અમદાવાદ: ગુજરાતમાં વિધાનસભાની ચૂંટણી પૂર્ણ થતાં જ ભાજપ દ્વારા લોકસભા ચૂંટણી 2024 લઈને બેઠકો(Lok Sabha election 2024) શરૂ ગઈ છે. જે માટે કેન્દ્રીય અમિત શાહે અત્યારથી જ કામગીરી શરૂઆત કરી દીધી છે. અમિત શાહે પોતાના સંસદીય મતવિસ્તાર ગાંધીનગરમાં ધારાસભ્યો સાથે બેઠક કરી હતી.(Amit Shah meeting with gandhinagar MLAs) બેઠકમાં મતવિસ્તારમાં થયેલ વિકાસના કામો અંગે ચર્ચા કરી હતી. સાથે જ ચૂંટણીની આગામી રણનીતિને લઈને મનોમંથન કર્યું હતું.
ધારાસભ્યો સાથે બેઠક: શાહીબાગ સ્થિત સર્કિટ હાઉસ ખાતે આજે મહત્વની બેઠક યોજાઈ હતી. બેઠકમાં મુખ્યપ્રધાન ભૂપેન્દ્ર પટેલની સાથે હર્ષ સંઘવી ઉપસ્થિત રહ્યા હતા. પોતાના મતક્ષેત્ર હેઠળના સાત વિધાનસભા ક્ષેત્રોના ધારાસભ્યો સાથે બેઠક કરી હતી. અમદાવાદના ઘાટલોડિયા, સાબરમતી અને નારણપુરા તેમજ સાણંદ, વેજલપુર, કલોલ અને ગાંધીનગર ઉત્તરના ધારાસભ્યો પણ બેઠકમાં હાજર રહ્યા હતા.
આ પણ વાંચો: ભૂપેન્દ્ર પટેલની તાજપોશી, 16 ધારાસભ્યોએ પ્રધાનપદના લીધા શપથ
રોડ મેપ બનાવાશે: આ બેઠકમાં વિકાસના કાર્યો તેમજ લોકોના પ્રશ્નો અંગે ચર્ચા કરવામાં આવી હતી. અમિત શાહના સંસદીય મતક્ષેત્રમાં મેટ્રો રેલ, નારણપુરા અને સાબરમતીમાં સ્પોર્ટ્સ કોમ્પલેક્ષ સહિત અનેકવવિધ વિકાસના કામો ચાલી રહ્યા છે. હાઉસિંગ વસાહતોના રિ-ડેવલપમેન્ટ સહિતના કેટલાક સ્થાનિક પ્રશ્નોના ઉકેલની પ્રક્રિયા પ્રગતિ હેઠળ છે. ચૂંટણી બાદ પ્રથમ વખત યોજાનારી આ બેઠકમાં ચાલી રહેલા વિકાસના કામો, નવા આયોજનો અને સ્થાનિક પ્રશ્નોને ઉકેલવા રોડ મેપ તૈયાર થશે.
આ પણ વાંચો: ભૂપેન્દ્ર પટેલની તાજપોશી, 16 ધારાસભ્યોએ પ્રધાનપદના લીધા શપથ
