ಭಾರತದ ಶ್ರೇಷ್ಠ ಕ್ರಿಕೆಟ್ ಆಟಗಾರ ವಿರಾಟ್ ಕೊಹ್ಲಿ ಮತ್ತು ಬಾಲಿವುಡ್ ನಟಿ ಅನುಷ್ಕಾ ಶರ್ಮಾ ಇಂದು ಐದನೇ ವಿವಾಹ ವಾರ್ಷಿಕೋತ್ಸವದ ಸಂಭ್ರಮದಲ್ಲಿದ್ದಾರೆ. ಈ ಕ್ಯೂಟ್ ಕಪಲ್ಗೆ ಅಭಿಮಾನಿಗಳು, ಚಿತ್ರರಂಗದವರು ಸೇರಿದಂತೆ ಆಪ್ತರು ಶುಭಾಶಯ ಕೋರಿದ್ದಾರೆ. ದಾಂಪತ್ಯ ಜೀವನಕ್ಕೆ ಐದು ವರ್ಷ ತುಂಬಿರುವ ಸಂಭ್ರಮದಲ್ಲಿರುವ ದಂಪತಿ ಇನ್ಸ್ಟಾಗ್ರಾಮ್ನಲ್ಲಿ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ.
"ನಮ್ಮನ್ನು ನಾವು ಆಚರಿಸಿಕೊಳ್ಳಲು ಈ ಸುಂದರವಾದ ಚಿತ್ರಗಳನ್ನು ಪೋಸ್ಟ್ ಮಾಡಲು ಇವತ್ತಿಗಿಂತ ಉತ್ತಮವಾದ ದಿನ ಯಾವುದು'' ಎಂದು ನಟಿ ಅನುಷ್ಕಾ ಶರ್ಮಾ ಕೆಲ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಅದರಲ್ಲಿ ವಿರಾಟ್ ಕೊಹ್ಲಿ ಅವರ ಫನ್ನಿ ಫೋಟೋಗಳು ಇವೆ. "ಶಾಶ್ವತತೆಯ ಪ್ರಯಾಣದಲ್ಲಿ 5 ವರ್ಷಗಳು. ನಿಮ್ಮನ್ನು ಪಡೆಯಲು ನಾನು ಆಶೀರ್ವದಿಸಲ್ಪಟ್ಟಿದ್ದೇನೆ, ನಾನು ನಿನ್ನನ್ನು ಪ್ರೀತಿಸುತ್ತೇನೆ'' ಎಂದು ವಿರಾಟ್ ಕೊಹ್ಲಿ ಇನ್ಸ್ಟಾಗ್ರಾಮ್ನಲ್ಲಿ ಫೋಟೋ ಹಂಚಿಕೊಂಡು ಪತ್ನಿಗೆ ಶುಭಾಶಯ ಕೋರಿದ್ದಾರೆ.
- " class="align-text-top noRightClick twitterSection" data="
">
- " class="align-text-top noRightClick twitterSection" data="
">
ಇದನ್ನೂ ಓದಿ: 'ಅಭಿ-ಅವಿವಾ' ಪ್ರೀತಿಗೆ ನಿಶ್ಚಿತಾರ್ಥದ ಮುದ್ರೆ.. ಎಂಗೇಜ್ಮೆಂಟ್ ಸಂಭ್ರಮದ ಫೋಟೋಗಳನ್ನು ನೋಡಿ
ಪ್ರಣಯ ಪಕ್ಷಿಗಳಂತೆ ನಾಲ್ಕು ವರ್ಷಗಳಿಂದ ಮಾಧ್ಯಮಗಳ ಕಣ್ತಪ್ಪಿಸಿ ಈ ಜೋಡಿ ದೇಶ-ವಿದೇಶ ಸುತ್ತಾಡಿತ್ತು. ನಂತರ 2017 ಡಿ.11 ರಂದು ಇಟಲಿಯಲ್ಲಿ, ಕೆಲವೇ ಕೆಲವು ಆಪ್ತರ ಸಮ್ಮುಖದಲ್ಲಿ ನಟಿ ಅನುಷ್ಕಾ ಅವರು ವಿರಾಟ್ ಕೊಹ್ಲಿ ಕೈ ಹಿಡಿದು ಎಲ್ಲಾ ರೂಮರ್ಸ್ಗಳಿಗೆ ಇತಿಶ್ರೀ ಹಾಡಿದ್ದರು. ಅಂದಿನಿಂದ ಮಾದರಿ ದಂಪತಿ ಅಂತೆ ಜೀವನ ನಡೆಸುತ್ತಿದ್ದಾರೆ. ಮುದ್ದು ಮಗಳ ಪೋಷಕರಾಗಿಯೂ ಅವರು ಬಡ್ತಿ ಪಡೆದಿದ್ದಾರೆ.
