ગાંધીનગર: સત્યાગ્રહ છાવણી મેદાનમાં બે મહિનાથી SC, ST, OBC સમાજની મહિલા ઉમેદવારો દ્વારા વિરોધ પ્રદર્શન ચાલી રહ્યું છે. મહિલા ઉમેદવારોની માગ છે કે, રાજ્ય સરકાર 1 ઓગસ્ટ 2018નો પરિપત્ર રદ્દ કરે. જોકે સરકાર તરફથી આ અંગે કોઈ વાતચીત નહીં થતાં ગત 20 દિવસથી મહિલા ઉમેદવારો દ્વારા અનશન યથાવત્ છે. આજે બપોરે 2 મહિલા ઉમેદવાર અને એક સમર્થકની તબિયત લથડતા તેમને ગાંધીનગર સિવિલ હોસ્પિટલમાં સારવાર માટે ખસેડવામાં આવ્યા હતાં.
કોંગ્રેસ પ્રમુખ અમિત ચાવડાએ ગાંધીનગર સિવિલ હોસ્પિટલ પહોંચી મહિલા ઉમેદવારની તબિયત અંગે માહિતી મેળવી હતી અને રાજ્ય રકાર પર આક્ષેપ કર્યા હતા કે, 2 મહિનાથી મહિલા ઉમેદવારો વિરોધ પ્રદર્શન કરી રહી છે પણ રાજ્ય સરકાર કંઈ સાંભળતી નથી. અમિત ચાવડાએ રાજ્ય સરકાર SC, ST વિરોધી હોવાનો પણ આક્ષેપ કર્યો હતો.