- સાયબર સિક્યુરિટી અને ટેકલીગ પ્લાસ્ટિક પોલ્યુશન થીમ પર યોજાયો સેમિનાર
- તજજ્ઞોએ ગ્રાહક સુરક્ષાના કાયદાઓ વિશે આપી માહિતી
- મોટી સંખ્યામાં વિદ્યાર્થીઓ ઉપસ્થિત રહ્યા
પાટણઃ 15 માર્ચને ગ્રાહક અધિકાર દિવસ તરીકે ઉજવવામાં આવે છે, ત્યારે પાટણની હેમચંદ્રાચાર્ય ઉત્તર ગુજરાત યુનિવર્સિટી ખાતે સાયબર સિક્યુરીટી અવેરનેસ અને ટેકલીગ પ્લાસ્ટિક પોલ્યુશન થીમ પર એક દિવસીય સેમિનારનું આયોજન કરાયું હતું.
લોભામણી જાહેરાતોથી ગ્રાહકોએ બચવું જોઈએ
જેમાં કાનૂની માપ વિજ્ઞાન અને ગ્રાહક બાબતોની કચેરીના મદદનીશ નિયંત્રક એન. એમ. રાઠોડે જણાવ્યું હતું કે, ખાદ્ય વસ્તુ લાવવા માટે કપડાની થેલીનો ઉપયોગ કરીને પ્લાસ્ટિકનો બને તેમ ઓછો ઉપયોગ કરવો જોઈએ. જેથી પર્યાવરણને નુકસાન ન થાય. ગ્રાહક બજારનો રાજા છે ગ્રાહક છે, તો બજાર છે. બજાર છે તો ઇકોનોમી છે, તેથી ગ્રાહકને છેતરવો ન જોઈએ. આ ઉપરાંત વિવિધ કંપનીઓ લોભામણી જાહેરાતો અને ઇનામી લાલચો આપીને ગ્રાહકોને કઈ રીતે છેતરે છે અને તેનાથી બચવા ગ્રાહકોએ કઈ બાબતો ધ્યાનમાં રાખવી જોઈએ તે અંગેનું માર્ગદર્શન આપ્યુ હતું.
આ પણ વાંચોઃ સુરતમાં ગ્રાહક સુરક્ષા કચેરીમાં 151માંથી 108 ફરિયાદનું નિવારણ
સોશિયલ મીડિયા દ્વારા થતા ફ્રોડ વિશે જાગૃત બનવા કર્યો અનુરોધ
નાયબ પોલીસ અધિક્ષક જે.ટી સોનારાએ જણાવ્યું કે, ગ્રાહક પોતે સજાગ નહીં થાય તો વેપારીઓ તેઓને છેતરશે માટે ગ્રાહકોને સજાગ થવા અનુરોધ કર્યો હતો. સોશિયલ મીડિયા દ્વારા થતાં ફ્રોડ વિશે પણ ગ્રાહકો હંમેશા સજાગ રહેવા માટે અપીલ કરી હતી.
