'ಸಿದ್ದಾರ್ಥ್', 'ಅನಂತ್ ವರ್ಸಸ್ ನುಸ್ರತ್' ಸಿನಿಮಾಗಳ ಮೂಲಕ ಕನ್ನಡ ಚಿತ್ರರಂಗದಲ್ಲಿ ಗಮನ ಸೆಳೆದ ನಟ ವಿನಯ್ ರಾಜ್ಕುಮಾರ್. ಡಾ ರಾಜ್ಕುಮಾರ್ ಕುಟುಂಬದ ಮೂರನೇ ತಲೆಮಾರಿನ, ಕುಡಿಯಾಗಿರುವ ವಿನಯ್ ಇಂದು ಹುಟ್ಟುಹಬ್ಬದ ಸಂಭ್ರಮದಲ್ಲಿದ್ದರು. 32ನೇ ವಸಂತಕ್ಕೆ ಕಾಲಿಟ್ಟಿರುವ ವಿನಯ್ ಹುಟ್ಟುಹಬ್ಬಕ್ಕೆ ಅವರ ಬಹುನಿರೀಕ್ಷಿತ ಸಿನಿಮಾಗಳಾದ 'ಅಂದೊಂದಿತ್ತು ಕಾಲ' ಹಾಗೂ 'ಪೆಪೆ' ಟೀಸರ್ ಬಿಡುಗಡೆ ಆಗಿದೆ.
ಲವರ್ ಬಾಯ್ ಇಮೇಜ್ನಿಂದ ಗುರುತಿಸಿಕೊಂಡಿದ್ದ ವಿನಯ್, ಸದ್ಯ ಮಾಸ್ ಅಂಡ್ ಕ್ಲಾಸ್ ಲುಕ್ನಲ್ಲಿ ಕಾಣಿಸಿಕೊಂಡಿದ್ದಾರೆ. ಸದ್ಯ 'ಅಂದೊಂದಿತ್ತು ಕಾಲ' ಟೀಸರ್ನಲ್ಲಿ ಸಖತ್ ಕ್ಲಾಸ್ ಆಗಿ ಕಾಣುತ್ತಿದ್ದಾರೆ. ಇದು 90ರ ದಶಕದ ಕಥೆಯಾಗಿದ್ದು, ಪ್ರೀತಿ, ಪ್ರೇಮ ಹಾಗೂ ಸಂಬಂಧಗಳ ಬಗ್ಗೆ ಇರಲಿದೆ. ಚಿತ್ರದಲ್ಲಿ ಇಬ್ಬರು ನಾಯಕಿಯರಾದ ಅದಿತಿ ಪ್ರಭುದೇವ ಹಾಗೂ ಗಟ್ಟಿಮೇಳ ಖ್ಯಾತಿಯ ನಿಶಾ ಮಿಲನ ವಿನಯ್ಗೆ ಜೊತೆಯಾಗಿದ್ದಾರೆ. ಅದಿತಿ ಮ್ಯೂಸಿಕ್ ಟೀಚರ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಯುವ ನಿರ್ದೇಶಕ ಕೀರ್ತಿ ಆ್ಯಕ್ಷನ್ ಕಟ್ ಹೇಳಿದ್ದಾರೆ.
- " class="align-text-top noRightClick twitterSection" data="">
'ಪೆಪೆ' ರಗಡ್ ಲುಕ್: ಮತ್ತೊಂದೆಡೆ 'ಪೆಪೆ' ಚಿತ್ರದಲ್ಲಿ ವಿನಯ್ ರಾಜ್ಕುಮಾರ್ ಪಕ್ಕಾ ಔಟ್ ಅಂಡ್ ಔಟ್ ರಗಡ್ ಲುಕ್ನಲ್ಲಿ ಮಿಂಚಿದ್ದಾರೆ. ಪಂಚಿಂಗ್ ಡೈಲಾಗ್ಗಳ ಜೊತೆಗೆ ಸಿನಿಮಾದಲ್ಲಿ ಬರುವ ಒಂದೊಂದು ಕ್ಯಾರೆಕ್ಟರ್ಗಳ ಅನಾವರಣ ಮಾಡಲಾಗಿದೆ. ಶ್ರೀಲೇಶ್ ಎಸ್. ನಾಯರ್ ನಿರ್ದೇಶನದಲ್ಲಿ ಈ ಸಿನಿಮಾ ಮೂಡಿಬಂದಿದ್ದು, ಸಮರ್ಥ ಉಪಾಧ್ಯ ಅವರ ಸಿನಿಮಾಟೋಗ್ರಫಿ ನೋಡುಗರ ಗಮನ ಸೆಳೆಯುತ್ತಿದೆ.
- " class="align-text-top noRightClick twitterSection" data="">
ಒಟ್ಟಾರೆ, ವಿನಯ್ ರಾಜ್ಕುಮಾರ್ ಹುಟ್ಟುಹಬ್ಬಕ್ಕೆ ಈ ಎರಡೂ ಸಿನಿಮಾದ ಟೀಸರ್ಗಳು ಬಿಡುಗಡೆಯಾಗಿ ಸಿನಿಪ್ರಿಯರನ್ನು ಸೆಳೆಯುತ್ತಿವೆ. ದೊಡ್ಮನೆ ಕುಡಿಯ ಹೊಸ ಅವತಾರಕ್ಕೆ ಅಭಿಮಾನಿಗಳು ಫಿದಾ ಆಗಿದ್ದಾರೆ.
ಇದನ್ನೂ ಓದಿ: ಅಭಿಮಾನಿಗಳ ನಿದ್ದೆಕೆಡಿಸಿದ ಕತ್ರಿನಾ ಕೈಪ್ - ವಿಕ್ಕಿ ಕೌಶಲ್ ವೀಕೆಂಡ್ ಫೋಟೋ