ಮೋದಿಯವರು ನಿಂದನೆ ಮತ್ತು ಸುಳ್ಳಿನ ಕಾರ್ಖಾನೆ ತೆರೆದಿದ್ದಾರೆ: ಮಲ್ಲಿಕಾರ್ಜುನ ಖರ್ಗೆ

ಛತ್ತೀಸ್​ಗಢ (ಅಭನ್‌ಪುರ): ಅಭನ್‌ಪುರದಲ್ಲಿ ಪ್ರಧಾನಿ ಮೋದಿ ವಿರುದ್ಧ ಕಾಂಗ್ರೆಸ್ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ಅವರು ತೀವ್ರ ವಾಗ್ದಾಳಿ ನಡೆಸಿದ್ದಾರೆ. ಸಿಎಂ ಭೂಪೇಶ್ ಬಘೇಲ್ ವಿರುದ್ಧ ಬಿಜೆಪಿ ಶೇ.30ರಷ್ಟು ಪ್ರಚಾರ ನಡೆಸುತ್ತಿದೆ ಎಂದು ಆರೋಪಿಸಿದ್ದಾರೆ. ಕರ್ನಾಟಕದಲ್ಲಿಯೂ ಸಹ ಬಿಜೆಪಿಯು ಕಾಂಗ್ರೆಸ್ ವಿರುದ್ಧ ಶೇಕಡಾ 40ರಷ್ಟು ಪ್ರಚಾರ ಮಾಡಿತು. ಅದನ್ನು ನಾವು ಬೇರುಸಹಿತ ಕಿತ್ತು ಹಾಕಿದ್ದೇವೆ ಎಂದಿದ್ದಾರೆ.

ದೇಶದಲ್ಲಿ ತುಂಬಾ ಬಿಕ್ಕಟ್ಟು ಇದೆ. ಮಣಿಪುರದಲ್ಲಿ ಜನರು ಪರಸ್ಪರ ಜಗಳವಾಡುತ್ತಿದ್ದಾರೆ. ಆದರೆ ಮೋದಿಜಿಗೆ ಒಂದು ದಿನವೂ ಅಲ್ಲಿಗೆ ಹೋಗಿ ಅವರನ್ನು ಸಮಾಧಾನಪಡಿಸುವ ಕೆಲಸ ಮಾಡಲಿಲ್ಲ. ನಾವು ದೇಶವನ್ನು ಹೀಗೆ ನಡೆಸುತ್ತೇವೆಯೇ? ಮೋದಿ ತಮ್ಮ ಸ್ನೇಹಿತರಾದ ಅದಾನಿ, ಅಂಬಾನಿಗಳಿಗೆ ಸಹಾಯ ಮಾಡುತ್ತಾರೆ. ಆದರೆ, ಛತ್ತೀಸ್‌ಗಢದಲ್ಲಿ ಎಸ್‌ಟಿ, ಎಸ್‌ಸಿಗಳು ತೊಂದರೆಗೀಡಾಗಿದ್ದಾರೆ. ಮೋದಿಗೆ ಬಡವರ ಬಗ್ಗೆ ಕಾಳಜಿಯೇ ಇಲ್ಲ ಎಂದು ಹರಿಹಾಯ್ದಿದ್ದಾರೆ.

• #WATCH | Raipur, Chhattisgarh: Congress National President Mallikarjun Kharge says, "...We are not asking for votes without doing anything... When we were in the centre, we brought the MGNREGA scheme, brought the Food Security Act, and worked for the education of children...What… pic.twitter.com/30p8UxnWGQ

  — ANI (@ANI) November 3, 2023 " class="align-text-top noRightClick twitterSection" data="

  #WATCH | Raipur, Chhattisgarh: Congress National President Mallikarjun Kharge says, "...We are not asking for votes without doing anything... When we were in the centre, we brought the MGNREGA scheme, brought the Food Security Act, and worked for the education of children...What… pic.twitter.com/30p8UxnWGQ

  — ANI (@ANI) November 3, 2023

  ">

  #WATCH | Raipur, Chhattisgarh: Congress National President Mallikarjun Kharge says, "...We are not asking for votes without doing anything... When we were in the centre, we brought the MGNREGA scheme, brought the Food Security Act, and worked for the education of children...What… pic.twitter.com/30p8UxnWGQ

  — ANI (@ANI) November 3, 2023

ಛತ್ತೀಸ್‌ಗಢದಲ್ಲಿ ಇಡಿ ಮತ್ತು ಸಿಬಿಐ ದಾಳಿ ನಡೆಸಲಾಗುತ್ತಿದೆ. ಆದರೆ, ಛತ್ತೀಸ್‌ಗಢದ ಜನರು ಇದಕ್ಕೆ ಹೆದರುವುದಿಲ್ಲ ಮತ್ತು ಧೈರ್ಯದಿಂದ ಹೋರಾಡುತ್ತಾರೆ. ಇಲ್ಲಿ ಮತ್ತೆ ಕಾಂಗ್ರೆಸ್ ಸರ್ಕಾರ ರಚಿಸಲಿದೆ. ಕಾಂಗ್ರೆಸ್ ಪಕ್ಷ ಇದಕ್ಕೆಲ್ಲ ಹೆದರುವುದಿಲ್ಲ. ನಮ್ಮ ಪಕ್ಷ 125 ವರ್ಷಗಳ ಪಕ್ಷ. ಜೈಲಿಗೆ ಹೋಗಿ ಈ ದೇಶವನ್ನು ಉಳಿಸಿದ್ದೇವೆ. ಬಿಜೆಪಿ, ಆರೆಸ್ಸೆಸ್ ನಾಯಕರು ಎಂದಾದರೂ ಜೈಲಿಗೆ ಹೋಗಿದ್ದಾರೆಯೇ? ಎಂದು ಪ್ರಶ್ನಿಸಿದ್ದಾರೆ.

70 ವರ್ಷಗಳಲ್ಲಿ ಕಾಂಗ್ರೆಸ್ ದೇಶದಲ್ಲಿ ಏನನ್ನೂ ಮಾಡಿಲ್ಲ ಎಂದು ಬಿಜೆಪಿ ಹೇಳುತ್ತಿದೆ. ನಾವು 70 ವರ್ಷ ಕೆಲಸ ಮಾಡಿದ್ದೇವೆ. ಅದಕ್ಕಾಗಿಯೇ ನೀವು ಪ್ರಧಾನಿಯಾಗಿದ್ದೀರಿ. ನಾವು ಪ್ರಜಾಪ್ರಭುತ್ವವನ್ನು ರಕ್ಷಿಸಿದ್ದೇವೆ. ನೀವು ಏನು ಮಾಡಿದ್ದೀರಿ?. ಮೊದಲಿಗೆ, ಬಿಜೆಪಿ ಕೂಡ ಕಾಂಗ್ರೆಸ್ ನಾಯಕರಾದ ಜವಾಹರಲಾಲ್ ನೆಹರು ಮತ್ತು ಇಂದಿರಾ ಗಾಂಧಿಯನ್ನು ಹೊಗಳಿತ್ತು. ಆದರೆ ಇಂದು ಬಿಜೆಪಿ ಬೆಳಗ್ಗೆ ಎದ್ದ ತಕ್ಷಣ ನಿಂದನೆ ಆರಂಭಿಸುತ್ತದೆ. ಮೋದಿಯವರು ನಿಂದನೆ ಮತ್ತು ಸುಳ್ಳಿನ ಕಾರ್ಖಾನೆಯನ್ನು ತೆರೆದಿದ್ದಾರೆ ಎಂದು ಕಿಡಿಕಾರಿದರು.

ಸುಳ್ಳು ಈಗ ಯಾರು ಹೇಳುತ್ತಿದ್ದಾರೆ?: 2014ರಲ್ಲಿ ಮೋದಿಯವರು ದೇಶಕ್ಕೆ ನಮ್ಮ ಸರ್ಕಾರ ಬಂದಾಗ ಹೊರಗಿನ ಕಪ್ಪುಹಣ ತಂದು ದೇಶವಾಸಿಗಳ ಖಾತೆಗೆ ತಲಾ 15 ಲಕ್ಷ ರೂಪಾಯಿ ಜಮಾ ಮಾಡುವುದಾಗಿ ಹೇಳಿದ್ದರು. ಹಾಗಾದರೆ ಯಾರು ಸುಳ್ಳು ಹೇಳುತ್ತಿದ್ದಾರೆ?. ಪ್ರಧಾನಿ ಮೋದಿ ಸುಳ್ಳು ಹೇಳುತ್ತಿದ್ದಾರಾ ಅಥವಾ ದೇಶದ ಜನರು ಸುಳ್ಳು ಹೇಳುತ್ತಿದ್ದಾರೆಯೇ?. 2 ಕೋಟಿ ಉದ್ಯೋಗಗಳ ಬಗ್ಗೆ ಸುಳ್ಳು ಹೇಳುತ್ತಿದ್ದಾರೆ. ಹಾಗಾಗಿಯೇ ಕಾಂಗ್ರೆಸ್ ಮೋದಿಯವರದ್ದು ಸುಳ್ಳುಗಾರರ ಸರ್ಕಾರ ಎಂದು ಹೇಳುತ್ತಿದೆ. ಈ ರೀತಿ ಮಾತನಾಡುವವರು ನೆಹರೂ ಮತ್ತು ಗಾಂಧಿ ಕುಟುಂಬದ ಬಗ್ಗೆ ಸದಾ ಕಾಮೆಂಟ್ ಮಾಡುತ್ತಾರೆ. ಇದು ಬಿಜೆಪಿಯ ಕೆಲಸ. ಕಾಂಗ್ರೆಸ್ ಎಲ್ಲೆಲ್ಲಿ ವಿರೋಧ ಪಕ್ಷದಲ್ಲಿದೆಯೋ ಅಲ್ಲಿ ಕಿರುಕುಳ ನೀಡುತ್ತಿದ್ದಾರೆ. ಸಾರ್ವಜನಿಕರ ಹಣವನ್ನು ಕಾಂಗ್ರೆಸ್‌ಗೆ ನೀಡುವಲ್ಲಿ ಕೇಂದ್ರಕ್ಕೆ ತೊಂದರೆಯಾಗಿದೆ. ಇದು ಅವರ ಆಸ್ತಿಯೇ?. ಇದು ನಮ್ಮ ಹಕ್ಕು. ಬಿಜೆಪಿಗೆ ಕೊಡಲು ಕಷ್ಟವಾಗುತ್ತಿದೆ ಎಂದಿದ್ದಾರೆ.

ನಾನು ಹಿಂದುಳಿದವನು ಎಂದು ಮೋದಿ ಹೇಳುತ್ತಾರೆ. ಭೂಪೇಶ್ ಬಘೇಲ್ ಮೇಲ್ಜಾತಿಯೇ ಎಂದು ಖರ್ಗೆ ಪ್ರಶ್ನಿಸಿದ್ದಾರೆ. ಹಿಂದುಳಿದ ವರ್ಗದ ವ್ಯಕ್ತಿಗೆ ಜನರ ನೋವು ಗೊತ್ತಿದೆ. ಹಿಂದುಳಿದ ವರ್ಗದ ವ್ಯಕ್ತಿಯೊಬ್ಬರು ಮುಖ್ಯಮಂತ್ರಿಯಾಗಿದ್ದಾರೆ. ಹಿಂದುಳಿದಿರುವಿಕೆಯ ಹೆಸರಿನಲ್ಲಿ ಮೋದಿ ಅಳುತ್ತಲೇ ಇದ್ದಾರೆ. ಭೂಪೇಶ್ ಬಘೇಲ್ ಛತ್ತೀಸ್‌ಗಢದ ಸಿಎಂ, ಕರ್ನಾಟಕದ ಸಿಎಂ, ರಾಜಸ್ಥಾನದ ಸಿಎಂ ಕೂಡಾ ಒಬಿಸಿಯವರೇ. ಕಾಂಗ್ರೆಸ್ ಜನರಿಗಾಗಿ ಕೆಲಸ ಮಾಡಿದೆ. ಅದಕ್ಕಾಗಿಯೇ ನಾವು ಮತ ​​ಕೇಳುತ್ತಿದ್ದೇವೆ. ಕಾಂಗ್ರೆಸ್ ಕೇಂದ್ರದಲ್ಲಿದ್ದಾಗಲೂ ನಾವು ಹಳ್ಳಿಯ ಬಡವರಿಗಾಗಿ ಕೆಲಸ ಮಾಡಿದ್ದೇವೆ. ನಮ್ಮಿಂದಾಗಿಯೇ ದೇಶದ ಜನ ಇಲ್ಲಿಗೆ ತಲುಪಿದ್ದಾರೆ. 70 ವರ್ಷಗಳಲ್ಲಿ ಅಭಿವೃದ್ಧಿ ತಂದಿದ್ದು ಕಾಂಗ್ರೆಸ್ ಮಾತ್ರ. ದೇಶದಲ್ಲಿ ಕಾಣುವ ದೊಡ್ಡ ಆಸ್ಪತ್ರೆಗಳೆಲ್ಲ ಕಾಂಗ್ರೆಸ್‌ನವರು ಕಟ್ಟಿದ್ದು. 9 ವರ್ಷಗಳಲ್ಲಿ ನೀವು ಏನು ಮಾಡಿದ್ದೀರಿ?. ನೀವು ಸುಮ್ಮನೆ ತಿರುಗಾಡುತ್ತಿದ್ದೀರಿ. ದೇಶಕ್ಕಾಗಿ ಏನು ಮಾಡುತ್ತಿದ್ದೀರಿ?. ಏನೂ ಮಾಡದವರು ನಮಗೆ ಏನು ಕೆಲಸ ಮಾಡಿದ್ದಾರೆ ಎಂದು ಕೇಳುತ್ತಿದ್ದಾರೆ ಎಂದು ತಿರುಗೇಟು ನೀಡಿದರು.

9 ವರ್ಷದಲ್ಲಿ ಮೋದಿ ಏನು ಮಾಡಿದ್ದೀರಿ ಹೇಳಿ- ಖರ್ಗೆ: ಮೋದಿ 9 ವರ್ಷದಲ್ಲಿ ಏನು ಮಾಡಿದ್ದಾರೆ ಹೇಳಿ. ಮೋದಿ ತಿರುಗಾಡುತ್ತಲೇ ಇದ್ದಾರೆ. ಸ್ವತಃ ಮೋದಿಯವರು ಕಾಂಗ್ರೆಸ್‌ಗೆ ಶಾಪ ಹಾಕುವುದನ್ನು ಬಿಟ್ಟು ಬೇರೇನೂ ಮಾಡಿಲ್ಲ. 70 ವರ್ಷಗಳಲ್ಲಿ ಕಾಂಗ್ರೆಸ್ ಏನೂ ಮಾಡದೇ ಇದ್ದಿದ್ದರೆ ಮೋದಿ ದೇಶದ ಪ್ರಧಾನಿಯಾಗುತ್ತಿರಲಿಲ್ಲ, ಶಾ ಗೃಹ ಸಚಿವರಾಗುತ್ತಿರಲಿಲ್ಲ. ದೇಶದ ಸಂವಿಧಾನ ಮತ್ತು ಪ್ರಜಾಪ್ರಭುತ್ವವನ್ನು ಕಾಂಗ್ರೆಸ್ ಉಳಿಸಿದೆ. ಅಮಿತ್ ಶಾ ಓದಿದ ಶಾಲೆ ಕೂಡ ಕಾಂಗ್ರೆಸ್​ನವರು ಕಟ್ಟಿದ್ದು ಎಂದು ತಿಳಿಸಿದರು.

ಗುಜರಾತಿನಲ್ಲಿ ಮುಖ್ಯಮಂತ್ರಿಯಾಗಿದ್ದ 13 ವರ್ಷಗಳಲ್ಲಿ ಮಾಡಿದ್ದೇನು?, ಛತ್ತೀಸ್‌ಗಢದಲ್ಲಿ ಕಾಂಗ್ರೆಸ್ 5 ವರ್ಷದಲ್ಲಿ ಎಷ್ಟು ಕೆಲಸ ಮಾಡಿದೆ?. ಇಂತಹ ವ್ಯಕ್ತಿಯಿಂದ ಸಾರ್ವಜನಿಕರು ದಾರಿ ತಪ್ಪಬಾರದು. ಹಿಂದುಳಿದ ವರ್ಗದ ವ್ಯಕ್ತಿಗೆ ಮಾತ್ರ ಹಿಂದುಳಿದ ವರ್ಗದವರ ನೋವು ಗೊತ್ತು ಎಂದು ಖರ್ಗೆ ಹೇಳಿದರು. ದೂರದಿಂದ ದರ್ಶನ ನೀಡುವ ದೂರದರ್ಶನ ಪ್ರಧಾನಿ ಮೋದಿ. ಆದ್ದರಿಂದ ಅಂತಹ ಜನರನ್ನು ದೂರ ಇಡಬೇಕು ಎಂದರು.

ನಮ್ಮ ಕೇಂದ್ರ ಸರ್ಕಾರ ಬಂದರೆ ಹಿಂದುಳಿದ ವರ್ಗಗಳ ಜನಗಣತಿ ನಡೆಸುತ್ತೇವೆ. ಈ ಬಗ್ಗೆ ತನಿಖೆ ನಡೆಸಿ ಜನಗಣತಿ ನಡೆಸಲಾಗುವುದು. ಇದರಿಂದ ಹಿಂದುಳಿದ ವರ್ಗಕ್ಕೆ ಸೇರಿದ ಬಡವರು ಲಾಭ ಪಡೆಯುತ್ತಾರೆ. ನಮ್ಮ ನೀರು, ಕಾಡು ಮತ್ತು ಭೂಮಿಯನ್ನು ಉಳಿಸಬೇಕು. ಆದ್ದರಿಂದ ನಾವು ಬಡವರ ಪಕ್ಷವನ್ನು ರಚಿಸುವ ಮೂಲಕ ದೇಶವನ್ನು ಉಳಿಸಬೇಕಾಗಿದೆ. ಖರ್ಗೆ ಅವರು ಮೋದಿಯನ್ನು ದೂರದೃಷ್ಟಿಯುಳ್ಳವರು ಎಂದು ಮತ್ತೊಮ್ಮೆ ಬಣ್ಣಿಸಿದರು. ಇದೇ ವೇಳೆ ಜಾತಿ ಗಣತಿ ಅಗತ್ಯ ಎಂದೂ ಖರ್ಗೆ ಹೇಳಿದ್ದಾರೆ.

ಇದನ್ನೂ ಓದಿ : 2024ರಲ್ಲಿ ಅಧಿಕಾರಕ್ಕೆ ಬಂದರೆ 'ಮಹಿಳಾ ಮೀಸಲಾತಿ ಮಸೂದೆ'ಗೆ ತಿದ್ದುಪಡಿ: ಮಲ್ಲಿಕಾರ್ಜುನ ಖರ್ಗೆ