ಬೆಂಗಳೂರು: ಅಯೋಗ್ಯ ಸಿನಿಮಾ ನಂತರ ಬ್ಯಾಕ್ ಟು ಬ್ಯಾಕ್ ಸೂಪರ್ ಹಿಟ್ ಸಿನಿಮಾಗಳನ್ನ ಕೊಡ್ತಿರೋ ನೀನಾಸಂ ಸತೀಶ್, ಸದ್ಯ ಲಂಡನ್ನಲ್ಲಿ ಹೊಸ ಸಿನಿಮಾದ ಶೂಟಿಂಗ್ಗೆ ತೆರಳಿದ್ದು, ಶರ್ಮಿಳಾ ಮಾಂಡ್ರೆ ಜೊತೆ ಡ್ಯುಯೆಟ್ ಹಾಡಲು ರೆಡಿಯಾಗಿದ್ದಾರೆ.
ನೀನಾಸಂ ಸತೀಶ್- ಶರ್ಮಿಳಾ ಮಾಂಡ್ರೆ ಜೊತೆ 'ವೈತರಣಿ' ಚಿತ್ರದಲ್ಲಿ ನಟಿಸುತ್ತಿದ್ದು, ಚಿತ್ರದ ಶೂಟಿಂಗ್ ಲಂಡನ್ನಲ್ಲಿ ಭರ್ಜರಿಯಾಗಿ ನಡೆಯುತ್ತಿದೆ. ಅರವಿಂದ್ ಶಾಸ್ತ್ರೀ ನಿರ್ದೇಶನದ ಕ್ಯಾಪ್ ತೊಟ್ಟಿದ್ದಾರೆ. ಶರ್ಮಿಳಾ ನಾಯಕಿಯಾಗಿ ನಟಿಸುವುದರ ಜೊತೆ ನಿರ್ಮಾಣ ಮಾಡ್ತಿದ್ದಾರೆ, ಸಜನಿ ಚಿತ್ರದ ಮೂಲಕ ನಟಿ ಹಾಗೂ ನಿರ್ಮಾಪಕಿಯಾಗಿ ಸ್ಯಾಂಡಲ್ವುಡ್ಗೆ ಎಂಟ್ರಿಕೊಟ್ಟಿದ್ದರು.
ವಿಶೇಷ ಅಂದ್ರೆ "ಸಜನಿ" ಚಿತ್ರಕೂಡ ಲಂಡನ್ನಲ್ಲಿ ಶೂಟಿಂಗ್ ಆಗಿತ್ತು. ಈಗ ಶರ್ಮಿಳಾ ನಿರ್ಮಾಣದ "ವೈತರಣಿ" ಚಿತ್ರ ಕೂಡ ಲಂಡನ್ನಲ್ಲಿ ಶೂಟಿಂಗ್ ನಡೆಯುತ್ತಿದ್ದು, ಈ ವಿಷ್ಯವನ್ನು ಸತೀಶ್ ಲಂಡನ್ನಿಂದಲೇ ವಿಡಿಯೋ ಮೂಲಕ ಹಂಚಿಕೊಂಡಿದ್ದಾರೆ. ನಮ್ಮ ಸಿನಿಮಾಗೆ ನಿಮ್ಮ ಸಪೋರ್ಟ್ ಇರ್ಲಿ, ನಿಮ್ಮ ಪ್ರೀತಿ, ವಿಶ್ವಾಸ, ಆಶಿರ್ವಾದ ಸದಾ ಇರ್ಲಿ ಅಂತಾ ಕೇಳಿಕೊಂಡಿದ್ದಾರೆ. ಅಲ್ಲದೇ ಈ ತಿಂಗಳ ಕೊನೆ ವಾರದಲ್ಲಿ ಬ್ರಹ್ಮಚಾರಿ ಸಿನಿಮಾ ಬಿಡುಗಡೆಯಾಗ್ತಿದೆ ನೋಡಿ ಹಾರೈಸಿ ಅಂತಾ ವಿನಂತಿ ಮಾಡ್ಕೊಂಡಿದ್ದಾರೆ.
