ETV Bharat / sitara

ಬಲ್ಲಾಳದೇವನಿಗೆ ಇಂದು ಮದುವೆ ಸಂಭ್ರಮ...ಮದುವೆಯಲ್ಲಿ ವರ್ಚ್ಯುಯಲ್ ರಿಯಾಲಿಟಿ ತಂತ್ರಜ್ಞಾನ ಬಳಕೆ

author img

By

Published : Aug 8, 2020, 9:54 AM IST

Updated : Aug 8, 2020, 10:21 AM IST

Rana marriage today
ರಾಣಾ ದಗ್ಗುಬಾಟಿ ಮದುವೆ

ತೆಲುಗು ನಟ ರಾಣಾ ದಗ್ಗುಬಾಟಿ ಇಂದು ಹೈದರಾಬಾದ್​ ರಾಮಾನಾಯ್ಡು ಸ್ಟುಡಿಯೋದಲ್ಲಿ ಪ್ರೇಯಸಿ ಮಿಹಿಕಾ ಬಜಾಜ್​ ಅವರನ್ನು ಮದುವೆಯಾಗಲಿದ್ದಾರೆ. ಎರಡೂ ಕುಟುಂಬದಿಂದ ಈ ಮದುವೆಗೆ ಕೇವಲ 30 ಮಂದಿ ಭಾಗಿಯಾಗುತ್ತಿದ್ದಾರೆ ಎನ್ನಲಾಗಿದೆ.

'ಬಾಹುಬಲಿ'ಯ ಬಲ್ಲಾಳದೇವ ಖ್ಯಾತಿಯ ಟಾಲಿವುಡ್ ನಟ ರಾಣಾ ದಗ್ಗುಬಾಟಿ ಇಂದು ದಾಂಪತ್ಯ ಜೀವನಕ್ಕೆ ಕಾಲಿಡುತ್ತಿದ್ದಾರೆ. ತಾವು ಬಹಳ ವರ್ಷಗಳಿಂದ ಪ್ರೀತಿಸುತ್ತಿದ್ದ ಮಿಹಿಕಾ ಬಜಾಜ್ ಎಂಬುವವರನ್ನು ರಾಣಾ ಇಂದು ವರಿಸಲಿದ್ದಾರೆ.

ಕೆಲವು ದಿನಗಳ ಹಿಂದೆ ರಾಣಾ ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಮಿಹಿಕಾ ಜೊತೆಗಿನ ಫೋಟೋವನ್ನು ಹಂಚಿಕೊಂಡು 'ಆ್ಯಂಡ್​​​​​​​​​​​​​​​​ ಶಿ ಸೆಡ್​ ಯೆಸ್' ಎಂದು ಹೇಳಿಕೊಂಡಿದ್ದರು. ಆಗಲೇ ಅವರು ಪ್ರೀತಿಯಲ್ಲಿ ಇರುವ ವಿಚಾರ ಎಲ್ಲರಿಗೂ ತಿಳಿದದ್ದು. ಲಾಕ್​​ ಡೌನ್ ಸಮಯದಲ್ಲಿ ಈ ಜೋಡಿ ನಿಶ್ಚಿತಾರ್ಥ ಕೂಡಾ ಮಾಡಿಕೊಂಡಿತ್ತು. ಇಂದು ಹಿರಿಯರು ಸೇರಿ ಮದುವೆ ದಿನಾಂಕವನ್ನು ನಿಗದಿ ಮಾಡಿದ್ದಾರೆ. ಇಂದು ರಾತ್ರಿ 8.30 ಕ್ಕೆ ರಾಣಾ ಹಾಗೂ ಮಿಹಿಕಾ ಸತಿ ಪತಿಗಳಾಗಲಿದ್ದಾರೆ. ತೆಲುಗು ಹಾಗೂ ಮಾರ್ವಾಡಿ ಎರಡೂ ಸಂಪ್ರದಾಯದ ಪ್ರಕಾರ ಈ ಮದುವೆ ನಡೆಯಲಿದೆ.

ಕೊರೊನಾ ಸಮಸ್ಯೆ ಇರುವುದರಿಂದ ಎರಡೂ ಕುಟುಂಬದಿಂದ ಕೇವಲ 30 ಮಂದಿ ಮಾತ್ರ ಈ ಮದುವೆಗೆ ಹಾಜರಿರಲಿದ್ದಾರಂತೆ. ಆದರೆ ಬಾಲಿವುಡ್​ ಸ್ನೇಹಿತರ ಸಮ್ಮುಖದಲ್ಲಿ ಮದುವೆಯಾಗುತ್ತಿಲ್ಲ ಎಂಬ ಬೇಸರ ರಾಣಾ ಅವರನ್ನು ಕಾಡುತ್ತಿದೆಯಂತೆ. ಈ ಕಾರಣಕ್ಕಾಗಿ ಅವರು ವರ್ಚ್ಯುಯಲ್ ರಿಯಾಲಿಟಿ ತಂತ್ರಜ್ಞಾನದ ಮೊರೆ ಹೋಗಿದ್ದಾರೆ. ಈ ಮೂಲಕ ವರ್ಚ್ಯುಯಲ್ ರಿಯಾಲಿಟಿ ತಂತ್ರಜ್ಞಾನವನ್ನು ಬಳಸಿಕೊಳ್ಳುತ್ತಿರುವ ಮೊದಲ ಸೆಲಬ್ರಿಟಿ ಎನಿಸಿಕೊಂಡಿದ್ದಾರೆ. ಈಗಾಗಲೇ ರಾಣಾ ಚಿತ್ರರಂಗದ ಗಣ್ಯರಿಗೆ ಈ ವಸ್ತುಗಳನ್ನು ಕಳಿಸಿಕೊಟ್ಟಿದ್ದಾರಂತೆ. ಮದುವೆ ದಿನ ಇದನ್ನು ಹೇಗೆ ಬಳಸಿಕೊಳ್ಳುವುದು ಎಂಬುದನ್ನು ಕೂಡಾ ವಿವರಿಸಿದ್ಧಾರಂತೆ. ಮದುವೆಗೆ ಹಾಜರಾಗದಿದ್ದರೂ ಈ ತಂತ್ರಜ್ಞಾನದ ಮೂಲಕ ಮದುವೆ ಸ್ಥಳದಲ್ಲೇ ಇರುವಂತೆ ಫೀಲ್ ಸಿಗಲಿದೆ.

ಹೈದರಾಬಾದ್​ ರಾಮಾನಾಯ್ಡು ಸ್ಟುಡಿಯೋದಲ್ಲಿ ಮೊನ್ನೆಯಿಂದಲೇ ಮದುವೆ ಸಂಭ್ರಮ ಆರಂಭವಾಗಿದೆ. ನಿನ್ನೆ ಅರಿಶಿನ ಶಾಸ್ತ್ರ ಕೂಡಾ ನಡೆದಿದ್ದು ಇದಕ್ಕೆ ಸಂಬಂಧಿಸಿದ ವಿಡಿಯೋ ಹಾಗೂ ಫೋಟೋಗಳು ಸೋಷಿಯಲ್ ಮೀಡಿಯಾದಲ್ಲಿ ಅಪ್​​ಲೋಡ್ ಆಗಿವೆ. ರಾಣಾ ದಗ್ಗುಬಾಟಿ, ತೆಲುಗು ನಿರ್ಮಾಪಕ ದಗ್ಗುಬಾಟಿ ಸುರೇಶ್ ಬಾಬು ಅವರ ಪುತ್ರ. ಇನ್ನು ಮಿಹಿಕಾ, ಹೈದರಾಬಾದ್​​ನಲ್ಲಿ ಡ್ಯೂ ಡ್ರಾಪ್​ ಎಂಬ ಈವೆಂಟ್ ಮ್ಯಾನೇಜ್​​​​ಮೆಂಟ್​ ಸಂಸ್ಥೆ ನಡೆಸುತ್ತಿದ್ದಾರೆ. ಒಟ್ಟಿನಲ್ಲಿ ಮೆಚ್ಚಿನ ನಟ ವೈವಾಹಿಕ ಜೀವನಕ್ಕೆ ಕಾಲಿಡುತ್ತಿರುವುದಕ್ಕೆ ಅಭಿಮಾನಿಗಳು ಸಂತೋಷ ವ್ಯಕ್ತಪಡಿಸಿದ್ದಾರೆ.

Last Updated :Aug 8, 2020, 10:21 AM IST

TAGGED:

Rana marriage todayಟಾಲಿವುಡ್ ನಟ ರಾಣಾ ದಗ್ಗುಬಾಟಿಮಿಹಿಕಾ ಬಜಾಜ್ ಕೈ ಹಿಡಿಯುತ್ತಿರುವ ರಾಣಾಬಾಹುಬಲಿ ಬಲ್ಲಾಳದೇವನ ಮದುವೆನಿರ್ಮಾಪಕ ಸುರೇಶ್ ಬಾಬು ಪುತ್ರ ರಾಣಾ

Quick Links / Policies

Get Us On

ETV Bharat IOS AppETV Bharat Google App

Please write to us, for media partnership and Ad-sales inquiries. Email: adops@etvbharat.com

ಆಯ್ದ ಲೇಖನಗಳು

Appleನ ಹೊಸ ಆವೃತ್ತಿ IOS 17.5 ಬಿಡುಗಡೆ; ನಿಮ್ಮ ಐಫೋನ್ ಟ್ರ್ಯಾಕ್ ಮಾಡಲು ಪ್ರಯತ್ನಿಸಿದರೆ ಬರುತ್ತೆ ಎಚ್ಚರಿಕೆ ಸಂದೇಶ! - Apple Releases iOS 17 5 Update

ಜಂಕ್​ಫುಡ್​ ಸೇವನೆಯಿಂದ ಮಕ್ಕಳ ದೈಹಿಕ ಆರೋಗ್ಯ ಮಾತ್ರವಲ್ಲ, ಮಾನಸಿಕ ಆರೋಗ್ಯಕ್ಕೂ ಕುತ್ತು - JUNK FOOD PROBLEM

ಬಾತ್ ರೂಂನಲ್ಲಿ ಎಷ್ಟು ಬಾರಿ ತೊಳೆದರೂ ಕಲೆಗಳು ಹೋಗುತ್ತಿಲ್ಲವೇ? ಈ ಸಲಹೆಗಳನ್ನು ಅನುಸರಿಸಿ! - Bathroom Cleaning Tips

ಪಾದ - ಕೈಯಲ್ಲಿ ನೋವು, ಮರಗಟ್ಟುವ ಅನುಭವ ಆಗುತ್ತಿದೆಯಾ?; ಹಾಗಾದರೆ ಇದು ನರ ಹಾನಿಯ ಲಕ್ಷಣ ಇರಬಹುದು! - Pricking pain numbness in hands

ಟ್ರೆಂಡಿಂಗ್

(ಯಾವುದೇ ವಿಷಯದ ಮೇಲೆ ಕ್ಲಿಕ್ ಮಾಡಿ)
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.