ETV Bharat / sports

Road Safety World Series: ಪಾಕಿಸ್ತಾನವೂ ಭಾಗವಹಿಸುವ ಸಾಧ್ಯತೆ.. ಮತ್ತೆ ಶೋಯೆಬ್, ವಾಸಿಂ ಅಕ್ರಮ್ ವಿರುದ್ಧ ಆಡಲಿದ್ದಾರೆ ಸಚಿನ್

author img

By

Published : Aug 5, 2023, 9:05 PM IST

Road Safety World Series
Road Safety World Series

ರೋಡ್ ಸೇಫ್ಟಿ ವರ್ಲ್ಡ್ ಸೀರೀಸ್ ಮೂರನೇ ಆವೃತ್ತಿ ನಡೆಯಲಿದ್ದು, ಈ ವರ್ಷ ಪಾಕಿಸ್ತಾನ ತಂಡವೂ ಸೇರಿಕೊಳ್ಳುವ ಸಾಧ್ಯತೆ ಇದೆ.

ನವದೆಹಲಿ: ಭಾರತದ ಶ್ರೇಷ್ಠ ಬ್ಯಾಟರ್​ ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಆಟದ ಅಭಿಮಾನಿಗಳಿಗೆ ಹಾಗೇ ಲೆಜೆಂಡ್​ ಆಡಗಾರರ ಕ್ರಿಕೆಟ್​ ನೋಡಲು ಇಷ್ಟ ಪಡುವ ಅಭಿಮಾನಿಗಳಿಗೆ ಸಿಹಿ ಸುದ್ದಿ ಇಲ್ಲಿದೆ. ಕ್ರಿಕೆಟ್​ ದೇವರು ಎಂದೇ ಖ್ಯಾತರಾಗಿರುವ ಸಚಿನ್ ಮತ್ತೊಮ್ಮೆ ಮೈದಾನಕ್ಕಿಳಿದು ಬ್ಯಾಟ್​ ಹಿಡಿಯಲಿದ್ದಾರೆ. ಅರೆ.. ನಿವೃತ್ತಿ ಆಗಿ ಬಹಳಾ ವರ್ಷ ಆಗಿದೆ ಈಗ ಭಾರತ ತಂಡಕ್ಕೆ ಮತ್ತೆ ಆಡುತ್ತಾರಾ? ಇಲ್ಲ.

ಕಳೆದ ಕೆಲ ವರ್ಷಗಳಿಂದ ಆಡಿಸಲಾಗುತ್ತಿರುವ ರೋಡ್ ಸೇಫ್ಟಿ ವರ್ಲ್ಡ್ ಸೀರೀಸ್‌ನ ಮೂರನೇ ಆವೃತ್ತಿಯಲ್ಲಿ ಅವರು ಕಾಣಿಸಿಕೊಳ್ಳಲಿದ್ದಾರೆ. ಇಂಗ್ಲೆಂಡ್‌ನಲ್ಲಿ ರೋಡ್ ಸೇಫ್ಟಿ ವರ್ಲ್ಡ್ ಸೀರೀಸ್‌ ಸೆಪ್ಟೆಂಬರ್‌ ತಿಂಗಳು ನಡೆಯಲಿದೆ. ತೆಂಡೂಲ್ಕರ್ ಈ ಸರಣಿಯಲ್ಲಿ ಆಡುವುದನ್ನು ಕಾಣಬಹುದು. ನವೆಂಬರ್ 2013 ರಲ್ಲಿ ಅಂತರಾಷ್ಟ್ರೀಯ ಕ್ರಿಕೆಟ್‌ನಿಂದ ನಿವೃತ್ತರಾದ ನಂತರ ತೆಂಡೂಲ್ಕರ್ ರಸ್ತೆ ಸುರಕ್ಷತೆ ವಿಶ್ವ ಸರಣಿಯಲ್ಲಿ ಆಡುತ್ತಿದ್ದಾರೆ. ಕೊನೆಯ ಎರಡು ಸೀಸನ್‌ಗಳಲ್ಲಿ ಇಂಡಿಯಾ ಲೆಜೆಂಡ್ಸ್ ತಂಡಕ್ಕಾಗಿ ಬ್ಯಾಟ್​ ಬೀಸಿದ್ದಾರೆ.

ಪಾಕಿಸ್ತಾನವೂ ಭಾಗವಹಿಸುವ ಸಾಧ್ಯತೆ: ರೋಡ್ ಸೇಫ್ಟಿ ವರ್ಲ್ಡ್ ಸೀರೀಸ್​ನಲ್ಲಿ ಮಾಜಿ ಅಂತಾರಾಷ್ಟ್ರೀಯ ಕ್ರಿಕೆಟ್​ ಆಟಗಾರರು ಮೈದಾನಕ್ಕಿಳಿಯಲಿದ್ದಾರೆ. ಈ ಮಾಜಿ ಅನುಭವಿಗಳು ಟಿ20 ಲೀಗ್​ನಲ್ಲಿ ಜಾಗೃತಿಗಾಗಿ ಬ್ಯಾಟ್​ ಬೀಸಲಿದ್ದಾರೆ. 2023ರಲ್ಲಿ ಮೊದಲ ಬಾರಿಗೆ ಪಾಕಿಸ್ತಾನ ತಂಡ ಕೂಡ ಈ ಸರಣಿಯಲ್ಲಿ ಭಾಗವಹಿಸಲು ಸಿದ್ಧವಾಗಿದೆ. ಮೂರನೇ ಸೀಸನ್ ಈ ವರ್ಷದ ಸೆಪ್ಟೆಂಬರ್‌ನಲ್ಲಿ ನಡೆಯಲಿದೆ. ಕೊನೆಯ ಎರಡು ಆವೃತ್ತಿಯನ್ನು ಭಾರತದಲ್ಲಿ ಆಡಿಸಲಾಗಿತ್ತು. ಮುಂದಿನ ಆವೃತ್ತಿಯನ್ನು ಇಂಗ್ಲೆಂಡ್​ ಆಯೋಜಿಸುತ್ತಿದೆ. ಇಂಗ್ಲೆಂಡ್ ಮತ್ತು ವೇಲ್ಸ್ ಕ್ರಿಕೆಟ್ ಮಂಡಳಿ ಈ ಸೀಸನ್​ ನಡೆಸಲು ಮುಂದೆ ಬಂದಿದೆ.

ಒಂದು ವೇಳೆ ಪಾಕಿಸ್ತಾನ ತಂಡ ಈ ಸರಣಿಯ ಭಾಗವಾಗಿದ್ದರೆ, ಮತ್ತೊಮ್ಮೆ ಭಾರತದ ಶ್ರೇಷ್ಠ ಬ್ಯಾಟ್ಸ್‌ಮನ್ ಸಚಿನ್ ತೆಂಡೂಲ್ಕರ್ ಮತ್ತು ಪಾಕಿಸ್ತಾನದ ವೇಗದ ಬೌಲರ್‌ಗಳಾದ ಶೋಯೆಬ್ ಅಖ್ತರ್ ಮತ್ತು ವಾಸಿಂ ಅಕ್ರಮ್ ಎದುರು ಬ್ಯಾಟ್​ ಬೀಸಲಿದ್ದಾರೆ. ರಸ್ತೆ ಸುರಕ್ಷತೆ ವಿಶ್ವ ಸರಣಿಯಲ್ಲಿ ಭಾರತ ತಂಡ ಕಳೆದೆರಡು ಆವೃತ್ತಿಯಲ್ಲಿ ಪ್ರಾಬಲ್ಯವನ್ನು ಹೊಂದಿತ್ತು. ಸಚಿನ್ ತೆಂಡೂಲ್ಕರ್ ನಾಯಕತ್ವದಲ್ಲಿ ಭಾರತ ಲೆಜೆಂಡ್ಸ್ ತಂಡವು ಸರಣಿಯ ಎರಡೂ ಋತುಗಳಲ್ಲಿ ಚಾಂಪಿಯನ್ ಆಗಿದೆ.

  • Road Safety World Series will be played next month in England. Pakistan team will also be participating. (Espncricinfo). pic.twitter.com/aJIGdnHnp5

    — Mufaddal Vohra (@mufaddal_vohra) August 5, 2023 " class="align-text-top noRightClick twitterSection" data=" ">

ಕಳೆದೆರಡು ಆವೃತ್ತಿ ಭಾರತದಲ್ಲಿ ನಡೆದಿದ್ದರಿಂದ ಸಚಿನ್​ ನಾಯಕತ್ವದ ತಂಡ ಚಾಂಪಿಯನ್​ ಆಗಿತ್ತು. ಈ ಬಾರಿ ಇಂಗ್ಲೆಂಡ್​ನಲ್ಲಿ ಆಯೋಜನೆಗೊಳ್ಳುತ್ತಿರುವುದರಿಂದ ಸವಾಲು ಕಠಿಣವಾಗಲಿದೆ.

  • Breaking: Pakistan to feature in Road Safety World Series for the first time ever, as per ESPNcricinfo.

    The league has been played in India so far but the coming season will be held in England. It is expected to be played in September this year with nine teams 🇮🇳🇵🇰🔥 pic.twitter.com/U0snSgUJWL

    — Farid Khan (@_FaridKhan) August 5, 2023 " class="align-text-top noRightClick twitterSection" data=" ">

2022ರ ಆವೃತ್ತಿಯಲ್ಲಿ ಯುವರಾಜ್ ಸಿಂಗ್, ಸುರೇಶ್ ರೈನಾ, ಇರ್ಫಾನ್ ಪಠಾಣ್ ಮತ್ತು ಯೂಸುಫ್ ಪಠಾಣ್ ಭಾರತ ಪರ ಆಡಿದ್ದರು. ಬ್ರಿಯಾನ್ ಲಾರಾ, ಶೇನ್ ವ್ಯಾಟ್ಸನ್, ಬ್ರೆಟ್ ಲೀ, ಇಯಾನ್ ಬೆಲ್, ರಾಸ್ ಟೇಲರ್, ಶೇನ್ ಬಾಂಡ್, ಸ್ಕಾಟ್ ಸ್ಟೈರಿಸ್, ಜಾಂಟಿ ರೋಡ್ಸ್, ಲ್ಯಾನ್ಸ್ ಕ್ಲೂಸ್ನರ್, ತಿಲಕರತ್ನೆ ದಿಲ್ಶನ್, ತಿಸಾರಾ ಪೆರೆರಾ ಆಡಿದ್ದರು.

ಇದನ್ನೂ ಓದಿ: ಮಾಧ್ಯಮ ಪ್ರಸಾರದ ಹಕ್ಕಿನಲ್ಲಿ ಬೃಹತ್​ ಲಾಭಕ್ಕೆ ಬಿಸಿಸಿಐ ಲೆಕ್ಕಾಚಾರ.. ಮುಂದಿನ ಐದು ವರ್ಷ ಇಂಗ್ಲೆಂಡ್​, ಆಸ್ಟ್ರೇಲಿಯಾ ಮೇಲೆ ಸಿಂಹಪಾಲು ಪಂದ್ಯ

TAGGED:

Road Safety World Series 2023Sachin Tendulkarpakistan legends team

Quick Links / Policies

Get Us On

ETV Bharat IOS AppETV Bharat Google App

Please write to us, for media partnership and Ad-sales inquiries. Email: adops@etvbharat.com

ಆಯ್ದ ಲೇಖನಗಳು

Appleನ ಹೊಸ ಆವೃತ್ತಿ IOS 17.5 ಬಿಡುಗಡೆ; ನಿಮ್ಮ ಐಫೋನ್ ಟ್ರ್ಯಾಕ್ ಮಾಡಲು ಪ್ರಯತ್ನಿಸಿದರೆ ಬರುತ್ತೆ ಎಚ್ಚರಿಕೆ ಸಂದೇಶ! - Apple Releases iOS 17 5 Update

ಜಂಕ್​ಫುಡ್​ ಸೇವನೆಯಿಂದ ಮಕ್ಕಳ ದೈಹಿಕ ಆರೋಗ್ಯ ಮಾತ್ರವಲ್ಲ, ಮಾನಸಿಕ ಆರೋಗ್ಯಕ್ಕೂ ಕುತ್ತು - JUNK FOOD PROBLEM

ಬಾತ್ ರೂಂನಲ್ಲಿ ಎಷ್ಟು ಬಾರಿ ತೊಳೆದರೂ ಕಲೆಗಳು ಹೋಗುತ್ತಿಲ್ಲವೇ? ಈ ಸಲಹೆಗಳನ್ನು ಅನುಸರಿಸಿ! - Bathroom Cleaning Tips

ಪಾದ - ಕೈಯಲ್ಲಿ ನೋವು, ಮರಗಟ್ಟುವ ಅನುಭವ ಆಗುತ್ತಿದೆಯಾ?; ಹಾಗಾದರೆ ಇದು ನರ ಹಾನಿಯ ಲಕ್ಷಣ ಇರಬಹುದು! - Pricking pain numbness in hands

ಟ್ರೆಂಡಿಂಗ್

(ಯಾವುದೇ ವಿಷಯದ ಮೇಲೆ ಕ್ಲಿಕ್ ಮಾಡಿ)
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.