કિવ: યુક્રેનમાં રશિયન હુમલાઓ (russia ukraine war 54 day)એ શહેરોને બરબાદીના આરે લાવી દીધુ છે. યુક્રેનના વિદેશ પ્રધાન દિમિત્રી કુલેબાએ મેરિયુપોલની સ્થિતિને ગંભીર અને હૃદયદ્રાવક ગણાવી હતી અને કહ્યું હતું કે ત્યાં રશિયાના ચાલુ હુમલાઓ "લાલ રેખા" સાબિત થઈ શકે છે, જે વાટાઘાટો દ્વારા શાંતિ સુધી પહોંચવાના તમામ પ્રયાસોને સમાપ્ત કરી શકે છે.
મારીયુપોલના લડવૈયાઓ આત્મસમર્પણ નહીં કરેઃ યુક્રેનના વડા પ્રધાન ડેનિસ શ્મિહલે કહ્યું હતું કે, મેરીયુપોલ પર રશિયાનો કબજો નથી અને યુક્રેનની સેના અંત સુધી ત્યાં લડશે. રશિયાએ કહ્યું છે કે, જો મારીયુપોલના લડવૈયાઓ (Russian army stationed in Mariupol ) આત્મસમર્પણ નહીં કરે તો તેઓનો નાશ કરવામાં આવશે. રશિયન સૈન્યએ મેરીયુપોલમાં તૈનાત (Russian forces attack in Mariupol Ukraine) યુક્રેનિયન દળોને કહ્યું કે, જો તેઓ તેમના શસ્ત્રો મૂકે છે, તો તેમને તેમના અસ્તિત્વની ખાતરી આપવામાં આવશે. રશિયન સંરક્ષણ મંત્રાલયે રવિવારે વહેલી સવારે આ જાહેરાત કરી હતી. રશિયન સંરક્ષણ મંત્રાલયના પ્રવક્તા કોનાશેન્કોવે જણાવ્યું હતું કે જે લોકો પ્રતિકાર કરવાનું ચાલુ રાખશે તેમને ખતમ કરી દેવામાં આવશે.
આ પણ વાંચોઃ Amethi Road Accident: ઉત્તરપ્રદેશ અમેઠીમાં ભયાનક માર્ગ અકસ્માતમાં 6નાં મોત, 4 ગંભીર ઈજાગ્રસ્ત
યુક્રેનના રાષ્ટ્રપતિ વોલોડીમીર ઝેલેન્સ્કી (Ukrainian President Volodymyr Zelensky)નો અંદાજ છે કે, યુદ્ધમાં 2,500થી 3,000 યુક્રેનિયન સૈનિકો માર્યા ગયા છે અને લગભગ 10,000 ઘાયલ થયા છે. યુક્રેનના પ્રોસીક્યુટર જનરલ ઓફિસે શનિવારે જણાવ્યું હતું કે, આ લડાઈમાં ઓછામાં ઓછા 200 બાળકોના મોત થયા છે અને 360 થી વધુ ઘાયલ થયા છે. તે જ સમયે, કુલેબાએ કહ્યું કે, બંદર શહેરમાં હાજર યુક્રેનિયન સેનાના બાકીના કર્મચારીઓ અને નાગરિકો ખરેખર રશિયન સેના દ્વારા ઘેરાયેલા છે. તેમણે કહ્યું કે, યુક્રેનિયન સંઘર્ષ ચાલુ રહ્યો, પરંતુ મોટા પાયે ધ્વંસને કારણે, શહેર હવે અસ્તિત્વમાં નથી.
યુક્રેનના મેરીયુપોલમાં રશિયન દળોએ હુમલો તીવ્ર બનાવ્યો: યુક્રેનિયન બંદર શહેર મેરીયુપોલ સાત સપ્તાહની ઘેરાબંધી પછી રશિયન દળો હેઠળ હોવાનું જણાય છે. રશિયાએ કાળા સમુદ્રમાં એક મુખ્ય યુદ્ધ જહાજના વિનાશ અને રશિયન પ્રદેશમાં યુક્રેનના કથિત આક્રમણના જવાબમાં હુમલામાં વધારો કર્યો છે. રશિયન સૈન્યનો અંદાજ છે કે લગભગ 2,500 યુક્રેનિયન સૈનિકો ભૂગર્ભમાં છે અને સ્ટીલ પ્લાન્ટમાં લડી રહ્યા છે. રશિયન સંરક્ષણ મંત્રાલયના પ્રવક્તા મેજર જનરલ ઇગોર કોનાશેન્કોવે જણાવ્યું હતું કે લગભગ 2,500 યુક્રેનિયન સૈનિકો અજોવસ્તાલમાં છે.
આ પણ વાંચોઃ Rankar Jewelry Launch : ભારતના વારસાને નવા ફલક પર લઈ જવા કચ્છી કળા-સંસ્કૃતિ પ્રેરિત રણકાર જ્વેલરી લોન્ચ
યુક્રેનનું રક્ષણ કરતી ઢાલઃ આ દાવો સ્વતંત્ર રીતે ચકાસી શકાયો નથી. યુક્રેનના અધિકારીઓએ આ સંદર્ભમાં કોઈ સંખ્યાનો ઉલ્લેખ કર્યો નથી. યુક્રેનના નાયબ સંરક્ષણ પ્રધાન હેન્ના મલયારે મેરીયુપોલને "યુક્રેનનું રક્ષણ કરતી ઢાલ" તરીકે વર્ણવ્યું હતું. તેમણે કહ્યું કે મેરીયુપોલ પર રશિયાના હુમલા છતાં યુક્રેનિયન દળો અડગ છે.
