WBBL: ಹರ್ಮನ್​ಪ್ರೀತ್​ ಕೌರ್ ಆಲ್​ರೌಂಡ್ ಆಟದ ಮುಂದೆ ಮಂಧಾನ ಶತಕ ವ್ಯರ್ಥ

ಮಕಾಯ್(ಆಸ್ಟ್ರೇಲಿಯಾ): ಭಾರತದ ಸ್ಟಾರ್​ ಮಹಿಳಾ ಕ್ರಿಕೆಟಿಗರಾದ ಸ್ಮೃತಿ ಮಂಧಾನ (Smriti Mandhana) ಮತ್ತು ಹರ್ಮನ್​ ಪ್ರೀತ್ ಕೌರ್ (Harmanpreet Kaur)​ ವುಮೆನ್ಸ್ ಬಿಗ್​ಬ್ಯಾಶ್​ನಲ್ಲಿ (Women's Big Bash League) ಅದ್ಭುತ ಬ್ಯಾಟಿಂಗ್ ಪ್ರದರ್ಶನ ತೋರಿದ್ದಾರೆ.

ಮಂಧಾನ ದಾಖಲೆಯ 114 ರನ್​ಗಳಿಸಿದರೆ, ಕೌರ್​ ಅಜೇಯ 81 ರನ್​ಗಳಿಸಿದರು. ಆದರೆ ಕೌರ್ ಆಲ್​ರೌಂಡ್​ ಆಟ ಮಂಧಾನ ಶತಕ ಹಿಂದಿಕ್ಕಿ ಮೆಲ್ಬೋರ್ನ್​ ರೆನೆಗೇಡ್ಸ್ ತಂಡಕ್ಕೆ 4 ರನ್​ಗಳ ರೋಚಕ ಜಯ ತಂದುಕೊಟ್ಟಿತು.

ಬುಧವಾರ ಮೆಲ್ಬೋರ್ನ್​ ರೆನೆಗೇಡ್ಸ್ ಮತ್ತು ಸಿಡ್ನಿ ಥಂಡರ್ (Sydney Thunder)​ ಎದುರಾಳಿಗಳಾಗಿದ್ದವು. ಮೆಲ್ಬೋರ್ನ್ ರೆನೆಗೇಡ್ಸ್ (Melbourne Renegades)​ ತಂಡ ಮೊದಲು ಬ್ಯಾಟಿಂಗ್ ಮಾಡಿ 20 ಓವರ್​ಗಳಲ್ಲಿ 4 ವಿಕೆಟ್ ಕಳೆದುಕೊಂಡು 175 ರನ್​ಗಳಿಸಿತ್ತು. ಕೇವಲ 9 ರನ್​ಗಳಿಗೆ 2 ವಿಕೆಟ್​ ಕಳೆದುಕೊಂಡಿದ್ದ ಸಂದರ್ಭದಲ್ಲಿ ಕ್ರೀಸ್​ಗೆ ಆಗಮಿಸಿದ ಕೌರ್​ 3ನೇ ಓವರ್​​ನಿಂದ 20ನೇ ಓವರ್​ ತನಕ ಬ್ಯಾಟಿಂಗ್ ಮಾಡಿದರು. ಅವರು 55 ಎಸೆತಗಳಲ್ಲಿ 11 ಬೌಂಡರಿ ಮತ್ತು 2 ಸಿಕ್ಸರ್​ಗಳ ಸಹಿತ ಅಜೇಯ 81 ರನ್​ಗಳಿಸಿ ಸ್ಪರ್ಧಾತ್ಮಕ ಮೊತ್ತ ದಾಖಲಿಸಲು ನೆರವಾದರು.​ ಕೌರ್​ಗೆ ಸಾಥ್ ನೀಡಿದ ಜೆಸ್​ ಡಫ್ಫಿನ್​ 22 ಎಸೆತಗಳಲ್ಲಿ 33 ರನ್​ಗಳಿಸಿದರು.

• Smriti Mandhana has equalled Ashleigh Gardner's record for the highest WBBL score ever!
  
  For her stunning century, she's the @WeberBBQAusNZ Player of the Match #WBBL07 pic.twitter.com/mcctQ1cOj8

  — Weber Women's Big Bash League (@WBBL) November 17, 2021 " class="align-text-top noRightClick twitterSection" data="

  Smriti Mandhana has equalled Ashleigh Gardner's record for the highest WBBL score ever!
  
  For her stunning century, she's the @WeberBBQAusNZ Player of the Match #WBBL07 pic.twitter.com/mcctQ1cOj8

  — Weber Women's Big Bash League (@WBBL) November 17, 2021

  ">

  Smriti Mandhana has equalled Ashleigh Gardner's record for the highest WBBL score ever!
  
  For her stunning century, she's the @WeberBBQAusNZ Player of the Match #WBBL07 pic.twitter.com/mcctQ1cOj8

  — Weber Women's Big Bash League (@WBBL) November 17, 2021

ಇನ್ನು 175 ರನ್​ಗಳ ಗುರಿ ಬೆನ್ನಟ್ಟಿದ ಸಿಡ್ನಿ ಥಂಡರ್​ ತಂಡ 20 ಓವರ್​ಗಳಲ್ಲಿ 2 ವಿಕೆಟ್​ ಕಳೆದುಕೊಂಡು 171 ರನ್​ಗಳಿಸಿತು. ಸ್ಮೃತಿ ಮಂಧಾನ 64 ಎಸೆತಗಳಲ್ಲಿ 14 ಬೌಂಡರಿ ಮತ್ತು 3 ಸಿಕ್ಸರ್​ಗಳ ಸಹಿತ 114 ರನ್​ಗಳಿಸಿದರೂ ತಂಡವನ್ನು ಗೆಲುವಿನ ಗಡಿ ದಾಟಿಸಲು ವಿಫಲರಾದರು. ಮಂಧಾನ ಜೊತೆ 14 ಓವರ್​ಗಳ ಜೊತೆಯಾಟ ಮಾಡಿದ ವಿಕೆಟ್​ ಕೀಪರ್ ತಹಿಲಾ ವಿಲ್ಸನ್​ 39 ಎಸೆತಗಳಲ್ಲಿ 38 ರನ್​ಗಳಿಸಿ ಸೋಲಿಗೆ ಪರೋಕ್ಷ ಕಾರಣರಾದರು.

ಬ್ಯಾಟಿಂಗ್​ನಲ್ಲಿ 81 ರನ್​ ಬಾರಿಸಿದ್ದ ಕೌರ್​ 4 ಓವರ್​ಗಳಲ್ಲಿ 27 ರನ್​ ನೀಡಿ ಒಂದು ವಿಕೆಟ್​ ಪಡೆದು ಗೆಲುವಿನ ರೂವಾರಿಯಾದರು. ಅಲ್ಲದೆ ಕೊನೆಯ ಓವರ್​ನಲ್ಲಿ ಮಂಧಾನ ಕ್ರೀಸ್​ನಲ್ಲಿದ್ದರು ಕೇವಲ 13 ರನ್​ಗಳಿಗೆ ನಿಯಂತ್ರಿಸಿಕೊಳ್ಳುವಲ್ಲಿ ಯಶಸ್ವಿಯಾದರು.

ಟೂರ್ನಿಯಲ್ಲಿ ಕೌರ್​ 10 ಪಂದ್ಯಗಳನ್ನಾಡಿದ್ದು, 78ರ ಸರಾಸರಿಯಲ್ಲಿ 390 ರನ್​ ಮತ್ತು 13 ವಿಕೆಟ್ ಪಡೆದು ತಂಡ ಅಗ್ರಸ್ಥಾನದಲ್ಲಿರಲು ಪ್ರಮುಖ ಪಾತ್ರವಹಿಸಿದ್ದಾರೆ. ಆದರೆ ಮಂಧಾನ 11 ಪಂದ್ಯಗಳಲ್ಲಿ 348 ರನ್​ಗಳಿಸಿಯೂ ತಂಡದ ಇತರೆ ಬ್ಯಾಟರ್​ಗಳ ಸಾಥ್​ ನೀಡದ ಕಾರಣ ಸಿಡ್ನಿ ಥಂಡರ್​ 7ನೇ ಸ್ಥಾನದಲ್ಲಿರುವಂತೆ ಮಾಡಿದೆ. ಈ ಸೋಲಿನೊಂದಿಗೆ ಟೂರ್ನಿಯಿಂದಲೂ ಹೊರ ಬಿದ್ದಂತಾಗಿದೆ.

ಮಹಿಳಾ ಬಿಗ್​ಬ್ಯಾಶ್ ಇತಿಹಾಸದಲ್ಲಿ ಗರಿಷ್ಠ (114) ರನ್​ ದಾಖಲಿಸಿದ ಸ್ಮೃತಿ ಮಂಧಾನ ಪಂದ್ಯಶ್ರೇಷ್ಠ ಪ್ರಶಸ್ತಿ ಮುಡಿಗೇರಿಸಿಕೊಂಡರು.

ಇದನ್ನೂ ಓದಿ: ಮುಂಬರುವ ICC ಟೂರ್ನಮೆಂಟ್​ಗಾಗಿ ರಣತಂತ್ರ.. ಹೊಸ ಕೋಚ್​, ಹೊಸ ನಾಯಕ ಹೇಳಿದ್ದೇನು!?