સુરત: કામરેજના નનસાડ ખાતે રહેતા હીરા મજૂરી કરતા શખ્સે વરાછા રોડ પર આવેલા મિત્રના ગલ્લા પરથી સિગારેટ પીધા બાદ કારીગરે પૈસા માંગ્યા પરંતુ મિત્રનો ગલ્લો હોય પૈસા આપ્યા નહી. જે અદાવત રાખી ગલ્લા માલિકના ભાઈ સહિતની ટોળકીએ અગાઉથી જ રચેલા ષડયંત્ર મુજબ હીરા મજૂરી કરતા શખ્સને ફોન કરી ખડસડ ગામ નજીક બોલાવ્યો. ત્યાર બાદ બાઈક પર બેસાડી નજીકમાં આવેલા ગેરેજમાં લઈ જઈ ચાર વ્યક્તિઓ મળીને લોખંડના પાઇપ વડે માર મારી હાથ-પગમાં ચાર જગ્યાએ ફેક્ચર કરી નાખ્યુ હતું.
શું હતો મામલો: સંત સોસાયટીમાં રહેતા જીતેન્દ્ર થળેસાની હીરા મજૂરી દરમ્યાન ખડસડ ગામે રહેતા વિજય હગર સાથે મુલાકાત થઈ હતી. વિજ્યનો ભાઈ બાલા હગર વરાછા ગીતાંજલી કોહિનૂર નજીક પાનનો ગલ્લો ચલાવે છે તેમની સાથે પણ મિત્રતા હતી. ગત 24 જુલાઈના રોજ જીતેન્દ્રભાઇએ વરાછા રોડ ગીતાંજલી સોસાયટી પાસે આવેલા બાલા હગરના ગલ્લા પરથી સિગારેટ લીધા બાદ ગલ્લા પર હાજર કારીગરે પૈસા માંગતા જીતેન્દ્રભાઈએ બાલા હગર સાથે પોતાની વર્ષો જૂની મિત્રતા હોય પૈસા આપવાની ના પાડતા તેની સાથે ઝગડો થયો હતો.
સમાધાનને બહાને યુવકને બોલાવ્યો: પૈસાના બાબતે થયેલા ઝગડાની વાતની જાણ વિજય હગરને થતા સમાધાન માટે શુક્વારે બપોરે એકાદ વાગ્યે જીતેન્દ્રભાઈને વિજ્ય હગરે ફોન કરી ખડસડ ખાતે આવેલા તેના ગલ્લે આવવા કીધુ હતું. જેથી જીતેન્દ્રભાઈ તેમની મોટર સાઇક્લ નંબર GJ14C-6920 લઈને ખડસદ ખાતે પહોંચ્યા. જ્યાં અગાઉથી જ હાજર વિજ્ય હગર, તેનો કારીગર મહેશ, પ્રવીણ લખું તેમજ અન્ય એક અજાણ્યા શખ્સની હાજરીમાં જીતેન્દ્રભાઈને વિજ્ય હગરે મારા ભાઈના ગલ્લા પર જઈને મફ્તમાં સીગારેટ પી છે. તું દાદો થઈ ગયો છે. કહી ગાળો આપતાં આસપાસમાં થયેલા લોકોએ જીતેન્દ્રભાઈને છોડાવ્યા હતા.
ચપ્પુ બતાવી ધમકી આપી: ત્યાર બાદ પ્રવીણ લખુ નામના વ્યક્તિએ તેની પાસેનું ચપ્પુ બતાવ્યું હતું. જીતેન્દ્રભાઈની બાઈક પર પ્રવીણ લખું તેમજ મહેશને બેસાડી દીધા બાદ ચૂપચાપ ગાડી લઈને આગળ ચાલ એમ કહી વિજ્ય હગર તેની બાઈક પર જીતેન્દ્રભાઈની બાઈક પાછળ નીક્ળ્યો હતો. ગઢપુર ટાઉન શીપથી સરથાણા રોડ પર આવેલા રીંગરોડ પાસેના ગેરેજ પાસે જીતેન્દ્રભાઈની બાઈક ઉભી રખાવી જીતેન્દ્રભાઈને ગેરેજમાં લઈ જઈ કોઈ પણ પ્રકારની વાતચીત કર્યા વગર જ પ્રવીણ લખુ અને અજાણ્યા શખ્સો જીતેન્દ્રભાઈને પકડી રાખ્યા હતા.
માર મારી આરોપી ફરાર: વિજ્ય હગરે લોખંડના પાઇપ વડે જીતેન્દ્રભાઈના બંને પગ તેમજ ડાબા હાથ પર માર માર્યો જ્યારે મહેશે પણ બંને પગ તેમજ ડાબા હાથ માર મારતા માથામાંથી લોહી નીક્ળવા લાગતા જીતેન્દ્રભાઈને આજે ફક્ત તારા ટાંટિયા ભાંગી નાખ્યાં છે. બીજી વખત તને બચવા નહી દઈએ તને પતાવી દઈશું કહી માર મારતા રોડ પર લઈ જતા ટોળું ભેગું થઈ જતાં ચારેય ત્યાંથી નાસી છૂટયા હતા.
ભોગ બનનાર યુવકની ફરિયાદના આધારે હાલ તપાસ ચાલુ છે. યુવક સારવાર હેઠળ છે. હુમલો કરનાર ચાર પૈકી એકને ઝડપી લેવામાં આવ્યો છે. ફરાર આરોપીને ઝડપી લેવા તજવીજ શરૂ છે - આર બી ભટોળ, પીઆઇ, કામરેજ
