ETV Bharat / sports

WTC Final: ಇಂದಿನಿಂದ ವಿಶ್ವ ಟೆಸ್ಟ್​ ಚಾಂಪಿಯನ್​ ಶಿಪ್​ ಫೈನಲ್​.. ನೀಗುವುದೇ 10 ವರ್ಷಗಳ ಐಸಿಸಿ ಕಪ್​ ಬರ!

author img

By

Published : Jun 7, 2023, 1:01 PM IST

ICC World Test Championship Final
ವಿಶ್ವ ಟೆಸ್ಟ್​ ಚಾಂಪಿಯನ್​ ಶಿಪ್​ ಫೈನಲ್​ ಇಂದಿನಿಂದ

2013ರಲ್ಲಿ ಧೋನಿ ಸಾರಥ್ಯದಲ್ಲಿ ಭಾರತ ಐಸಿಸಿ ಚಾಂಪಿಯನ್ಸ್ ಟ್ರೋಫಿಯನ್ನು ಗೆದ್ದು ಕೊಂಡಿತ್ತು. ನಂತರ ಯಾವುದೇ ಐಸಿಸಿ ನಡೆಸುವ ಪ್ರತಿಷ್ಠಿತ ಪ್ರಶಸ್ತಿಯನ್ನು ಟೀಂ ಇಂಡಿಯಾ ಗೆದ್ದಿಲ್ಲ. ಈ ವರ್ಷ ಎರಡು ಅವಕಾಶಗಳಿದ್ದು, ಮೊದಲ ಅವಕಾಶದಲ್ಲೇ ಭಾರತ ಯಶಸ್ಸು ಗಳಿಸಲಿದೆಯಾ ಎಂಬುದನ್ನು ಕಾದು ನೋಡಬೇಕಿದೆ.

ಲಂಡನ್​​​: ಟೆಸ್ಟ್​ ಕ್ರಿಕೆಟ್​ನ ವಿಶ್ವ ಕಪ್​ ಎಂದೇ ಪರಿಗಣಿಸಲಾಗುವ ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ ಇಂದಿನಿಂದ ಆರಂಭವಾಲಿದೆ. ಎರಡು ವರ್ಷಗಳ ಕಾಲ ಟೆಸ್ಟ್​ ಮಾನ್ಯತೆ ಇರುವ 9 ತಂಡಗಳು ಆಡಿರುವ ಆಟದಲ್ಲಿ ಅತಿ ಹೆಚ್ಚು ಅಂಕಗಳಿಸಿರುವ ಆಸ್ಟ್ರೇಲಿಯಾ ಮತ್ತು ಭಾರತ ಏಕೈಕ ಟೆಸ್ಟ್​ ಫೈನಲ್​ ಪಂದ್ಯದಲ್ಲಿ ಮುಖಾಮುಖಿಯಾಗುತ್ತಿದೆ. ಇದರಲ್ಲಿ ಗೆದ್ದವರು ಮುಂದಿನ ಎರಡು ವರ್ಷಗಳ ಕಾಲ ಐಸಿಸಿ ಟೆಸ್ಟ್​ ಚಾಂಪಿಯನ್ ಪಟ್ಟವನ್ನು ಅಲಂಕರಿಸಲಿದ್ದಾರೆ.

ಏಕದಿನ ಮಾದರಿಯಲ್ಲಿ ಐಸಿಸಿ ನಡೆಸುತ್ತಿದ್ದ ಚಾಂಪಿಯನ್ಸ್ ಟ್ರೋಫಿಯನ್ನು ರದ್ದು ಮಾಡಿ ಟೆಸ್ಟ್​ ಚಾಂಪಿಯನ್​ಶಿಪ್​ನ್ನು ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ 2019 ರಲ್ಲಿ ಘೋಷಿಸಿತು. ಎರಡು ವರ್ಷಗಳ ಕಾಲ ಟೆಸ್ಟ್​​ ಆಡಿ ಅದರಲ್ಲಿ ಅತಿ ಹೆಚ್ಚು ಅಂಕಗಳನ್ನು ಗಳಿಸಿದ ಟಾಪ್​ ಎರಡು ತಂಡಗಳು ಫೈನಲ್​ ಆಡಲಿದೆ. ಅದರಂತೆ ಇದು ಎರಡನೇ ಚಾಂಪಿಯನ್ಸ್​ ಟ್ರೋಫಿ ಫೈನಲ್​ ಆಗಿದೆ. 2021 ರಲ್ಲಿ ನಡೆದ ಫೈನಲ್​ನಲ್ಲಿ ಭಾರತ ಮತ್ತು ನ್ಯೂಜಿಲ್ಯಾಂಡ್​​​ ಸೆಣಸಿದ್ದವು. ಕಿವೀಸ್​ ಚೊಚ್ಚಲ ಟೆಸ್ಟ್​ ಚಾಂಪಿಯನ್​ಶಿಪ್​ನ್ನು ಗೆದ್ದುಕೊಂಡಿತ್ತು.

ಕ್ರಿಕೆಟ್​ನ ಮೂಲ ಸ್ವರೂಪ ಎಂದು ಟೆಸ್ಟ್​​ ಕ್ರಿಕೆಟ್​ನ್ನು ಪರಿಗಣಿಸಲಾಗುತ್ತದೆ. ನಂತರ ಕ್ರಿಕೆಟ್​ ಬದಲಾವಣೆ ಆಗಿ ಏಕದಿನ, ಟಿ -20 ಮತ್ತು ಈಗ ಟಿ10 ಪಂದ್ಯಗಳೂ ನಡೆಯುತ್ತಿವೆ. ಅತಿ ಹೆಚ್ಚು ಕೌಶಲ ಭರಿತ ಕ್ರಿಕೆಟ್​ ಇಲ್ಲಿ ಕಾಣ ಸಿಗುತ್ತದೆ. ದಿನ ಇಡೀ ಕ್ರೀಸ್​ನಲ್ಲಿ ನಿಂತು ಆಡುವ ಫೀಟ್​ನೆಸ್​, ಬಾಲ್​​ಗಳನ್ನು ಬೌಂಡರಿಗಟ್ಟುವಷ್ಟೇ ಸ್ಕಿಲ್​ನಲ್ಲಿ ಚೆಂಡುಗಳನ್ನು ಡ್ರಾಪ್​ ಮಾಡಲೂ ಇರಬೇಕಾಗುತ್ತದೆ. ಹೆಚ್ಚು ಸಮಯ ಪಿಚ್​ನಲ್ಲಿ ನಿಂತು ಬೌಲಿಂಗ್​ನ್ನು ಅರ್ಥೈಸಿಕೊಂಡು ಬ್ಯಾಟಿಂಗ್​ ಮಾಡುವುದೇ ಟೆಸ್ಟ್​ ಕ್ರಿಕೆಟ್​ನ ಸ್ವಾರಸ್ಯ.

ಬಲಿಷ್ಠವಾಗಿದೆ ಆಸಿಸ್​​: ಕಾಂಗರೂ ಪಡೆ ಮೇಲ್ನೋಟಕ್ಕೆ ಬಲಿಷ್ಠವಾಗಿದೆ. ಮಾರ್ನಸ್ ಲಬುಶೇನ್​, ಉಸ್ಮಾನ್ ಖವಾಜಾ, ಸ್ಟೀವ್ ಸ್ಮಿತ್, ಡೇವಿಡ್ ವಾರ್ನರ್ ಆಸಿಸ್​ ಪಡೆಯ ಅನುಭವಿ ಫಾರ್ಮ್​ ಬ್ಯಾಟರ್​​ಗಳು. ಕಾಂಗರೂ ಪಡೆಗೆ ಇಂಗ್ಲೆಂಡ್​ನ ಪಿಚ್​ ಮತ್ತು ಹವಾಮಾನ ಹೊಸತಲ್ಲ. ವರ್ಷಕ್ಕೊಮ್ಮೆ ಆಶಸ್​ ಆಡಲು ಆಸಿಸ್​ ತಂಡ ಇಂಗ್ಲೆಂಡ್​ ಪ್ರವಾಸ ಬೆಳೆಸುವುದರಿಂದ ಪಿಚ್​ಗಳ ಬಗ್ಗೆ ಅವರಿಗೆ ಹೆಚ್ಚಿನ ಜ್ಞಾನ ಇದೆ.

ಆಸಿಸ್​ ಮೇಲೆ ಭಾರತದ ಪ್ರಾಬಲ್ಯ: ಆಸಿಸ್​ ವಿರುದ್ಧ ಭಾರತ ಸತತ ಮೂರು ಸರಣಿಗಳನ್ನು ಗೆದ್ದಿದೆ. ಫೆಬ್ರವರಿಯಲ್ಲಿ ನಡೆದ ಬಾರ್ಡರ್-ಗವಾಸ್ಕರ್​ ಟ್ರೋಫಿಯಲ್ಲೂ ಭಾರತ ತನ್ನ ಮೇಲುಗೈ ಸಾಧಿಸಿದೆ. ಇದರ ಜೊತೆಗೆ ಭಾರತ ತಂಡದಲ್ಲಿ ಅನುಭವಿಗಳು ಮತ್ತು ಯುವಕರು ಫಾರ್ಮ್​ನಲ್ಲಿದ್ದಾರೆ. ಆರಂಭಿಕ ಶುಭಮನ್​ ಗಿಲ್​ ಈ ವರ್ಷ ಗೋಲ್ಡನ್​ ಫಾರ್ಮ್​ನಲ್ಲಿದ್ದಾರೆ. ಅಲ್ಲದೇ ಎರಡು ವರ್ಷಗಳಿಂದ ಫಾರ್ಮ್​ ಕಳೆದುಕೊಂಡಿದ್ದ ವಿರಾಟ್​ ಕೊಹ್ಲಿ ಮತ್ತೆ ತಮ್ಮ ಲಯಕ್ಕೆ ಮರಳಿದ್ದು, ಎಲ್ಲ ಮಾದರಿಯ ಕ್ರಿಕೆಟ್​ನಲ್ಲಿ ಶತಕ ಗಳಿಸಿ ಭರ್ಜರಿ ಫಾರ್ಮ್​ನಲ್ಲಿದ್ದಾರೆ. ಇದಲ್ಲದೇ ವಿರಾಟ್​ ಆಸಿಸ್​ ವಿರುದ್ಧ ಬೆಸ್ಟ್​ ಅಂಕಿ - ಅಂಶವನ್ನು ಹೊಂದಿದ್ದಾರೆ.

ಇಂಗ್ಲೆಂಡ್​ನ ಪಿಚ್​ನಲ್ಲಿ ಕಳೆದ ತಿಂಗಳುಗಳಿಂದ ಕೌಂಟಿ ಕ್ರಿಕೆಟ್​ ಆಡುತ್ತಿರುವ ಚೇತೇಶ್ವರ ಪೂಜಾರ ಸಹ ಭಾರತಕ್ಕೆ ಭರವಸೆ ಆಗಿದ್ದಾರೆ. ಮಧ್ಯಮ ಕ್ರಮಾಂಕದಲ್ಲಿ ಅಜಿಂಕ್ಯಾ ರಹಾನೆ ಮತ್ತು ಆಲ್​ರೌಂಡರ್​ ರವೀಂದ್ರ ಜಡೇಜಾ ಸಹ ಬ್ಯಾಟಿಂಗ್​​ ಸಾಥ್​ ನೀಡಲಿದ್ದಾರೆ. ಎಡಗೈ ಬ್ಯಾಟರ್​ಗಳಿಂಗ ದುಸ್ವಪ್ನವಾಗಿರುವ ಅಶ್ವಿನ್​ ಮತ್ತು ಸಿರಾಜ್​ ತಂಡದಲ್ಲಿ ಇದ್ದು ಆಸಿಸ್​ ತಂಡವನ್ನು ಕಟ್ಟಿಹಾಕಲಿದ್ದಾರೆ.

ಭಾರತದ ಪ್ಲೇಯಿಂಗ್​ 11 ಗೊಂದಲ: ರೋಹಿತ್​ ಶರ್ಮಾ ಮುಂದೆ 11 ಜನರ ಆಯ್ಕೆ ದೊಡ್ಡ ಗೊಂದಲ ಆಗಿರುವುದಂತೂ ಖಂಡಿತ. ವಿಕೆಟ್​ ಕೀಪಿಂಗ್​ನಲ್ಲಿ ಕೆಎಸ್ ಭರತ್​ ಮತ್ತು ಇಶಾನ್​ ಕಿಶನ್​ ನಡುವೆ ಆಯ್ಕೆಯ ಗೊಂದಲ ಇದೆ. ಅಲ್ಲದೇ ಅಶ್ವಿನ್​ ಆಡಿಸುವುದಾ ಅಥವಾ ಇನ್ನೊಬ್ಬ ವೇಗಿ ಕಣಕ್ಕಿಳಿಸುವುದಾ ಎಂಬ ಪ್ರಶ್ನೆಗಳೂ ಇವೆ. ಮೂವರು ವೇಗಿಗಳ ಜೊತೆ ​ಇಬ್ಬರು ಸ್ಪಿನ್ನರ್​ಗಳನ್ನು ಜೋಡಿ ಮಾಡಬಹುದು. ಆದರೆ, ಇಂಗ್ಲೆಂಡ್​ ವೇಗಿಗಳ ಪಿಚ್​ ಆದ ಕಾರಣ ಸ್ಪಿನ್ನರ್​ಗೆ ಅವಕಾಶ ಬೇಕಾ ಎಂಬಂತಾಗಿದೆ.

ಆಸ್ಟ್ರೇಲಿಯಾ ತಂಡದಲ್ಲಿ ಹೆಚ್ಚು ಎಡಗೈ ಬ್ಯಾಟರ್​​ಗಳಿದ್ದಾರೆ. ಅಶ್ವಿನ್ ಎಡಚರರನ್ನು ಚೆನ್ನಾಗಿ ನಿಯಂತ್ರಿಸುತ್ತಾರೆ. ಹೀಗಾಗಿ ಅಶ್ವಿನ್​ಗೆ ಸ್ಥಾನ ನೀಡಿದರೆ ಶಾರ್ದೂಲ್​ ಅಥವಾ ಇನ್ನೊಬ್ಬ ವೇಗಿಗೆ ಕೊಕ್​ ನೀಡಬೇಕಾಗುತ್ತದೆ.

ಭಾರತ ಹೆಚ್ಚು ಬಲಗೈ ಬ್ಯಾಟರ್​ಗಳನ್ನು ಹೊಂದಿರುವ ತಂಡ. ಇದರಿಂದ ಕಳೆದ ಟೆಸ್ಟ್​ ಚಾಂಪಿಯನ್​ಶಿಪ್​ನಲ್ಲಿ ಕಿವೀಸ್​ ವಿರುದ್ಧ ಸೋಲನುಭವಿಸಿತ್ತು. ಅಂದು ಹೆಚ್ಚು ಭಾರತಕ್ಕೆ ನೆರವಾಗಿದ್ದು, ಎಡಗೈ ಬ್ಯಾಟರ್​ಗಳಾದ ರಿಷಬ್​ ಪಂತ್​ ಮತ್ತು ಜಡೇಜಾ. ಹೀಗಾಗಿ ಕೆಎಸ್​ ಭರತ್​ ಬದಲು ಎಡಗೈ ಬ್ಯಾಟರ್​ ಕಿಶನ್​ಗೆ ಮಧ್ಯಮ ಕ್ರಮಾಂಕದ ಬ್ಯಾಟಿಂಗ್​ ಅವಕಾಶ ಸಿಗಲಿದೆಯೇ ಎಂಬುದನ್ನು ಸಹ ಊಹಾತ್ಮಕ ವಿಷಯವಾಗಿದೆ. ಟಾಸ್​ ನಂತರವಷ್ಟೇ ತಂಡದ ಬಗ್ಗೆ ತಿಳಿಯಲಿದೆ.

ಸಂಭಾವ್ಯ ತಂಡಗಳು ಇಂತಿವೆ..: ಭಾರತ : ರೋಹಿತ್ ಶರ್ಮಾ (ನಾಯಕ), ಶುಭಮನ್ ಗಿಲ್, ಚೇತೇಶ್ವರ ಪೂಜಾರ, ವಿರಾಟ್ ಕೊಹ್ಲಿ, ಅಜಿಂಕ್ಯ ರಹಾನೆ, ರವೀಂದ್ರ ಜಡೇಜಾ, ಕೆಎಸ್ ಭರತ್ (ವಿಕೆಟ್​ ಕೀಪರ್​), ರವಿಚಂದ್ರನ್ ಅಶ್ವಿನ್ / ಶಾರ್ದೂಲ್ ಠಾಕೂರ್, ಉಮೇಶ್ ಯಾದವ್ / ಜಯದೇವ್ ಉನದ್ಕತ್, ಮೊಹಮ್ಮದ್ ಶಮಿ, ಮೊಹಮ್ಮದ್ ಸಿರಾಜ್

ಆಸ್ಟ್ರೇಲಿಯಾ: ಡೇವಿಡ್ ವಾರ್ನರ್, ಉಸ್ಮಾನ್ ಖವಾಜಾ, ಮಾರ್ನಸ್ ಲಬುಶೇನ್​, ಸ್ಟೀವ್ ಸ್ಮಿತ್, ಟ್ರಾವಿಸ್ ಹೆಡ್, ಕ್ಯಾಮೆರಾನ್ ಗ್ರೀನ್, ಅಲೆಕ್ಸ್ ಕ್ಯಾರಿ (ವಿಕೆಟ್​ ಕೀಪರ್​), ಮಿಚೆಲ್ ಸ್ಟಾರ್ಕ್, ಪ್ಯಾಟ್ ಕಮ್ಮಿನ್ಸ್ (ನಾಯಕ), ಸ್ಕಾಟ್ ಬೋಲ್ಯಾಂಡ್, ನಾಥನ್ ಲಿಯಾನ್

ಇದನ್ನೂ ಓದಿ: 50ನೇ ಟೆಸ್ಟ್​ನಲ್ಲಿ ಮೊದಲ ಐಸಿಸಿ ಪ್ರಶಸ್ತಿ ಗೆಲ್ತಾರಾ ನಾಯಕ ರೋಹಿತ್​ ಶರ್ಮಾ?

TAGGED:

ICC World Test Championship FinalAustralia vs India FinalWTC Final 2023World Test Championship Final 2023Australia vs India Final PreviewICC World Test Championship

Quick Links / Policies

Get Us On

ETV Bharat IOS AppETV Bharat Google App

Please write to us, for media partnership and Ad-sales inquiries. Email: adops@etvbharat.com

ಆಯ್ದ ಲೇಖನಗಳು

ಥ್ಯಾಂಕ್ಸ್‌ ಲೆಟರ್‌ ಜೊತೆಗೆ ಗಿಫ್ಟ್‌ ಬಾಕ್ಸ್‌ ಕಳುಹಿಸಿಕೊಟ್ಟ ವಿರಾಟ್,​ ಅನುಷ್ಕಾ!: ಯಾರಿಗೆ? ಕಾರಣ ಗೊತ್ತಾ? - Virat Anushka Sent Gifts

ಬಾತ್ ರೂಂನಲ್ಲಿ ಎಷ್ಟು ಬಾರಿ ತೊಳೆದರೂ ಕಲೆಗಳು ಹೋಗುತ್ತಿಲ್ಲವೇ? ಈ ಸಲಹೆಗಳನ್ನು ಅನುಸರಿಸಿ! - Bathroom Cleaning Tips

ಬಹು ಬೆಳೆ ಬೇಸಾಯದಿಂದ ಹಾವೇರಿ ರೈತನಿಗೆ ಲಕ್ಷ ಲಕ್ಷ ಆದಾಯ - Multi Cropping

ಪಾದ - ಕೈಯಲ್ಲಿ ನೋವು, ಮರಗಟ್ಟುವ ಅನುಭವ ಆಗುತ್ತಿದೆಯಾ?; ಹಾಗಾದರೆ ಇದು ನರ ಹಾನಿಯ ಲಕ್ಷಣ ಇರಬಹುದು! - Pricking pain numbness in hands

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.