ಪಾವೊಂಟಾ ಸಾಹಿಬ್ (ಹಿಮಾಚಲ ಪ್ರದೇಶ): ಹಿಮಾಲಯ ಪರ್ವತ ಶ್ರೇಣಿಗಳ ಸುಂದರ ನಾಡಿನಲ್ಲಿ ವಿಶ್ವದ ಮೊದಲ ಕವಿ ದರ್ಬಾರ್ ಹಾಲ್ ನಿರ್ಮಾಣಗೊಳ್ಳುತ್ತಿದೆ. ಇದಕ್ಕಾಗಿ ಚಂಡಿಗಢದಿಂದ ಮತ್ತು ರಾಜಸ್ಥಾನದಿಂದ ಕುಶಕರ್ಮಿಗಳ ಕರೆಸಲಾಗಿದೆ. ಇದಕ್ಕೆಂದೇ ಧೌಲ್ಪುರದಿಂದ ವಿಶೇಷ ಕಲ್ಲುಗಳ ತರಿಸಲಾಗಿದೆ. ಏಕೆಂದರೆ ಇಲ್ಲಿನ ಪಾವೊಂಟಾ ಸಾಹಿಬ್ನಲ್ಲಿರುವ ಐತಿಹಾಸಿಕ ಗುರುದ್ವಾರದಲ್ಲಿ ವಿಶ್ವದ ಮೊದಲ ಕವಿ ದರ್ಬಾರ್ ಹಾಲ್ ನಿರ್ಮಾಣಗೊಳ್ಳುತ್ತಿದೆ.
ಗುರು ಗೋವಿಂದ್ ಸಿಂಗ್ ಜಿ 1683ರಲ್ಲಿ ಪಾವೊಂಟಾ ಸಾಹಿಬ್ ಗುರುದ್ವಾರಕ್ಕೆ ಅಡಿಪಾಯ ಹಾಕಿದರು ಎಂದು ಇತಿಹಾಸದಲ್ಲಿ ಉಲ್ಲೇಖವಿದೆ. ಈ ಸಮಯದಲ್ಲಿ ಗುರು ಗೋವಿಂದ್ ಸಿಂಗ್ ಜಿ ಇಲ್ಲಿ 52 ಕವಿಗಳೊಂದಿಗೆ ಕವಿಗೋಷ್ಠಿ ಪ್ರಾರಂಭಿಸಿದರು. ಅಂದಿನಿಂದ, ಪ್ರತಿ ವರ್ಷ 52 ಕವಿಗಳು ತಮ್ಮ ಕೃತಿಗಳನ್ನು ಇಲ್ಲಿ ಪ್ರಸ್ತುತಪಡಿಸುತ್ತಾರೆ. ಪ್ರತಿ ತಿಂಗಳಲ್ಲೂ ಕವಿ ದರ್ಬಾರ್ ನಡೆಸಿಕೊಂಡು ಬರಲಾಗುತ್ತಿದೆ. ಈ ದರ್ಬಾರ್ನಲ್ಲಿ ಭಾಗಿಯಾಗಲು ದೂರದ ಊರಿನಿಂದಲೂ ಕವಿ, ಪಂಡಿತರು ಬರುತ್ತಾರೆ.
ಪಾವೊಂಟಾ ಸಾಹಿಬ್ ಪ್ರದೇಶ ವಿಶ್ವದಾದ್ಯಂತ ತನ್ನ ಶ್ರೇಷ್ಠತೆ ಉಳಿಸಿಕೊಂಡಿದೆ. 10ನೇ ಚಕ್ರವರ್ತಿಯ ಕಾಲದಿಂದಲೂ ಈ ಕವಿ ದರ್ಬಾರ್ ನಡೆಯುತ್ತಿದೆ. 10ನೇ ಚಕ್ರವರ್ತಿ ತನ್ನ ಆಸ್ಥಾನದಲ್ಲಿ 50 ಕವಿಗಳ ಹೊಂದಿದ್ದ ಎಂದು ಇತಿಹಾಸ ಹೇಳುತ್ತಿದೆ. ಅಲ್ಲದೇ ವಿವಿಧ ಭಾಷೆಗಳ ಕವಿಗಳು ಇವನ ಆಸ್ಥಾನದಲ್ಲಿ ಸ್ಥಾನ ಪಡೆದಿದ್ದರು. ಕವಿಗಳು ಕವನ ಮತ್ತು ಹಾಡುಗಳ ಮೂಲಕ ಜನರ ರಂಜಿಸುತ್ತಿದ್ದರು. ಈ ಸಂಪ್ರದಾಯವನ್ನು ಇಂದಿಗೂ ಪಾವೊಂಟಾ ಸಾಹಿಬ್ನಲ್ಲಿ ಮುನ್ನಡೆಸಿಕೊಂಡು ಬರಲಾಗಿದೆ.
ಜಗತ್ತಿನ ಬೇರಾವಿದೇ ಸ್ಥಳದಲ್ಲಿ ಇಂತಹ ಕವಿ ದರ್ಬಾರ್ ಹಾಲ್ ನಿರ್ಮಾಣಗೊಂಡಿಲ್ಲ. ವಿಶ್ವದ ಮೊದಲ ಕವಿ ದರ್ಬಾರ್ ಹಾಲ್ ಅನ್ನು ಇನ್ನಷ್ಟು ಸುಂದರವಾಗಿಸುವ ಕೆಲಸ ನಡೆಯುತ್ತಿದೆ. ಇಷ್ಟೇ ಅಲ್ಲ ಸಾಹಿಬ್ನ ಸುತ್ತಲಿನ ಜಾಗದಲ್ಲಿ ರಂಗು ರಂಗಿನ ಹೂಗಳ ಬೆಳೆಸಲಾಗಿದೆ. ಸುಮಾರು 52 ಬಗೆಯ ಹೂಗಳು ಸಾಹಿಬ್ನ ಸೌಂದರ್ಯವನ್ನ ಇಮ್ಮಡಿಗೊಳಿಸುತ್ತಿವೆ. ಈಗಾಗಲೇ ಕಾಮಗಾರಿ ಅಂತಿಮ ಹಂತ ತಲುಪಿದ್ದು, ಪೂರ್ಣಗೊಂಡರೆ ರಾಜರ ಆಸ್ಥಾನದಂತೆ ಕಂಗೊಳಿಸಲಿದೆ.
ಪಾವೊಂಟಾ ಸಾಹಿಬ್ ಗುರುದ್ವಾರದ ಕವಿ ದರ್ಬಾರ್ ನೋಡಲೆಂದೇ ಆಗಮಿಸುತ್ತಾರೆ. ಇದೀಗ ಇಲ್ಲಿನ ಕವಿ ದರ್ಬಾರ್ಗೆ ಹೊಸ ರೂಪ ನೀಡಲು ಮುಂದಾಗಿದ್ದು, ಭವಿಷ್ಯದಲ್ಲಿ ಇಲ್ಲಿಗೆ ಭೇಟಿ ನೀಡುವ ಪ್ರವಾಸಿಗರ ಸಂಖ್ಯೆಯಲ್ಲಿ ಏರಿಕೆಯಾಗಲಿದೆ ಎಂಬ ಅಭಿಲಾಷೆ ಇಲ್ಲಿನ ನಿವಾಸಿಗಳದ್ದಾಗಿದೆ.
