નવી દિલ્હી : IPL 2023ની 20મી મેચમાં રોયલ ચેલેન્જર્સ બેંગ્લોરે દિલ્હી કેપિટલ્સને સતત પાંચમી વખત હરાવ્યું. દિલ્હી કેપિટલ્સ 175 રનનો ટાર્ગેટ પાર કરી શકી નહોતી. નવોદિત વિજયકુમાર વૈશાક આરસીબીની જીતનો હીરો હતો. તેણે 3 વિકેટ ઝડપી હતી. દિલ્હી તરફથી મનીષ પાંડેએ અડધી સદી ફટકારી હતી. પરંતુ, તેની ફિફ્ટી પણ ટીમની હાર ટાળી શકી ન હતી. વિરાટ કોહલીએ પણ RCB તરફથી 50 રનની ઇનિંગ રમી હતી. ચોથી મેચમાં આરસીબીની આ બીજી જીત છે.
દિલ્હી કેપિટલ્સની શરૂઆત ખૂબ જ ખરાબ રહી હતી : 175 રનના લક્ષ્યાંકનો પીછો કરવા ઉતરેલી દિલ્હી કેપિટલ્સની શરૂઆત ખૂબ જ ખરાબ રહી હતી. પૃથ્વી શો પ્રથમ ઓવરના ચોથા બોલ પર અનુજ રાવતના હાથે રનઆઉટ થયો હતો. શોના આઉટ થયા બાદ દિલ્હીની બેટિંગ ખોરવાઈ ગઈ હતી. બીજી જ ઓવરમાં વિરાટ કોહલી મોટો શોટ રમતા મિચેલ માર્શના હાથે કેચ આઉટ થયો હતો. તે ખાતું પણ ખોલાવી શક્યો ન હતો. પાવરપ્લેની પ્રથમ 6 ઓવરના અંત સુધીમાં યશ ધૂલ અને કેપ્ટન ડેવિડ વોર્નર પણ આઉટ થઈ ગયા હતા. પાવરપ્લેમાં દિલ્હી કેપિટલ્સે 4 વિકેટ ગુમાવીને 32 રન બનાવ્યા હતા.
આ પણ વાંચો : LSG vs PBKS: લખનૌ સુપર જાયન્ટ્સ અને પંજાબ કિંગ્સ ટકરાશે, જાણો કેવું રહેશે પિચ અને હવામાન
સમગ્ર ટીમે 20 ઓવરમાં 9 વિકેટ ગુમાવીને 151 રન બનાવ્યા હતા : દિલ્હી કેપિટલ્સે રનના સ્કોર પર 3 વિકેટ ગુમાવી દીધી હતી. આ પછી, વોર્નરે ચોક્કસપણે તેના હાથ ખોલ્ય,. પરંતુ તે 13 બોલમાં 19 રન બનાવીને આઉટ થયો હતો. તેના આઉટ થયા બાદ, મનીષ પાંડે (50) અને અક્ષર પટેલ (18) સિવાય, દિલ્હીનો કોઈપણ બેટ્સમેન બેટિંગ કરી શક્યો ન હતો અને સમગ્ર ટીમે 20 ઓવરમાં 9 વિકેટ ગુમાવીને 151 રન બનાવ્યા હતા. એનરિક નોરખિયાએ છેલ્લી ઓવરમાં ચોક્કસપણે કેટલાક સારા શોટ્સ રમ્યા હતા, પરંતુ તેઓ અપૂરતા સાબિત થયા.
આ પણ વાંચો : Sanju Samson IPL Record: આવું કરનાર એકમાત્ર ખેલાડી સંજુ સેમસનને પાછળ છોડવું સરળ નથી
દિલ્હી કેપિટલ્સનો આ સતત 5મો પરાજય : નવોદિત વિજયકુમાર વૈશાક આરસીબી તરફથી સૌથી સફળ બોલર હતો. તેણે 4 ઓવરમાં 20 રન આપીને 3 વિકેટ લીધી હતી. તેના સિવાય મોહમ્મદ સિરાજે પણ 2 બેટ્સમેનોને આઉટ કર્યા હતા. આ પહેલા વિરાટ કોહલીની અડધી સદીની મદદથી આરસીબીએ 20 ઓવરમાં સ્પિન બોલરોની મદદવાળી વિકેટ પર 174 રન બનાવ્યા હતા. દિલ્હી કેપિટલ્સનો આ સતત 5મો પરાજય છે.
