ನವದೆಹಲಿ: ಸ್ಪಿನ್ ಬೌಲರ್ಗಳು ಸರಾಸರಿ 75 ರಿಂದ 80 ಕಿಮೀ ವೇಗದಲ್ಲಿ ಬೌಲ್ ಮಾಡುತ್ತಾರೆ. ಆದರೆ, ಅಫ್ಘಾನಿಸ್ತಾನದ ಲೆಗ್ ಸ್ಪಿನ್ನರ್ ರಶೀದ್ ಖಾನ್ 100 ಕಿಮೀ ವೇಗದಲ್ಲಿ 'ಸ್ಪಿನ್ ಬೌಲ್' ಮಾಡುವ ಸಾಮರ್ಥ್ಯ ಹೊಂದಿದ್ದಾರೆ. ಇದು ಸ್ಪಿನ್ನರ್ವೊಬ್ಬ ಈ ವೇಗದಲ್ಲಿ ಬೌಲ್ ಮಾಡುವುದು ಕಷ್ಟಸಾಧ್ಯ.
ತಮ್ಮ ವೇಗದ ಸ್ಪಿನ್ ಬಗ್ಗೆ ಸಂದರ್ಶನವೊಂದರಲ್ಲಿ ಮಾತನಾಡಿರುವ ರಶೀದ್ ಖಾನ್, ನಾನು ಬೌಲ್ ಮಾಡುವ ವೇಗದಿಂದಾಗಿ ಸ್ಪಿನ್ ಮತ್ತು ವೇಗದ ಬೌಲರ್ ಆಗಿದ್ದೇನೆ. ಹೆಚ್ಚಿನ ವೇಗದಲ್ಲಿ ಚೆಂಡನ್ನು ಸ್ಪಿನ್ ಮಾಡುವುದು ಕಷ್ಟ. ಅದಕ್ಕೆ ವಿಭಿನ್ನ ರೀತಿಯ ಕೌಶಲ್ಯ ಹೊಂದಿರಬೇಕು. ಅದನ್ನು ನಾನು ರೂಢಿಸಿಕೊಂಡಿದ್ದೇನೆ. ನನ್ನ ಬೌಲಿಂಗ್ 96 kmph ನಿಂದ 100 kmph ನಡುವೆ ಇರುತ್ತದೆ. ಇದನ್ನು ನಾನು 70 ರಿಂದ 75 kmphಗೆ ಇಳಿಸುವುದಕ್ಕಿಂತ ಅದೇ ವೇಗದಲ್ಲಿ ಬೌಲ್ ಮಾಡಬೇಕೆಂದು ಬಯಸಿದ್ದೇನೆ ಎಂದಿದ್ದಾರೆ.
ಲೆಗ್ ಸ್ಪಿನ್ನರ್ ಅಲ್ಲ ಫಿಂಗರ್ ಸ್ಪಿನ್ನರ್: ಲೆಗ್ ಸ್ಪಿನ್ನರ್ಗಳು ಸಾಮಾನ್ಯವಾಗಿ ಮಣಿಕಟ್ಟನ್ನು ಬಳಸಿಕೊಂಡು ಬೌಲ್ ಮಾಡುತ್ತಾರೆ. ಆದರೆ, ನಾನು ಲೆಗ್ ಸ್ಪಿನ್ ಮಾಡುವಾದ ಮಣಿಕಟ್ಟನ್ನು ಹೆಚ್ಚಾಗಿ ಬಳಸುವುದಿಲ್ಲ. ಇದರಿಂದ ವೇಗ ಕಡಿತಗೊಳ್ಳುತ್ತದೆ. ಅದಕ್ಕಾಗಿ ಬೆರಳುಗಳನ್ನೇ ಬಳಸಿ ವೇಗದ ಜೊತೆಗೆ ಸ್ಪಿನ್ ಮಾಡುತ್ತೇನೆ. ಹೀಗಾಗಿ ನನ್ನನ್ನು ಲೆಗ್ ಸ್ಪಿನ್ನರ್ ಅಲ್ಲದೇ 'ಫಿಂಗರ್ ಸ್ಪಿನ್ನರ್' ಎನ್ನಬಹುದು ಎಂದು ಹೇಳಿದ್ದಾರೆ.
ಅಫ್ಘಾನಿಸ್ತಾನ ತಂಡ ಟೆಸ್ಟ್ ಕ್ರಿಕೆಟ್‌ನಲ್ಲಿ ಸ್ಥಾನ ಪಡೆದ ಬಳಿಕ ರಶೀದ್ ಈವರೆಗೂ ಕೇವಲ 5 ಟೆಸ್ಟ್‌ಗಳನ್ನು ಮಾತ್ರ ಆಡಿದ್ದಾರೆ. ಅದರಲ್ಲಿ ಅವರು 34 ವಿಕೆಟ್‌ಗಳನ್ನು ಕಿತ್ತಿದ್ದಾರೆ. ಅಲ್ಲದೇ, 23 ವರ್ಷದ ಆಫ್ಘಾನ್ ಸ್ಪಿನ್ನರ್ 312 ಏಕದಿನ ಮತ್ತು ಟಿ-20 ಪಂದ್ಯಗಳಲ್ಲಿ 436 ವಿಕೆಟ್‌ಗಳನ್ನು ಕಿತ್ತಿದ್ದು, ಜಾಗತಿಕವಾಗಿ ಸದ್ಯ ಅತಿ ಹೆಚ್ಚು ಬೇಡಿಕೆಯಿರುವ ಟಿ- 20 ಸ್ಪೆಷಲಿಸ್ಟ್ ಬೌಲರ್ ಆಗಿದ್ದಾರೆ. ಐಪಿಎಲ್ನಲ್ಲಿ ಹೊಸದಾಗಿ ಸ್ಥಾನ ಪಡೆದಿರುವ ಹಾರ್ದಿಕ್ ಪಾಂಡ್ಯಾ ನೇತೃತ್ವದ ಗುಜರಾತ್ ಟೈಟಾನ್ಸ್ನಲ್ಲಿ ಆಡುತ್ತಿದ್ದಾರೆ.
ಓದಿ: ಉಮೇಶ್ ಯಾದವ್ ಮಿಂಚು... 137 ರನ್ಗಳಿಗೆ ಪಂಜಾಬ್ ಕಿಂಗ್ಸ್ ಆಲೌಟ್
