પાટણ આરોગ્ય વિભાગ દ્વારા રેપિડ ટેસ્ટ કેમ્પનું આયોજન કરાયું

પાટણ આરોગ્ય વિભાગ દ્વારા પાટણ શહેરના જૂના બજાર ખાતે રેપિડ એન્ટીજોન ટેસ્ટનો કેમ્પ યોજવામાં આવ્યો હતો. જેમાં વેપારીઓ અને રાહદારીઓએ રેપિડ ટેસ્ટ કરાવ્યા હતા.

પાટણઃ શહેર સહિત જિલ્લામાં વધી રહેલા કોરોના સંક્રમણને અટકાવવા માટે રાજ્ય સરકારની સૂચનાથી પાટણ આરોગ્ય વિભાગ દ્વારા શહેર સહિત જિલ્લામાં અલગ-અલગ ટીમો બનાવી રેપિડ એન્ટી ઝોન ટેસ્ટ કરવાની કામગીરી શરૂ કરવામાં આવી છે.

પાટણ આરોગ્ય વિભાગ દ્વારા જૂના ગંજ બજારમાં રેપિડ ટેસ્ટ કરવામાં આવ્યા

પાટણ શહેરના વિવિધ જાહેર સ્થળો, વિસ્તારો, પોળો તેમજ સોસાયટી વિસ્તારોમાં આરોગ્યની ટીમો દ્વારા આ ટેસ્ટ કરવામાં આવી રહ્યા છે. ત્યારે ગુરુવારે પાટણ તાલુકા આરોગ્ય ટીમ દ્વારા શહેરના જૂના ગંજ બજાર ખાતે રેપિડ એન્ટી જોન ટેસ્ટ કરવાનો કેમ્પ યોજવામાં આવ્યો હતો. આ કેમ્પમાં 50થી વધુ લોકોએ ટેસ્ટ કરાવ્યો હતો.

ટેસ્ટ ઉપરાંત આરોગ્યના કર્મચારીઓએ દુકાનદારો અને રાહદારીઓને માસ્ક પહેરવું અને હાથ વારંવાર ધોવા અંગેનું માર્ગદર્શન આપ્યું હતું.