ಪ್ಯಾರಿಸ್( ಫ್ರಾನ್ಸ್): ಕಳೆದ ಹದಿನಾಲ್ಕು ದಿನದಲ್ಲಿ ಆಫ್ರಿಕಾದಿಂದ ಮರಳಿದ ಪ್ರಯಾಣಿಕರಲ್ಲಿ ಕೆಲವರಿಗೆ ಕೋವಿಡ್ ಪಾಸಿಟಿವ್ ಇರೋದು ದೃಢಪಟ್ಟಿದೆ ಎಂದು ಫ್ರಾನ್ಸ್ ಆರೋಗ್ಯ ಸಚಿವರು ಮಾಹಿತಿ ನೀಡಿದ್ದಾರೆ.
ಇದುವರೆಗೂ 8 ಪ್ರಯಾಣಿಕರಲ್ಲಿ 8 ಜನರಿಗೆ ಕೋವಿಡ್ 19 ದೃಢಪಟ್ಟಿದ್ದು, ಇದರಲ್ಲಿ ರೂಪಾಂತರಿತ ಆಲ್ಫಾ, ಬೇಟಾ, ಗಮ್ಮಾ ಹಾಗೂ ಡೆಲ್ಟಾ ಪ್ರಭಾವ ಇದೆಯೋ ಇಲ್ಲವೋ ಎಂಬ ಬಗ್ಗೆ ಇನ್ನಷ್ಟೇ ಪರೀಕ್ಷೆ ಮೂಲಕ ದೃಢೀಕರಣ ಮಾಡಿಕೊಳ್ಳಬೇಕಿದೆ ಎಂದು ಫ್ರಾನ್ಸ್ ಆರೋಗ್ಯ ಸಚಿವರು ಹೇಳಿದ್ದಾರೆ.
ಈಗಾಗಲೇ ಫ್ರಾನ್ಸ್ನ ನೆರೆಯ ರಾಷ್ಟ್ರಗಳಲ್ಲಿ ಒಮಿಕ್ರೋನ್ ಪಾಸಿಟಿವ್ ಕಂಡು ಬಂದಿರುವುದು ದೃಢಪಟ್ಟಿದೆ. ಈ ಹಿನ್ನೆಲೆಯಲ್ಲಿ ಮಾತನಾಡಿರುವ ಫ್ರಾನ್ಸ್ನ ಆರೋಗ್ಯ ಸಚಿವ ಒಲಿವರ್ ವೆರನ್, ಈಗಾಗಲೇ ನಮ್ಮ ಪಕ್ಕದ ದೇಶಗಳಲ್ಲಿ ಒಮಿಕ್ರೋನ್ ಎಂಟ್ರಿ ಕೊಟ್ಟಿದೆ. ಈ ವೈರಸ್ ನಮ್ಮಲ್ಲೂ ಹರಡುವ ಎಲ್ಲ ಸಾಧ್ಯತೆಗಳಿವೆ ಎಂದಿದ್ದಾರೆ. ಹೀಗಾಗಿ ನಾವು ವೈರಸ್ ಹರಡದಂತೆ ತಡೆಗಟ್ಟಲು ಎಲ್ಲ ಮುಂಜಾಗ್ರತಾ ಕ್ರಮ ಕೈಗೊಂಡಿದ್ದೇವೆ.
ಇದನ್ನು ಓದಿ: ಹೊಸ ಕೋವಿಡ್ ರೂಪಾಂತರದ ಬಗ್ಗೆ ನಿಮಗೆಷ್ಟು ಗೊತ್ತು.. ಏನಿದು ಒಮಿಕ್ರೋನ್?
ಈಗಾಗಲೇ 7 ಆಫ್ರಿಕನ್ ದೇಶಗಳಿಂದ ವಿಮಾನಯಾನಕ್ಕೆ ನಿಷೇಧ ಹೇರಲಾಗಿದೆ ಎಂದು ಫ್ರಾನ್ಸ್ ಸಚಿವರು ತಿಳಿಸಿದ್ದಾರೆ. ಈ ನಡುವೆ ಒಮಿಕ್ರೋನ್ ಹೆಚ್ಚು ಅಪಾಯಕಾರಿಯೇ ಅಥವಾ ವೇಗವಾಗಿ ಹಬ್ಬುತ್ತದೆಯೇ ಎಂಬ ಬಗ್ಗೆ ಇನ್ನೂ ಖಚಿತವಾಗಿಲ್ಲ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಹೇಳಿದೆ.
