ್​​ಗಳ ಭರ್ಜರಿ ಗೆಲುವು ದಾಖಲು ಮಾಡಿದೆ. ಈ ಮೂಲಕ ಈಚೆಗೆ ಭದ್ರತೆ ನೆಪ ಹೇಳಿ ಪಾಕಿಸ್ತಾನದಿಂದ ದಿಢೀರ್​​ ಆಗಿ ವಾಪಸ್​ ಬಂದಿದ್ದ ನ್ಯೂಜಿಲ್ಯಾಂಡ್​ ತಂಡದ ವಿರುದ್ಧ ಸೇಡು ತೀರಿಸಿಕೊಂಡಿದೆ.

• New Zealand post a score of 134/8 after some brilliant bowling from Pakistan 🔢
  
  Will this score prove to be enough? #T20WorldCup | #PAKvNZ | https://t.co/E7Fewf9q6J pic.twitter.com/iIyMn0vDfi

  — ICC (@ICC) October 26, 2021 " class="align-text-top noRightClick twitterSection" data="

  New Zealand post a score of 134/8 after some brilliant bowling from Pakistan 🔢
  
  Will this score prove to be enough? #T20WorldCup | #PAKvNZ | https://t.co/E7Fewf9q6J pic.twitter.com/iIyMn0vDfi

  — ICC (@ICC) October 26, 2021

  ">

  New Zealand post a score of 134/8 after some brilliant bowling from Pakistan 🔢
  
  Will this score prove to be enough? #T20WorldCup | #PAKvNZ | https://t.co/E7Fewf9q6J pic.twitter.com/iIyMn0vDfi

  — ICC (@ICC) October 26, 2021

ಶಾರ್ಜಾ ಮೈದಾನದಲ್ಲಿ ಟಾಸ್​ ಸೋತು ಮೊದಲು ಬ್ಯಾಟಿಂಗ್ ಮಾಡಲು ಕಣಕ್ಕಿಳಿದಿದ್ದ ನ್ಯೂಜಿಲ್ಯಾಂಡ್ ತಂಡ ನಿಗದಿತ 20 ಓವರ್​ಗಳಲ್ಲಿ 8 ವಿಕೆಟ್​ನಷ್ಟಕ್ಕೆ 134ರನ್​ಗಳಿಕೆ ಮಾಡಿತು. ತಂಡದ ಪರ ಮಿಚೆಲ್​​ 27 ರನ್​, ವಿಲಿಯಮ್ಸನ್​​ 25 ಹಾಗೂ ಕಾನ್ವೆ 27ರನ್​ಗಳಿಕೆ ಮಾಡಿ ತಂಡ 130ರ ಗಡಿ ದಾಟುವಂತೆ ಮಾಡಿದರು.

ಇದನ್ನೂ ಓದಿರಿ: ವಿಶ್ವಕಪ್​​ನಲ್ಲಿಂದು ಸೇಡಿನ ಪಂದ್ಯ: ಭದ್ರತೆ ನೆಪ ಹೇಳಿ ಅವಮಾನ ಮಾಡಿರುವ ನ್ಯೂಜಿಲ್ಯಾಂಡ್ ವಿರುದ್ಧ ಪಾಕ್​ ಫೈಟ್​​

135ರನ್​ಗಳ ಗುರಿ ಬೆನ್ನತ್ತಿದ ಪಾಕಿಸ್ತಾನ ತಂಡ ಆರಂಭಿಕ ಆಘಾತದ ನಡುವೆ ಕೂಡ ಸಂಘಟಿತ ಬ್ಯಾಟಿಂಗ್ ಬಲದಿಂದ ಕಿವೀಸ್​ ವಿರುದ್ಧ ಗೆಲುವು ದಾಖಲು ಮಾಡಿದೆ. ಆರಂಭಿಕ ಆಟಗಾರ ಮೊಹಮ್ಮದ್ ರಿಜ್ವಾನ್​​ 33ರನ್​ಗಳಿಕೆ ಮಾಡಿದ್ರೆ, ಶೊಯೆಬ್ ಮಲಿಕ್ ಅಜೇಯ 26 ಹಾಗೂ ಆಸೀಫ್​ ಅಲಿ ಸ್ಪೋಟಕ 27ರನ್​ಗಳಿಸಿ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿದರು. ತಂಡ 18.4 ಓವರ್​ಗಳಲ್ಲಿ ಕೇವಲ 5 ವಿಕೆಟ್ ಕಳೆದುಕೊಂಡು 135ರನ್​ಗಳಿಕೆ ಮಾಡಿ, ಸತತ ಎರಡನೇ ಜಯ ಸಾಧಿಸಿದೆ.

ಪಾಕ್​ ತಂಡದ ಪರ ಬೌಲಿಂಗ್​ನಲ್ಲಿ ಮಿಂಚಿದ ಹ್ಯಾರಿಸ್ ರೌಫ್​​ 4 ವಿಕೆಟ್ ಪಡೆದು ಮಿಂಚಿದ್ರೆ, ಶಾಹಿನ್​ ಆಫ್ರಿದಿ, ವಾಸೀಂ ಹಾಗೂ ಹಫೀಜ್ ತಲಾ 1 ವಿಕೆಟ್​ ಪಡೆದುಕೊಂಡರು. ತಂಡದ ಪರ ನಾಲ್ಕು ವಿಕೆಟ್ ಪಡೆದುಕೊಂಡು ಮಿಂಚಿದ ರೌಫ್​​ ಪಂದ್ಯ ಶ್ರೇಷ್ಠ ಪ್ರಶಸ್ತಿ ಪಡೆದುಕೊಂಡರು.

ಗೆಲ್ಲುವ ಪಂದ್ಯ ಕೈಚೆಲ್ಲಿದ ನ್ಯೂಜಿಲ್ಯಾಂಡ್​​

ಒಂದು ಸಮಯದಲ್ಲಿ ತಂಡದ ಮೇಲೆ ಸಂಪೂರ್ಣವಾದ ಹಿಡಿತ ಸಾಧಿಸಿದ್ದ ನ್ಯೂಜಿಲ್ಯಾಂಡ್ ತಂಡ ಕೊನೆಯ 5 ಓವರ್​ಗಳಲ್ಲಿ ಹೆಚ್ಚಿನ ರನ್​ ಬಿಟ್ಟುಕೊಟ್ಟಿದ್ದರಿಂದ ಪಂದ್ಯ ಕೈಚೆಲ್ಲುವಂತಾಯಿತು. ಇಮಾದ್​ ವಾಸೀಂ ನಂತರ ಬ್ಯಾಟ್ ಮಾಡಲು ಕಣಕ್ಕಿಳಿದ ಆಸೀಫ್​ ಅಲಿ ತಾವು ಎದುರಿಸಿದ 12 ಎಸೆತಗಳಲ್ಲಿ 3 ಸಿಕ್ಸರ್​, 1 ಬೌಂಡರಿ ಸೇರಿ 27ರನ್​ಗಳಿಕೆ ಮಾಡಿದ್ರೆ, ಇವರಿಗೆ ಸಾಥ್ ನೀಡಿದ ಹಿರಿಯ ಆಟಗಾರ ಶೋಯೆಬ್ ಮಲಿಕ್​​ ಅಜೇಯ 26ರನ್​ಗಳಿಸಿ ತಂಡಕ್ಕೆ ಗೆಲುವಿನ ಕಾಣಿಕೆ ನೀಡಿದರು.

ನ್ಯೂಜಿಲ್ಯಾಂಡ್ ತಂಡದ ಪರ ಸೋಧಿ 2 ವಿಕೆಟ್​, ಸ್ಯಾಟ್ನರ್​, ಸೌಥಿ ಹಾಗೂ ಬೊಲ್ಟ್​​ ತಲಾ 1 ವಿಕೆಟ್ ಪಡೆದುಕೊಂಡರು.

ಸೇಡು ತೀರಿಸಿಕೊಂಡ ಪಾಕ್​

ಈಚೆಗೆ ಕ್ರಿಕೆಟ್​ ಸರಣಿ ಆಡಲು ಪಾಕಿಸ್ತಾನಕ್ಕೆ ತೆರಳಿದ್ದ ನ್ಯೂಜಿಲ್ಯಾಂಡ್​ ತಂಡ ಭದ್ರತೆಯ ನೆಪ ಹೇಳಿ ಅಲ್ಲಿಂದ ದಿಢೀರ್ ಆಗಿ ವಾಪಸ್​​​​ ಆಗಿತ್ತು. ಈ ನಿರ್ಧಾರದಿಂದ ಪಾಕಿಸ್ತಾನಕ್ಕೆ ತೀವ್ರ ಮುಖಭಂಗವಾಗಿತ್ತು. ಜೊತೆಗೆ ಕೋಟ್ಯಂತರ ರೂಪಾಯಿ ನಷ್ಟವಾಗಿತ್ತು. ಇದೀಗ ವಿಶ್ವಕಪ್​​ನಲ್ಲಿ ಗೆಲುವು ಸಾಧಿಸುವ ಮೂಲಕ ಸೇಡು ತೀರಿಸಿಕೊಂಡಿದೆ.